2015年11月1日 Happy Macao開心澳門 節目盛事 關心妍《說》唱在百老匯

香港著名女歌手關心妍剛於上周六在「百老匯舞台」閃亮登場,以其扣人心弦的聲線呈獻關心妍《說》演唱會 2015。關心妍不僅唱功了得,更擁有卓越的創作實力,其穩定的舞台表現和精湛的演唱技巧,廣獲圈內人士一致好評,在樂迷心目中更是無可代替。良久未與澳門樂迷見面的關心妍當晚完美演繹出道後的首首金曲,真摰感情加上動人旋律,旋即帶動全場情緒高漲,為優美的歌聲動容。

這位實力派唱家班自出道以來,多首金曲均為人熟悉,街知巷聞的便有《你有心》,《優先訂座》,《無痛失戀》等等,這些必點金曲都在《說》演唱會與觀眾一一重溫。當晚除了為歌迷送上回憶之歌外,關心妍還帶來近期最新派台歌如《人生銀行》,更送上《至少還有你》及《吻別》,當晚關心妍更特意邀請歌手雨僑及香港樂隊sp’ACE作嘉賓,為在場歌迷帶來歌曲《拈花惹草》及sp’ACE作品《Never Say It Again》,表演者深情演釋場面為之動容。

bf26767ecf9c6782127ca3d5c5bc1ad4a

e6665cdd2f1d37889b7d5698b455bcd6b

805ca615ac09514e8ae49bd520ae36fac

69b593df4bf4ca8f6abbfd30124f74e4d

6821da837b802bad6a6fec72dc719595e

9f541a64177bed107ff3e3053e870290f

dd94837eca3f99d7ed93e4eddea17e40g

aab7dccabba178eb72cac4f99c45fb0ch

d0848349088e785f9151cd6c18ca2aa2i

8901f83c1f935838ecea40c1ff3e9528j

http://event.happymacao.com/cms62/e/action/ShowInfo.php?classid=91&id=636

2015年9月26日 【FACE即時】香港樂手聯署抗港鐵 關心妍親唱〈你有箏〉撐學生

喺呢一個月內,港鐵已經最少有2次唔俾同學帶樂器進入港鐵車站,原因係行李長度違反規定,不過有市民發現水貨客就仍然可以安全出入港鐵車站。有好多市民都對港鐵呢種雙重標準行為表示反感,更加有更有網民發起於10月3日星期六傍晚於大圍站舉行「號召中西樂學生老師樂手攜帶大型樂器搭東鐵」行動。

咁多人都出聲,身為歌手嘅HOCC何韻詩又點會唔出聲呢?佢今日就喺自己個fb,呼籲大家一齊聯署投訴港鐵唔俾樂器入閘欠道理,跟住仲分享埋「港鐵車站藝術表演」個網址話「但不能入閘,Quartet(四重奏)變trio(三重奏),陰公。」寸爆港鐵。

其實早前著名填詞人梁栢堅都將關心妍主唱嘅〈你有心〉改詞,改為〈你有箏〉,真係想搵Jade親自唱番次喎。

2015年9月26日   【FACE即時】香港樂手聯署抗港鐵 關心妍親唱〈你有箏〉撐學生a

就係因為港鐵禁止呢位女同學帶古箏入站,因此樂手對港鐵嘅戰爭都隨即展開。(網上圖片)

就係因為港鐵禁止呢位女同學帶古箏入站,因此樂手對港鐵嘅戰爭都隨即展開。(網上圖片)

HOCC明寸港鐵啦。(網上圖片)

HOCC明寸港鐵啦。(網上圖片)

填詞人梁栢堅立馬填番首歌應景。

填詞人梁栢堅立馬填番首歌應景。

連GOGOVAN都推出抽港鐵水嘅優惠。(網上圖片)

連GOGOVAN都推出抽港鐵水嘅優惠。(網上圖片)

首〈你有箏〉真係要搵Jade唱先得。

首〈你有箏〉真係要搵Jade唱先得。

向來「有嘢講」嘅HOCC點會唔對港鐵近日禁止樂器入閘出聲呀。(網上圖片)

向來「有嘢講」嘅HOCC點會唔對港鐵近日禁止樂器入閘出聲呀。(網上圖片)

2015年8月11日 Sina新浪香港娛樂 【專訪】「關家姐」成就關心妍 希望令人開心過

關心妍(Jade)一向給人認真、文靜、高貴等感覺,但原來骨子裡都是一個瘋孩子。新歌《關家姐》的曲風有別她過往的慢情歌作品,給人輕快開心的感覺,亦將她十年前被惡搞的潮文活演出來。一直以為Jade對「關家姐」一事都非常介意,但原來她早已放下,不介意人叫她「關家姐」之餘,更因此推動自己做義務工作,成為唯一的香港歌手同時得到香港十大傑出青年和香港傑出義工兩項殊榮。

「其實我係痴痴地」

形容自己都有「關家姐」性格的Jade,說自己私底下比較豪氣,傻或「痴痴地」,所以好開心終於有首歌可以表達自己這一方面的性格。又謂潮文出現初期,的確有為事件感到不快,不斷想自己得罪什麼人,覺得自己給人印象原來是這樣差,不明白事件為何發生,令自己造成困擾。但後來發覺自己不可以再為沒有發生過的事情去嬲,所以就放棄去想,做回自己。

多謝「關家姐」 自我檢討愛上當義工

雖然潮文內容沒有發生過,但Jade認為如果有人覺得她是一個這樣的人,她都覺得要自我檢討,要對人再好一點,令自己去做更多愛人的事。她說:「由呢件事開始,慢慢令我做好多義工,真係由嗰一年開始,我覺得我唔可以再畀呢個人令到我自己都相信自己係個咁差嘅人。我要做返啲好嘅事去帶返自己去正能量嗰邊,所以開始投入義務工作,一做就做咗十年,跟住就拎埋傑出義工同傑青。某程度上,我好多謝呢篇潮文,如果唔係,可能我冇做咁多嘢。睇返轉頭,呢個人唔值得我嬲,我應該要多謝佢!」

「關家姐」帶給力量 堅持做好音樂

「如果唔係『關家姐』,人哋覺得你驕傲、好寸或者其他,可能我真係變成一個咁嘅人,變成一個好衰嘅人都唔定。」Jade指「關家姐」帶給自己檢討的力量,反而因這件事,令她做人行事會檢點。又謂潮文久而不衰,可能長過她的音樂歷史,覺得自己與它一起成長。認為發文的人好「專一」,感覺好難得可以這樣長情:「佢堅持繼續post等如我堅持我嘅音樂!」

紀念「關家姐」十週年 寫歌澄清

潮文已過十年,Jade都沒打算再澄清事年,直至有位和她很熟的記者朋友再問起她此事,向記者解釋後,記者問她何不解釋清楚。她就發現有些事情如果沒有解釋,大家就會把事情當真。Jade決定用歌聲去唱出,同時又可紀念「關家姐」十週年,並找來《逆來順受》製作班底作曲兼找C君填詞。

娛樂大家:只要你因我而笑過,我就會開心

而其中歌詞中都透露出Jade的性格,她承認「其實我好多新聞 都有叫你開心 不錯 就當我 讓你快樂過」這句是說她於《2008年十大勁歌金曲頒獎典禮》「拎錯獎事件」,Jade笑言其實自己真的會很糊塗,不是大家所想的嚴肅。又指自己要娛樂大家:「只要你因我而笑過,認真,我覺得係開心嘅!」

情歌寫實歌快歌都是關心妍

以往都是唱慢情歌的Jade今次唱輕鬆玩味歌一樣拿捏得很到位,Jade指有賴C-12的計劃,讓關心妍從情歌走到寫實歌再到《關家姐》充滿玩味的快歌,令大家見到關心妍的音樂路線都可以很廣。Jade表示流行曲、電音、玩味的歌都很喜歡,之後亦會繼續做不同類型的音樂,C-12亦會再有新歌,希望大家都會喜歡。最後Jade更透露今年的壓軸之作是找到一位期待了很久的朋友幫她寫的一首歌,謂擁有他寫的詞是一件好幸福的事,但就向大家賣關子,指之後大家就會知道到底是誰。

後記

真的,關家姐一點也不serious,跟她自己說的有點相似,帶點傻氣,又很愛笑。而且訪問過程亦見她對音樂的認真,在香港可以找到一位只做與音樂有關工作的歌手的確不易。對於她週日上《今晚睇李》被指驚現「間尺鼻」,訪問當天完全不覺,都是一樣的關家姐。

2015年8月11   Sina新浪香港娛樂

2015年8月4日 先機網 Cat’s Talk

關心妍的音樂之路並不易行,起起跌跌16載,情況就像坐過山車,不少人也懷疑過,有一個好老公,可以讓她生活無憂,何必再糾纏於娛樂圈。因為「愛音樂」,所以硬要堅持到今天。香港樂壇有了這些人,因此變得精彩。
近期不再一味硬sell情歌的關心妍,一頭粉紅長髮,一個血淋淋的MV,一首幽自己一默的歌曲,令人記得這位在樂壇多年的歌手,依然夠膽去改變、去創新。關心妍說過造音樂不在乎賺大錢,只在乎有知音者和平衡開支。她說要唱到沒有知音者和投資者為止,相信關心妍沒有欠缺,因為知音者一直在身邊。

主持:李敏儀
Hair :Sev@Hair culture
Make up : Cyrus lee
Outfit: Gelmain

2015年8月4日  先機網 Cat's Talk  a

2015年8月4日  先機網 Cat's Talk  b

2015年7月31日 壹週Plus 36歲生日收香蕉 關心妍被催「招仔」

今日(31日)是關心妍36歲生日,會跟老公和朋友食飯慶祝。而前晚(29日),她就跟粉絲舉行派對預祝,由於她近期愛上《迷你兵團》(Minions),派對以此作主題,粉絲大多送上Minions系列的禮物。但有一個女粉絲卻別出心裁,竟然送了梳香蕉給她,原來是祝她早日招到個仔。關心妍好玩得,索性拎住梳蕉同大家合唱新歌《關家姐》,繼續自抽!

之後粉絲送上公仔生日蛋糕給關心妍,公仔是她開個唱時的pink lady造型,粉絲更預備一個粉紅色假髮給她,讓她即場變身,襯番個蛋糕!

2015年7月9日 FACE即時 契妹欣宜讚玩得 關心妍要做全民家姐

睇咗關心妍新歌〈關家姐〉MV未(快啲下載FACEPop睇足本MV啦)?呢個自抽MV同阿Jade一向嘅慘情天后路線好唔同,阿Jade今晚向 FACEPop透露,MV嘅幕後功臣原來係填詞嘅C君呀。「關家姐」仲話唔介意成為「香港人嘅家姐」:「很感謝每一個人,希望關心妍這首〈關家姐〉,會讓 你們全力去笑。」巴絲聽到未?

而本身真係當關心妍係家姐嘅鄭欣宜就力撐阿Jade好玩得,並唔係大家睇落咁嚴肅,佢仲好感激咁話:「實在非常感激這位關家姐,在圈內我沒有很多朋友,但是Jade真的是一位非常疼我的姐姐,不斷的給我很多愛。」正式宣佈關家姐成為香港人的家姐喇。

2015年7月9日  FACE即時   契妹欣宜讚玩得 關心妍要做全民家姐a

2015年7月9日  FACE即時   契妹欣宜讚玩得 關心妍要做全民家姐b

關家姐契妹欣宜今晚接受FACEPop訪問,力撐阿Jade好玩得,仲叫大家記得支持〈關家姐〉添。

2015年7月9日  FACE即時   契妹欣宜讚玩得 關心妍要做全民家姐c

關心妍叫大家盡情享受佢首新歌,記得笑得開心啲,認真正能量爆燈。

2015年7月9日  FACE即時   契妹欣宜讚玩得 關心妍要做全民家姐d

今次MV行親民路線,睇嚟阿Jade想做全民家姐喎。

2015年7月9日 Face Pop (Face 即時) 獨家吹到正 關家姐八字波MV率先睇

十年前,「關心妍搞到我家姐無左份工」(又稱家姐被炒潮文)瘋傳網路,當時有指關小姐留難名牌時裝店職員令人冇咗份工,關家姐潮文不時被巴絲拎出嚟炒冷飯。十年後(上星期咋!),關心妍(Jade)推出自抽新歌《關家姐》,反而贏得唔少掌聲,唔少人讚佢睇得開夠豁達,仲話如果早幾年就推出一定爆紅咁話。新曲《關家姐》一直只有歌詞版MV,原來阿Jade已經拍好MV,仲主播上身報新聞親述十年來嘅八卦新聞,又出賣唔少由老公操刀嘅私片,當中有玩波波(汽球呀!)又有揸快艇,仲有佢哋去日本旅行嘅夾公仔片添。八號波好危險呀,留喺屋企同FACEPop一齊率先睇《關家姐》MV啦。

2015年7月9日   Face Pop (Face 即時) 獨家吹到正 關家姐八字波MV率先睇a

2015年7月9日   Face Pop (Face 即時) 獨家吹到正 關家姐八字波MV率先睇b

靚樣是必須的。

2015年7月9日   Face Pop (Face 即時) 獨家吹到正 關家姐八字波MV率先睇c

關心妍(Jade)自抽新歌《關家姐》 MV有得睇喇!

2015年7月9日   Face Pop (Face 即時) 獨家吹到正 關家姐八字波MV率先睇d

《關家姐》MV入面有唔少由關心妍老公操刀嘅私密短片,fans必睇。

2015年7月9日   Face Pop (Face 即時) 獨家吹到正 關家姐八字波MV率先睇e

阿Jade嘅自抽新歌《關家姐》為佢贏得唔少掌聲,網友讚佢睇得開夠豁達。(網上圖片)

2015年7月9日   Face Pop (Face 即時) 獨家吹到正 關家姐八字波MV率先睇f

家姐被炒潮文/關家姐潮文/關心妍搞到我家姐無左份工潮文,每隔一段時間又會被網友拎出嚟回帶。(網上圖片)

《關家姐》歌詞

作詞:C君
作曲:周錫漢
還記得關家姐與友人去PP幫襯
佢炆 佢忍 佢等咗一陣
至能 名牌勁掃
又要即刻封舖 招呼要好

Sale屎驚佢冇人性關家姐個性 惡頂
扮巨星效應 太任性 打俾公司最後決定
要拒絕佢就算佢隔天寫信complain

嗱嗱嗱其實冇邊個 只因我俾公司炒咗

這關家姐(關家姐)誰用心編寫(天天寫)
這故事娛樂版當冷飯 炒到冷淡 當做笑料大家高興
這關家姐(關家姐)對報導已經幽過了黙再不苦惱
要推上報 我就算遙望到 隨便一笑 當睇不到

還記得關家姐個趣聞最初都幾過癮
記者 去邊 去邊都訪問
答完 回頭又答 未有C1都有呢一細格
更多更詳盡歌詞 在 ※ Mojim.com 魔鏡歌詞網
改編之作網民嘅版本都過百
泰文 又或英日法 最合拍
篇文都經過十數年 昨晚仲有渣記者要whatsapp我回應

嗱嗱嗱其實冇邊個 只因我俾公司炒咗
這關家姐(關家姐)誰用心編寫(天天寫)
這故事娛樂版當冷飯 炒到冷淡 當做笑料大家高興
這關家姐(關家姐)對報導已經幽過了黙再不苦惱
要推上報 我就算遙望到 隨便一笑 當睇不到

其實我好多新聞 都有叫你開心 不錯
就當我 譲你快樂過
「家姐」稱謂我 不必推搪太多
街中偶遇我 這麼稱呼也可
誰人來延續這篇潮文誰來談論我

這關家姐 誰用心編寫
這故事橋段不再有限 轉發過萬刷屏炸版又loop幾晚
這關家姐(關家姐)這報導已將整個網絡百科覆蓋
大家厚愛 我亦會全力愛 而家姐我 已經睇開

2015年6月30日 壹週Plus 家姐潮文變新歌 關心妍怒抽自己

是咁的,相信大家有睇過或者聽過「關心妍搞到我家姐無左份工」呢個網絡潮文。呢篇潮文由04年一出,隨即係各大討論區瘋傳,之後有網民就推出惡搞影片,更被翻譯為英文版、日文版、俄文版等等。雖然關心妍多次否認,但係呢篇潮文依然一直喺網上出現。自此關心妍亦都多咗一個「關家姐」花名。

上年關心妍就以「C-12」名義推出名為《被注射》一曲,內容除了自抽08年同關菊英係勁歌頒獎禮發生的烏龍事件之外,更將「關家姐」潮文擺埋入呢首歌,成功引來唔少網民關注。

可能抽開有舖癮,今年關心妍索性推出一首名為《關家姐》嘅歌曲,除咗將篇潮文內容溶入歌中之外,負責填詞嘅C君更將關心妍對於呢篇潮文嘅心聲寫埋出來,好似「還記得關家姐個趣聞最初都幾過癮 ,記者去邊都訪問,答完回頭又答……篇文都經過十數年,昨晚仲有記者要whatsapp我回應。」

嘩! 歌詞認真啜核,最後仲要補多句︰「這關家姐(關家姐)這報導已將整個網絡百科覆蓋 ,大家厚愛我亦會全力愛,而家姐我已經睇開 。」

話到明睇開咗,難怪關心妍就推呢首歌自抽。話晒關心妍有兩大瘀事,今次推咗首《關家姐》,下次會唔會推首《關菊英》出來呢?

1435650946_386d

2015年6月30日 壹週Plus 家姐潮文變新歌 關心妍怒抽自己

2015年6月30日 FACEPOP (短片FACE即時) 推新歌<關家姐> 自抽 關心妍:多謝網民呢10年一路討論


高登潮文有幾勁?之前有唔少潮文成功被拍成短片就知高登仔有幾威威啦!近日仲有高登潮文變成歌添,講緊嘅係關心妍(Jade)噚日plug嘅新歌《關家姐》呀,今日仲放埋上YouTube。 Jade今次呢首歌仲係自抽自己水,用咗04年潮文「關心妍搞到我家姐無左份工」為引子,呢首歌仲講Jade呢11年因為呢段潮文所受嘅影響。以下係部份歌詞︰

「還記得關家姐與友人去PP幫襯 
佢炆 佢忍 佢等咗一陣 
至能 名牌勁掃 
又要即刻封舖 招呼要好 」

「Sale屎驚佢冇人性關家姐個性 惡頂 
扮巨星效應 太任性 打俾公司最後決定 
要拒絕佢就算佢隔天寫信complain 」

「嗱嗱嗱其實冇邊個 只因我俾公司炒咗」

「還記得關家姐個趣聞最初都幾過癮 
記者 去邊 去邊都訪問 
答完 回頭又答 未有C1都有呢一細格 」

咁正嘅詞係由C君填嘅,之後仲有一句「其實我好多新聞 都有叫你開心 不錯」,咪即係講埋09年《勁歌》同關菊英搶獎單嘢囉。而歌詞最後仲話佢唔介意人稱呼佢做「關家姐」同睇化咗添。網友聽完後都紛紛讚好,但亦有網友話呢首歌應該早幾年出,咁就有更大迴響喎。《FACE》打去問Jade點解會推出呢首自抽歌,佢就話︰「呢隻歌其實係因為『關家姐』潮文今年10周年,好想做一首歌去畀credit(榮譽)佢,多謝所有網民呢10年一路討論關家姐,促成咗呢隻歌,多謝你哋!」

其實上年6月Jade以「C-12」名義推出其中一首歌〈被注射〉,個mv都有辣埋「關家姐」同其他潮文,而領錯獎單嘢之後被本地樂隊TONICK惡搞整咗〈關心菊英〉抽水,成功喺演唱會上邀請到關心妍做嘉賓一齊唱添,證明Jade都幾玩得。

欣賞下啲歌詞

欣賞下啲歌詞

當年Jade喺《勁歌金曲》同關菊英搶獎事件。

當年Jade喺《勁歌金曲》同關菊英搶獎事件。

20150630Face d

2015年6月30日 熱血時報 向高登潮文致敬 關心妍新歌自嘲「關家姐」 –

高登潮文一向以「無厘頭」見稱,繼早前「豆腐火腩飯潮文」、「一生只想尋找一個肯挨麥記的女人」等作品被拍成影片外,歌手關心妍昨日(6月29日)派台的新歌《關家姐》就是以2004年潮文《關心妍搞到我家姐無左份工》為引子,講述關心妍近十多年來一直受潮文影響,儘管自己已多次否認並非文章的主角,但每次文章重新遭轉發,記者又會要她回應。 《關家姐》一歌曲風輕快,由組合農夫成員C君編寫的歌詞不乏啜核語句,而最後一句「而家姐我已經睇開」亦反映關心妍不介意別人以「家姐」稱呼她而自己也不介意「自抽」。網民聽到此歌後紛紛叫好,指關心妍願意自嘲而唱此歌是成功,高登網民當然為自己論壇創作的作品感到自豪,不過亦指潮文由2004年至今才被創作,其實可以更早改編。 關心妍除了潮文事件外,另一件經常被網民恥笑的事件是無線勁歌金曲頒獎禮上領錯獎,事後一隊本地樂隊TONICK亦創作歌曲《關心菊英》抽水,甚至在演唱會邀來關心妍合唱,可見關心妍早已習慣自嘲。

20150630熱血時報 向高登潮文致敬 關心妍新歌自嘲「關家姐」