2019年3月24日 流動新聞 關心妍「舞台Reborn」 與在囚青年夾band透過音樂助更生

懲教署今日推出名為「舞台Reborn」的短片,講述歌手關心妍與壁屋懲教所青少年在囚人士組成的樂隊一起演奏和合唱,透過音樂幫助他們更生。

關心妍在片中讚揚青少年在囚人士組成的樂隊能在有限的練習時間內熟習樂譜,一起合奏和合唱歌曲《另一個舞台》。關心妍指音樂能夠讓人得到治療,人們可透過歌曲與歌詞賦予的力量改變生命。她希望每一個青少年在囚人士都能心懷感恩,獲得心靈的健康與自由,不要輕言放棄,從生活中找尋生命意義。

在壁屋懲教所擔任樂隊導師已經15年的鋼琴演奏家羅乃新亦有到場觀看演奏。她認為每個人的生命都是獨特的旋律,需要和聲、節奏的配合,才能譜出動人的樂章。她說這些青少年在囚人士本來沒有人生目標,加入樂隊後明白到努力付出才能獲得成果。參與表演的兩名青少年在囚人士表示對於是次演奏和合唱感到開心。兩人都表示學習樂器讓他們可以把平日不敢表達的說話,透過音樂展現出來。

懲教署今日推出名為「舞台Reborn」短片,講述歌手關心妍與壁屋懲教所青少年在囚人士組成的樂隊一起演奏和合唱,透過音樂幫助他們更生。(懲教署圖片)

懲教署今日推出名為「舞台Reborn」短片,講述歌手關心妍與壁屋懲教所青少年在囚人士組成的樂隊一起演奏和合唱,透過音樂幫助他們更生。(懲教署圖片)

http://news.modia.com.hk/2019/03/24/120291/%E9%97%9C%E5%BF%83%E5%A6%8D%E3%80%8C%E8%88%9E%E5%8F%B0reborn%E3%80%8D-%E8%88%87%E5%9C%A8%E5%9B%9A%E9%9D%92%E5%B9%B4%E5%A4%BEband%E9%80%8F%E9%81%8E%E9%9F%B3%E6%A8%82%E5%8A%A9%E6%9B%B4%E7%94%9F/?fbclid=IwAR2JHhg1iCbcqsd4pVR9es1OEy0Iz7BKF6Yv9XiSxR-l6-P3-J7fhNhbs4s

2019年3月5日 明報娛樂 【自認欠經驗】關心妍幫發燒女兒沖凍水涼「降溫」

關心妍(Jade)昨晚現身屯門,力撐唱作新人Steve Ho舉行的新歌發布會,Jade表示Steve是其歌迷,追隨自己十幾年,知道對方終於達成夢想當歌手,特由北京趕返港,支持樂壇新血,並忠告他:「堅持、堅持、堅持,現代做歌手好困難,亦有好多可能性,希望他守得住。」

Jade預告今年開拓路線唱兒歌,又計劃招募6至12歲小孩一起錄歌,炮製唱片做慈善,問她有無預女兒楊榮心參與?Jade說:「她得2歲半,現在只懂講4個字歌名咋!」她又指女兒早前患感冒,發燒幾天也不退,自認新手媽媽欠經驗:「我嘗試為她沖凍水涼降溫,反令她打冷震、嘴唇發紫,小朋友病可大可小,我立即帶她睇醫生,結果都要食抗生素。」

Steve自爆當年做粉絲,曾為Jade舉燈牌,感謝她亮相支持,為了報答偶像,打算推出慈善唱片跟她共襄善舉,並密謀邀請對方合唱親自創作的情歌。

關心妍表示兩歲半女兒楊榮心日前發燒,她竟幫囡囡沖凍水涼降溫,反令囡囡打冷震。(鍾偉茵攝/關心妍instagram圖片)

關心妍表示兩歲半女兒楊榮心日前發燒,她竟幫囡囡沖凍水涼降溫,反令囡囡打冷震。(鍾偉茵攝/關心妍instagram圖片)

Jade力撐唱作歌手Steve Ho。(鍾偉茵攝)

Jade力撐唱作歌手Steve Ho。(鍾偉茵攝)

https://ol.mingpao.com/ldy/showbiz/latest/20190305/1551760546859/%E3%80%90%E8%87%AA%E8%AA%8D%E6%AC%A0%E7%B6%93%E9%A9%97%E3%80%91%E9%97%9C%E5%BF%83%E5%A6%8D%E5%B9%AB%E7%99%BC%E7%87%92%E5%A5%B3%E5%85%92%E6%B2%96%E5%87%8D%E6%B0%B4%E6%B6%BC%E3%80%8C%E9%99%8D%E6%BA%AB%E3%80%8D

2019年3月4日 On.cc東網 誤信偏方!關心妍幫發高燒囡囡沖凍水涼

歌手關心妍(Jade)出席唱作男新人Steve Ho的音樂發布會,提到早前囡囡楊榮心患病,她謂女兒已康復:「之前以為佢中咗流感,因為佢持續發高燒唔退,好彩最終只係普通感冒。我第一次咁驚,又睇咗坊間唔同退燒偏方,試過幫佢沖凍水涼,佢個嘴仔變紫色,最終都係要送院醫治先無事。」

撐Steve做歌手

講到Steve是支持Jade多年的歌迷,Jade亦知道Steve一直喜歡音樂想做歌手,Jade說:「雖然做歌手係一件好難嘅事,但都好支持佢,所以一早應承咗佢出歌一定會嚟支持,今日我都係喺北京趕返嚟撐場。(有冇咩忠告畀佢?)堅持、堅持同埋堅持,因為依家做音樂好難,希望佢守得住。」又表示亦會介紹幕後的朋友予其認識,望大家支持新血。

招募小歌手

Jade透露近日忙於一個兒歌項目,推動兒童感恩文化,將推出一隻兒歌唱片:「依家有個招募小歌手嘅行動,範圍係6-12歲嘅小朋友,隻碟會有十隻歌,我自己會唱一首,再甄選小朋友唱其他歌。(囡囡咪冇得參與?)佢可以唱4個字,就係首歌嘅歌名。」

關心妍囡囡早前發高燒。

關心妍囡囡早前發高燒。

關心妍仲幫發高燒囡囡沖凍水涼。

關心妍仲幫發高燒囡囡沖凍水涼。

關心妍囡囡最終要送院!

關心妍囡囡最終要送院!

真係身體健康最緊要!

真係身體健康最緊要!

2019年3月4日 On.cc東網 誤信偏方!關心妍幫發高燒囡囡沖凍水涼e

 

https://hk.on.cc/hk/bkn/cnt/entertainment/20190304/bkn-20190304201021967-0304_00862_001.html

妍亮生命慈善基金 – – – 《願你感恩》MV相片徵集

https://www.facebook.com/shininglifelimited/videos/409103689659630/

身為父母的你,相信有很多與小朋友難忘的經歷,很感恩能與他們一起度過,
我們誠邀你把當中的相片電郵給我們,
相片有機會出現在心妍姐姐新歌《願你感恩》的MV中,
一起推動兒童感恩文化,
為心妍姐姐及嘉芙姐姐未來一連串的活動打響頭炮之餘,
亦為妍亮生命慈善基金出一分力,
極具意義,快來參加啦~

活動詳情:
把相關相片以電郵方式,傳送到thanks@ka-foo.net

電郵內容需要包括:
1. 相片檔一張
2. 一句有關相片的描述 或 父母感恩的說話
3. 小朋友的中/英文名

截止日期:3月10日(星期日)
聯絡及查詢:傳短訊至Facebook「嘉芙姐姐音樂小教室」
或 妍亮生命慈善基金

#妍亮生命慈善基金
#嘉芙姐姐音樂小教室
#願你感恩
#MV相片徵集
#3月10日截止
#關心妍
#shininglifecharity
@kwansumyinjade

2019年1月12日 東方日報 關心妍助問題兒童跑數教唱歌

歌手關心妍為了支持其創立的慈善基金,數月前開始執教鞭,教人唱歌賺錢以維持基金營運開支,用自己的專長日日跑數,跑夠數便感到大滿足!

關心妍以慈善基金創辦人身份,前年舉行一個大型籌款晚會,場面盛大,碌盡人情卡,不過她直言辦一次晚會,好像做了十次演唱會般,要兼顧的事情實在太多,令她身心疲倦,而且年年碌卡,講笑都怕冇晒朋友,於是她想出教人唱歌賺錢「養」基金:「由細到大我都好鍾意學唱歌,到我做咗歌手,我都冇停過去學,去過美國、加拿大、韓國同日本學藝,自度一套教唱歌方法,可以畀到唔同人需要,有啲人學唱歌係為咗去唱K、有啲為入行、有啲小朋友為學品格,好多唔同嘅Case,依家教咗幾個月,收入都OK,夠交租我就唔教,跑夠數就唔接。」

計劃做音樂治療師

她說曾有人學唱歌是為了在結婚周年紀念當晚獻唱給太太或老公聽,她感動地說:「真係有啲感動,唔知第時我老公會唔會喺結婚周年送歌畀我?」與楊長智結婚多年,感情如昔,她講笑老公唱功未達標,要跟她慢慢學。

其創立的慈善基金,會與兩名音樂治療師合作,給低收入人士提供免費音樂治療。關心妍原來亦有意當音樂治療,原本報讀大學有關課程,希望成為正式的音樂治療師,但因經常不在港而缺課,故將計劃推遲,目標要取得學位:「如果外國讀只需讀一兩年,但我唔可以擺低個女咁耐,喺香港讀就慢啲,或者呢個可能係我一生嘅職業,慢慢讀,唔緊要,攞到學位為止。」

教女先淡後甜

兩公婆自創了一套育兒心得,揚言家中有很多家規,其中一樣是由細到大給女兒「先淡後甜」,小時候只給囡囡吃無味道的食物,她笑說:「心心兩歲幾,一粒糖都未食過,餅有少少甜佢已經開心到好冧,畀一片甜餅佢乜都肯做,好陰功,佢賺得好微。返學後,佢先覺得呢個世界嘅美食太多,學校有牛油麵包、芝士蛋糕,佢全部冇食過,所以佢從來無偏食,全世界嘢都好好食。」

手機令人疏離

由關心妍創立的妍亮生命慈善基金,為幫助情緒抑鬱、患過度活躍或自閉症小朋友的低收入家庭提供免費音樂治療,之前做了14年義工的她,早年決定不再做「散打」,希望專門一個範疇提供援手。她直言察覺到手提電話的禍害很大,令人自我隔離,形同自閉,有潛在的危險,可能潛移默化的關係,她說女兒已成為家中的「手機警察」,看到媽咪用手機,會即時表現不滿。

聽慘情歌 宣洩鬱結

關心妍認為歌手本身已經做緊音樂治療,形容自己初出道時的歌都是悲情失戀歌,如《負擔不起》、《你有心》、《放生》和《手下敗將》,均適合治療傷痛:「千祈唔好以為痛苦時,聽一啲開心歌就會即刻好番。相反,當你好痛苦好傷心時,要將情緒唱出嚟,喊出嚟,聽歌可以幫你紓緩同發洩情緒,釋放完情緒,就可以搵一啲具鼓勵性嘅歌。」

傷心要讓自己喊,開心要讓自己開心,她遇到不如意事,亦絕不會忍,會盡情喊:「壓力就好似身體嘅毒素,積埋係垃圾,一定要將情緒攞出嚟,唔好儲。」

關心妍指現今科技發達,卻拉遠了人與人之間的距離。

關心妍指現今科技發達,卻拉遠了人與人之間的距離。

兩公婆教育女兒,自有一套。

兩公婆教育女兒,自有一套。

關心妍幫助患過度活躍或自閉症的小朋友,不遺餘力。

關心妍幫助患過度活躍或自閉症的小朋友,不遺餘力。

關心妍曾帶囡囡賣旗。

關心妍曾帶囡囡賣旗。

之前舉行籌款晚會,鄧萃雯(左一)、苟芸慧和陸漢洋出席支持。

之前舉行籌款晚會,鄧萃雯(左一)、苟芸慧和陸漢洋出席支持。

現時關心妍教唱歌賺錢,維持基金營運開支。

現時關心妍教唱歌賺錢,維持基金營運開支。

關心妍計劃報讀大學課程,成為正式的音樂治療師。

關心妍計劃報讀大學課程,成為正式的音樂治療師。

2019年1月12日 東方日報 關心妍助問題兒童跑數教唱歌h

http://orientaldaily.on.cc/cnt/entertainment/20190112/00282_040.html?fbclid=IwAR3qEN0646zTu-L0p-XKeBYbHBgn8nKNog5HA0jcjkC-oDV4BBS1QYhpaHw

2018年12月4日 On.cc東網 忙到爆!關心妍聖誕冇得帶女外遊

歌手關心妍(Jade)悉心打扮出席籌款晚會,她指近日工作非常忙碌包括處理其基金事務、教唱歌和照顧囡囡,分身不暇,她說:「依家出嚟event就同老公拍拖過二人世界。(老公有冇詐型?)冇,因為佢都好忙,亦幫我個基金做好多嘢,加上年尾有好多活動,所以更加忙。」

談到工作如此忙碌,聖誕節亦不能與家人出遊休息,Jade説:「聖誕節就一定走唔開,所以帶囡囡去主題公園補數,帶佢去鍾意嘅地方。(咁忙邊到有機會造人?)我依家做人都咁忙,仲要造多個人仔搞唔掂,短期內都未有計劃。」

關心妍忙到爆!

關心妍忙到爆!

今次出嚟同老公拍拖。

今次出嚟同老公拍拖。

關心妍未有追B計劃。

關心妍未有追B計劃。

https://hk.on.cc/hk/bkn/cnt/entertainment/20181204/bkn-20181204220054524-1204_00862_001.html

2018年12月3日 明周娛樂 內地歌迷舉牌支持 關心妍唱16年前出道作

2018年12月3日 明周娛樂 內地歌迷舉牌支持 關心妍唱16年前出道作a

關心妍Jade近年減少了幕前工作,專心湊寶貝女心心外,亦兼顧「妍亮生命慈善基金」音樂治療學校的音樂老師,幫助有情緒問題的弱勢社羣。
隨着女兒慢慢長大,Jade亦開始慢慢復工。

2018年12月3日 明周娛樂 內地歌迷舉牌支持 關心妍唱16年前出道作b

出道時憑一首《負擔不起》橫掃新人獎的Jade,最近就被邀出席內地音樂節目《粵語好聲音2018》擔任評判,身體力行支持廣東歌,大會特別希望她唱出《負擔不起》和《放生》。

2018年12月3日 明周娛樂 內地歌迷舉牌支持 關心妍唱16年前出道作d

沒有到內地工作已有一段時間的她,估不到錄影當日來了三十多位歌迷入場舉牌支持,更全場大合唱Jade的出道作,Jade說︰「其實這個節目六年前已找我,但當時檔期未配合到,之後又懷孕生BB,今次終於應邀出席,《負擔不起》是○二年出道的歌曲,已經十六年了,大家仲記得,見到一班內地歌迷好驚喜。」節目於上周六播出,歌迷紛紛留言問Jade何時再開騷?她說︰「開騷就要好好籌備,新歌應該明年會有。」

2018年12月3日 明周娛樂 內地歌迷舉牌支持 關心妍唱16年前出道作c

https://bka.mpweekly.com/focus/20181203-139821

2018年11月29日 關心妍做歌手冇癮 心血灌注音樂治療學校

歌手關心妍(Jade)近年減少幕前工作,忙於湊寶貝女心心外,大部分時間同心血都放咗喺「妍亮生命慈善基金」嘅音樂治療學校度,以佢最擅長嘅音樂幫助有情緒問題嘅弱勢社群,相當有意義。

不過日前佢就去咗內地亮相「粵語好聲音2018」節目,同成6年冇見嘅內地粉絲「久別重逢」,Jade接受訪問時話:「呢個節目喺6年前開始邀請我,因為嗰時一路都冇機會去,之後又有咗bb又生bb,咁個節目依家都改埋名,但仍然好有誠意請我去做評審,所以我都特登抽時間去同見過我啲歌迷,唱咗兩首歌,都好開心啲歌迷咁耐冇見,但佢哋依然好熱情,好錫我,氣氛好好,好好玩。」

問會唔會令佢歌癮大發,她就話冇,因為喺香港會擺埋啲心血喺間慈善音樂學院度,新歌相信最快都要等到明年,不過呢次可以用歌手身份亮相節目,可以畀佢抽離「妍亮生命慈善基金」主席身份,感覺好輕鬆。

百足咁多爪!

百足咁多爪!

關心妍早前出席內地節目「粵語好聲音2018」。

關心妍早前出席內地節目「粵語好聲音2018」。

獲邀做評審。

獲邀做評審。

原來主辦單位已經邀咗佢6年!

原來主辦單位已經邀咗佢6年!

關心妍仲係「妍亮生命慈善基金」主席。

關心妍仲係「妍亮生命慈善基金」主席。

仲湊寶貝女心心~

仲湊寶貝女心心~

忙到好充實!

忙到好充實!

https://hk.on.cc/hk/bkn/cnt/entertainment/20181129/bkn-20181129074546548-1129_00862_001.html?eventsection=hk_entertainment&eventid=402882b04e2f3043014e43eb9c2179e6