Author Archives: Veronica
2014年10月18曰 壹週刊
豪語錄
2014年10月18日 蘋果曰報 【壹週刊】【豪語錄】楚歌 關心妍
【壹週刊】【豪語錄】縱使到處散心，也望着電話做人。
——關心妍《你有心》
人家批評我們，「去飲」像去街散心，只要暫停網絡，學生哥玩唔到手機，自會無癮退場，云云。
不值一駁。關心妍說：「長期抗爭需要耐性，冇手機怎樣召集呢？有心就得。」《你有心》推出於○二年，當然唔關事，正如近作《逆來順受》本同是情歌，MV改成「雨傘革命版」，即時充滿弦外之音。
不過，難免抽水之嫌，天王天后不會來這套。你究竟在搏乜？
關心妍說：「做，總好過唔做；抽水，也要勇氣。」尤其丈夫楊長智撈證券，風險大過旺角街鋪。與黃耀明、何韻詩站在前線不同，楊太是戴着口罩去的。
闊太佔中冇問題，以情情塔塔隱喻更冇問題，屈原寫《楚辭》，何嘗不是借香草美人來憂懷時世？
楚辭就是楚歌，四面楚歌，淒楚之歌。
(相關訪問片段請進入以下網址)
http://nextplus.nextmedia.com/play/豪語錄/20141017/96855
2014年10月10日 東方日報 關心妍練腹肌跳辣舞
關心妍（Jade）昨日到電台宣傳下月底在九展舉行的「關心妍『說』演唱會2014」，她表示銷情理想，宣布在11月29日加開一場。她預告服裝將甚有「睇頭」，近日正積極操弗備戰：「有啲透視裝冇得遮，我要將最後一嚿腹肌練出嚟，到時會有狂野啲嘅辣身舞。」為免老公呷醋，她笑言屆時會蒙住對方雙眼，問可會全裸在家中練辣舞？她笑說：「唔着會冷親，因為Part舞要做戲咁，夜晚練戲時會將老公當成道具，益晒佢啦！」
提到本月是她與老公結婚五周年的日子，Jade表示早在半年前已籌備大禮給老公：「我去世界各地搵咗好耐，最後搵到個大師喺行李篋上畫個Iron Man畀佢。」
關心妍笑言在家練舞時會將老公當道具。
2014年10月9曰 蘋果日報 即時娛樂 關心妍開騷會跳辣身舞：畀多啲嘢大家睇
關心妍（Jade）今日去到商台宣傳下月舉行嘅演唱會，佢宣佈個唱加開29日一場，合共兩場。Jade笑言今次會遵守承諾，服飾方面會多啲「睇頭」，佢話：「到時會有啲透視，畀多啲嘢大家睇，但到時冇得遮，所以o依家要積極減肥，希望練埋最後一塊腹肌！」Jade又透露會跳辣身舞：「尺度未知，不過應該係老公未見過。」
今個月係Jade同老公結婚5周年嘅大日子，但為籌備演唱會要押後慶祝，佢話：「半年前喺日本搵個繪畫大師，喺個喼上面畫個Iron man送畀老公，但係我仲未收佢送禮物！」
人妻關心妍開騷，話「畀多啲嘢大家睇」。
2014年10月3日 東方日報 關心妍操肌逼老公Deep V
歌手關心妍（Jade）和方皓玟前晚為無綫節目《勁歌金曲》進行錄影。以露腰裝上陣的關心妍透露即將舉行音樂會，揚言要找型男為音樂會擔任嘉賓，並指已邀請兩位神秘型男助陣，她又sweet爆表示「揀仔」行動是不需老公過目，她說：「唔使佢揀，佢揀就個個都唔啱㗎喇。我同佢講如果唔畀我揀，就要佢一齊上嚟做嘉賓，咁佢就叫我揀，因為佢好驚上台。」
地獄式訓練
問到音樂會的性感歌衫，會否受到老公的限制？她笑稱要老公齊齊Deep V示人，她說：「老公着重靚唔靚，依家都要一齊練腹肌，到時我着得性感，佢都要着Deep V西裝到場，不過機會好微。」問到屆時會否展示馬甲線？她說：「依家練咗四舊腹肌，之後仲要地獄式訓練！」
方皓玟出碟
同場歌手方皓玟透露已有一段時間沒有到電視城，今次會在節目中宣傳以分手為題的新歌，她說：「今次自己作曲、作詞感覺好fresh！（講分手經歷？）係，我想寫啲正能量嘅歌。」方皓玟又表示將與葛民輝合作拍攝微電影，年底更會推出新碟及舉行音樂會。問到邀請何人擔任音樂會嘉賓？她說：「未有計劃，現階段希望專心做好音樂為先。」
文：影視組
關心妍透露已練了四舊腹肌，更考慮要老公Deep V撐場。
2014年10月3日 太陽報 關心妍拋窒老公揀型男
關心妍（Jade）與方皓玟前晚錄影無綫節目《勁歌金曲》，將舉行音樂會的關心妍表示已邀請了兩位神秘型男助陣，問到「型男」是否要畀老公過目？她說：「唔使佢揀，佢揀就個個都唔啱o架喇！我同佢講如果唔畀我揀，就要佢一齊上嚟做嘉賓，咁佢就叫我揀，因為佢好驚上台。」她又笑言與老公屆時會齊齊以Deep V示人：「老公只着重靚唔靚。（騷馬甲線？）依家練咗四舊腹肌，之後仲要地獄式訓練！」而方皓玟則表示已有一段時間沒有到電視城，今次會宣傳一首以分手為題的新歌：「今次自己作曲、作詞感覺好Fresh。」她又指與葛民輝合作拍攝微電影，年底會推出新碟及舉行音樂會。
關心妍（右）與方皓玟一起錄影《勁歌金曲》。
2014年10月2日 星島頭條網 Jade望練出6塊腹肌
關心妍（Jade）昨晚錄影《勁歌金曲》，談到個唱海報被指與Angelababy「撞樣」，Jade坦言不介意，皆因大家都是靚女，當是免費宣傳，至於個唱籌備進度，Jade自爆已邀得兩位神秘型男任嘉賓，連老公楊長智亦無法左右其「揀仔」決定，她又指歌衫皆是貼身，故最近開始地獄式減肥，雖已有4塊腹肌，仍希望練出6塊腹肌，更自嘲年紀不少，要多下苦功才能成事，她說：「老公也被迫陪我減肥，如果我性感示人，老公都要着Deep V西裝，哈哈！」
2014年9月30日 頭條日報 有食神——關心妍發現驚喜台菜
別舞台兩年，關心妍(Jade)將於11月28日在九展開Show，為了以最Fit姿態示人，Jade日日食烚肉加烚菜，周六日就可以小休，食多少 少。難得「放假」，Jade必食至愛台灣菜，特別推介starzcafe。「大廚走訪台灣20多間食店尋找大熱美食同甜品再用心改良，好有誠意，最重要 cafe位於銅鑼灣區，但價錢一的都唔貴。」採訪：方騫平 攝影：李權威 化妝：Cyruslee 服裝：Iblues
2014年9月26日 頭條曰報 明星寵物—為生小朋友做準備 關心妍愛犬是忠實Fans
將於11月尾在九展開個唱的關心妍（Jade），入行時因怕工作忙碌無時間陪媽咪，於是帶了比熊犬Yogi返家，轉眼間已過了十四年。09年與金融才俊楊長智結婚後，Yogi留低陪媽咪。至去年她心思思想再養狗，順便與老公一齊學習照顧愛犬，為生小朋友做準備.
其實沒有愛犬在身邊，Jade一直有點不慣，心想：「結婚咁多年，不如養隻狗等我同老公學習去照顧，之後再去生小朋友會無咁多分歧。」
由於Yogi太重磅，很難抱起，所以Jade一心想養細狗，還要白色的，托朋友終於搵到茶杯貴婦Butter。當時Butter已經六個月大，但因之前經常被冷落而變得膽小怕事，Jade悉心地照顧她，「我會同佢刷牙、梳毛、抹面同沖涼，我依家仲學緊同佢剪毛。」
愛犬是忠實Fans
Butter最鍾意捉Jade的手咬和玩，興奮時可以360度翻筋斗三次，十分厲害。所以Jade每次回家都愛攬她錫錫，令老公有時都會呷醋說：「咁我呢！」
但無可否認，Butter是幾抵錫的，皆因Jade即將開演唱會，每天在家中練習時，Butter會靜心地做她的聽眾，她笑言：「如果佢係人，應該識唱晒我歌。」
Butter雖膽小，但經過關心妍的悉心愛護，牠漸漸有番自信。
Yogi（右二）和Butter（右一）有時會與其他小狗一齊開派對。
Butter喜歡黐實關心妍，不過老公楊長智也很愛錫牠，只是較嚴厲。
Butter是女孩子，戴上紅色蝴蝶結十分可愛。
關心妍很愛錫Butter，經常有禮物送給牠