2023年7月23日 am730 書展2023 關心妍偕愛女講故事 心心生性Jade感安慰

關心妍(Jade)與囡囡楊榮心今日到會展出席香港書展「名人講故事」環節,適逢心心生日,Jade在活動開始前大唱生日歌,心心多謝大家,非常有禮貌。心心在台上表現淡定,仲自爆教媽咪游水。

問到心心有甚麼生日願望,她說︰「冇,因為我啲生日願望都實現晒,有個攀石牆。」Jade稱囡囡比較好動,特別愛刺激活動,於是特別整了一個攀石牆給她。提到今次活動,心心表示唱歌及講故事都不太難,大約練了一星期,Jade表示已是第二年推出兒童繪本,有關收益全數撥捐慈善基金:「呢啲都係心心真實嘅故事,所以非常寫實,台上講呢啲故事好親切添!今日除咗講故事之外,仲會合唱兒歌,見佢上台淡定都安樂晒,證明係細個教嘅時候辛苦啲,依家就係收成期喇!」

囡囡被問有冇男友話「secret」

Jade透露囡囡在家中不停分享自己在學校的趣事,早前也有帶囡囡參與義工活動。當問到有冇小「boy friend」時,心心搶答是「secret」非常搞笑。問到今個暑期可會出外旅行,Jade稱未有計劃,但囡囡就心思思想出外放假:「佢想去日本或者布吉,總之一係買公仔、一係陽光與海灘,好在佢都話想同爸爸媽媽去,咁都安樂啲!」

關心妍與囡囡到書展講故事。

關心妍與囡囡到書展講故事。

Jade在講故事之前,大唱生日歌,全場為心心送上生日祝福。

Jade在講故事之前,大唱生日歌,全場為心心送上生日祝福。

https://www.am730.com.hk/娛樂/書展2023-關心妍偕愛女講故事-心心生性jade感安慰/389768?utm_source=am730webshare&utm_medium=copy_link

2023年3月6日 香港01 娛樂 – 眾樂迷 專訪 關心妍為慈善倒貼8年唔靠才俊老公 做阿四吸塵撲水一腳踢

2023年3月6日香港01娛樂眾樂迷a

網絡能摧毀一個人,也可捧紅一個人,關心妍(Jade)曾經身處其中,想必感受至深。但時代不同了、風向也不同了,今時今日上討論區已經見不到什麼潮文,反而見到「關家姐神級Live」「點解依啲歌手紅唔起?」「擺喺呢幾年女金都有」,坦言已經冇睇網上留言好耐的Jade笑得卡卡聲,淡淡然說:「網民好可愛。」

攝影:陳順禎
服裝:Mo&Co. @Lane Crawford
形象:Vincent @ Vchapter
化妝:Davina
髮型:Adrian @ salon_chemistry

就在兩個月前,《叱咤》完結後記者見到一個Post「上叱咤唱歌基本水準起碼要係咁」,一入去已經見到Jade第一次、也是唯一一次攞叱咤獎的片段,那是20年前的事了,她得到「叱咤樂壇生力軍女歌手金獎」,唱的是《你有心》,與她有關的留言清一色有讚冇彈,嘩!這是我熟悉的連登嗎?

冇睇網上留言好多年 相信會雨過天青

後來,知道有機會見到Jade,再爬文一次,心想一定要跟她分享,於是在訪問中把留言讀給她聽,「上唔到一線好可惜」「關家姐屈到癲」「關家姐真係超水準發揮 J死人」「幾時再出歌?香港需要呢啲清泉」,她哈哈大笑說:「我覺得網民好可愛,好有娛樂性。」原以為反應會再大一點,但,也只是這樣。咦,難道不覺得終於吐了一口烏氣嗎?不過想想也是,早年受盡網絡攻擊的Jade或許早已刀槍不入,對別人的評論不會有太大情緒起伏。

網民早前重溫及激讚Jade上攞叱咤新人獎的演出表現,認為她在樂壇理應有更高成就。(電視截圖)

網民早前重溫及激讚Jade上攞叱咤新人獎的演出表現,認為她在樂壇理應有更高成就。(電視截圖)

「潮文事件」原來已是19年前的事,自此Jade冇睇留言好多年,「你要有足夠強大先可以睇,話唔介意,但係睇得多都難搞嘅,所以我習慣唔睇。以前喺留言區一定係一面倒鬧你,唔係關家姐就關菊英㗎喇,你都會同自己講『唔好睇喇,唔好睇喇~』但依家佢讚返你,咁咪『多謝你呀』,努力原來人係睇到,可能有段時間大家都誤會咗你,依家雨過天青咪好囉,人生都係咁。」

當然,她也是曾經歷盡風霜,今日才可如此雲淡風輕,「關家姐經歷咁多年,到今日我搵自己方法,唔會畀佢整到我自己Lost!」Jade深信一切都會過,疫情也好、謠言也罷,或者猜不到是何年何月,然而總有一日會過去,「當你真係冇做或者唔係一個咁嘅人,冇得呃,尤其依家個時代,人哋好多蛛絲馬跡去睇你係咩人,Artist透明度高到不得了,所以都係做返自己。」

2023年3月6日香港01娛樂眾樂迷c
(陳順禎攝)

籲大家別被評論摧毀 開演唱會互相燃亮

「清者自清」講就易,但許多事情或者只得等待時間去證明、等它過去,講到半路Jade再分享自己近年忙著「妍亮生命慈善基金」的工作,接觸的情緒病患者中,病因很多確實與手機內的某些評論有關,她的看法是:「唔可以太過在意人哋睇法,人哋睇法真係會Destroy咗你,真係唔值得。人哋講嘅嘢,係定唔係對你個意義大唔大呢?其實唔係特別大,你搵到自己要做嘅嘢,知佢唔會傷到你,用你自己生命去鼓勵人,而唔係去畀人擊倒。」

既然現在有一班人「懺悔」以前不懂珍惜關家姐,她又有冇想跟網民講些什麼,「如果你覺得當初冇撐我,咁你今日嚟幫下我做呢個慈善Show,幫我搞掂啲飛佢!」

2023年3月6日香港01娛樂眾樂迷d

又開Show?上年6月Jade才開完《關心妍Jade Kwan約20周年演唱會》,事隔大半年再返紅館,她講明不是Part 2,而是完全不同的慈善演唱會,原定兩年後試行,誰知入紙兩個月,忽然好似申請信用卡的「特快批核」那樣,批了,入紙成功,4月就開Show。演唱會叫《關心妍Shine妍亮福音慈善演唱會》,她說:「Show個名叫『Shine』嘛,成個show好希望可以互相燃亮大家生命,我燃亮你,你燃亮身邊嘅人,大家延續落去,燃點返成個香港人嘅火。」

Jade去年舉行完《關心妍Jade Kwan約20周年演唱會》,大唱經典慘情歌,今次選歌方向則偏向有愛、正面。(Instagram:kwansumyinjade)

Jade去年舉行完《關心妍Jade Kwan約20周年演唱會》,大唱經典慘情歌,今次選歌方向則偏向有愛、正面。(Instagram:kwansumyinjade)

慈善基金險執笠 仍贈100萬飛予有需要人士

Jade說今次演唱會有1百萬飛錢會免費贈予低收入家庭、基層家庭、長期病患者和學生,其慈善基金營運8年,一直幫助有情緒問題或過度活躍症的低收入家庭。演唱會目的確實很有意義,可是「福音慈善演唱會」未必人人接受,以往就曾有歌手被樂迷批評演唱會「講太多耶穌」,不過Jade就叫大家放心,強調不是做佈道會,「我係希望做一個精彩嘅演唱會,裡面有福音嘅元素啫,但都有好多流行曲嘅,大家可以放心。我除咗慘歌,都唱好多福音歌、有愛嘅歌、正面嘅歌,有人話上次無唱,今次可以滿足返。」

Jade說自己除了教唱歌也學唱歌,發現體能比唱功還要緊,所以她每日堅持跑8公里,又睇住Coffee(林芊妤)的運動片做運動,練好腹部和心肺功能。(Instagram:kwansumyinjade)

Jade說自己除了教唱歌也學唱歌,發現體能比唱功還要緊,所以她每日堅持跑8公里,又睇住Coffee(林芊妤)的運動片做運動,練好腹部和心肺功能。(Instagram:kwansumyinjade)

做慈善固然不為賺錢,但Jade卻直情年年倒貼,拍廣告、做Show、教唱歌賺回來的收入皆進貢慈善基金,每賺到錢就搞一個新的慈善Project,希望自負盈虧,為有問題的小朋友承擔音樂治療的高昂費用。外界可能以為她嫁了「金融才子」老公就不愁經濟,不過原來早前慈善基金險些倒閉、冇錢交租,「疫情咁多嘢執笠,慈善基金更加執先添啦!」

Jade自言基金冇請人,全部都是義工,無需繳行政費已是不幸中之大幸,艱難時期唯有靠大家再做多些,她當然以身作則,「我返公司都係一腳踢,吸塵、執嘢、做阿四全部都係我自己做晒,慳得一蚊得一蚊囉。」更慶幸的是,那陣子突然有廣告商找她拍廣告,終於成功撲水交租,又捱過了一劫。

Jade的「妍亮生命慈善基金」(Instagram:kwansumyinjade)

Jade的「妍亮生命慈善基金」(Instagram:kwansumyinjade)

歌唱事業不再是唯一 找到生命意義

撰稿之日,Jade的新歌《再見關惠文》剛好推出,關惠文是誰?就是Jade的本名呀,大概她已跟過去的自己道別,用《聖經》的話語來說,「舊事已過,都變成新的了。」猶記得有報道說她曾講過對頒獎禮失望,不會再出席,然而現在又有網民希望推她上叱咤台,既然又有歌派台,如果有機會,她又會不會想參與呢?「依家個心態真係唔同以前,以前事業係唯一,但依家我嘅事業唔係我嘅唯一,我唯一係我生命嘅meaning,所以依家都好隨心,鍾意好自由去生活嘅自己,好開心。」

2023年3月6日香港01娛樂眾樂迷h

她坦言現時處於最滿足的狀態,因為每日睜開眼知道自己的人生意義,以前唱歌不是冇意義,但可能一直努力做做做,卻睇不到成果,付出與回報不對等;反而做慈善基金,見到覆蓋率、受惠人士持續增加,帶給她莫大滿足感。儘管慈善基金曾陷入財困,以新方式搞Show又有許多未知、籌備時間又倉卒,但Jade還是決意搏盡,「有時你要勇敢去試、去搏,哪怕今次可能唔成功,都要跳出你Comfort Zone。譬如我以前覺得淨係可以做歌手,唔可以跳出去做任何嘢,但原來唔係,人生唔係淨係得一樣嘢,只要你夠膽跳出一個地方,真係會睇到唔同境界!」

2023年3月6日香港01娛樂眾樂迷i

2023年3月6日香港01娛樂眾樂迷j

2023年3月6日香港01娛樂眾樂迷k

2023年3月6日香港01娛樂眾樂迷l

2023年3月6日香港01娛樂眾樂迷m

2023年3月6日香港01娛樂眾樂迷o

《關心妍Shine妍亮福音慈善演唱會》將於4月20日舉行,Jade坦言是實驗形式,未知會否成功,她希望大家買飛睇,來不到撐場都買飛捐贈予有需要人士或送給朋友。

《關心妍Shine妍亮福音慈善演唱會》將於4月20日舉行,Jade坦言是實驗形式,未知會否成功,她希望大家買飛睇,來不到撐場都買飛捐贈予有需要人士或送給朋友。

原文網址: 專訪|關心妍為慈善倒貼8年唔靠才俊老公 做阿四吸塵撲水一腳踢 | 香港01 https://www.hk01.com/article/872681?utm_source=01articlecopy&utm_medium=referral

2023年3月4日 on.cc東網 關心妍開騷夠勇 孭600萬上身

2023年3月4日 on.cc東網 關心妍開騷夠勇 孭600萬上身g

歌手關心妍(Jade)去年舉行20周年演唱會後,相隔10個月再踏紅館舉行福音慈善演唱會。日前,她接受東網專訪坦言感覺刺激:「因為我冇搞過慈善演唱會,同埋估唔到紅館咁快批到期,好感恩,但因為依家離演唱會只有個幾月度時間,我要賣晒1萬2千張飛,先可以冚番4、5百萬嘅製作成本,仲要義賣1千張飛送畀低收入家庭同埋長期病患者,嗰度都成1百萬,Total要成600萬,如果啲飛賣唔晒,我唔收歌酬外就要自己貼錢。所以,決定開騷覺得自己都幾勇敢。」

關心妍再踏紅館舉行福音慈善演唱會。

關心妍再踏紅館舉行福音慈善演唱會。

Jade多謝身邊一班有心人支持。

Jade多謝身邊一班有心人支持。

談及她本可過着零壓力的少奶奶生活,可是現卻承受投資上的風險,但她覺得辛苦也值得:「嫁咗個養得起自己嘅老公,我覺得坐喺度唔做嘢係唔啱嘅,呢個亦都唔係我,好似我搞慈善基金4年,之前我個騷都送咗啲慈善飛出去,見到啲家庭視睇騷為美好嘅回憶,我都好開心。」問到有米老公可有金錢上支持,她強調兩公婆經濟獨立,但老公有為其慈善基金出力:「所以行政,會計佢搞,我真係搞唔掂。」

開騷就要孭600萬上身。

開騷就要孭600萬上身。

關心妍性格樂觀積極。

關心妍性格樂觀積極。

除了有老公做背後的男人外,亦多謝身邊一班有心人支持,她謂:「圈中有多位基督徒朋友一口答應嚟做嘉賓,唱福音歌,亦會分享自己經歷,喺台上面發放正能量,有啲仲話自己搭飛機返嚟幫手,又有啲朋友話自己有定期、首期,如我有需要時可以搵佢,聽到好感動,起碼佢哋唔覺得我係Crazy。」

問到囡囡如何支持她?Jade冧晒話女兒已構思表演項目,可是她的彈鋼琴及吹單簧管尚未見得人:「我教囡囡話之前又唔努力啲學,媽咪唱一首歌都練幾百次先可以上台,佢終於明白我點解之前教佢點解做人要努力啲,不過佢有提議過話想表演游水,但我話冇個泳池畀佢游喎,佢真係好好笑。」

Jade話女兒已構思表演項目。

Jade話女兒已構思表演項目。

開騷就要孭600萬上身,可感壓力爆煲?Jade則覺得一切自有上天安排,自己會盡力完成「使命」,表示:「我覺得上帝會有準備,好似之前我個基金受疫情影響,搞到資金好緊張,差啲要Close,但咁啱有廣告畀我拍,又捱過咗。之前我錄咗首歌叫《再見關惠文》,關惠文係我真名,因為覺得唔係好啱之前紅館騷,所以擺埋咗一面,點知首歌正正好啱今次演唱會。」

關心妍對音樂充滿熱誠。

關心妍對音樂充滿熱誠。

服裝:Nicholas@outnet、Ba&sh

場地:Studio Meta

原文網址:關心妍開騷夠勇 孭600萬上身 | on.cc東網 | 繽FUN星網https://hk.on.cc/hk/bkn/cnt/entertainment/20230304/bkn-20230304220138119-0304_00862_001.html?fbclid=IwAR14Y9K1TA6_KMEglVgD6YYp_QG2bNj9SjJ2TrsWTOGX2d2WZJL3ZEaAYdo

2023年4月20日 關心妍Shine妍亮福音慈善演唱會 2023

➡️ https://www.urbtix.hk/event-detail/9603/
門票由 3月9日起城市售票網發售
開售首天不設售票處及自助售票機售票
門票收益扣除成本撥捐 妍亮生命慈善基金

334068308_1267389060800837_7425454441626759848_n

關心妍Shine妍亮福音慈善演唱會 2023

優先訂票:2023年3月1日(上午10時)至2022年3月5日(晚上11時59分)
開售時間:上午 10 時
演出日期:2023年4月20日
演出時間: 20:15
演出地點:紅磡香港體育館
門票費用:HKD880 / HKD580 / HKD280 (門票收益扣除成本撥捐妍亮生命慈善基金)

*行政費用每張HK$40
KKday搶票 : bit.ly/3xT3ivx

門票由 3月9日起城市售票網發售
開售首天不設售票處及自助售票機售票
門票收益扣除成本撥捐 妍亮生命慈善基金

妍亮生命慈善基金 網址 :
https://www.shininglifecharity.com/tc/

妍亮生命慈善基金 Facebook :
https://www.facebook.com/shininglifelimited/?ref=page_internal

妍亮生命慈善基金Instagram:
https://instagram.com/shininglife.official?igshid=YmMyMTA2M2Y=