2022年5月9日 TVB 娛樂新聞台 [獨家]一個月內由零到舞台 關心妍綵排個唱想請菊姐

關心妍 早前突然宣佈即將會喺紅館舉辦演唱會,呢個「即將」真係快到眨吓眼就過,由決定到正式上台得短短一個月時間,阿Jade亦都可以話為咗今次個唱廢寢忘餐去日夜準備喇。呢日佢帶我哋去偷偷睇吓排練過程,而屋企人亦都貼心支持,陪住督促練習呀。

除咗佢自己認為唔係好擅長嘅跳舞,阿Jade今次可以話出盡法寶,歌單迫爆之外,就連彈琴同色士風都出動埋,咁就即係又多幾樣嘢要練喇。除咗表演之外,香港歌迷最期待嘅畫面,就梗係佢同 #關菊英 同台啦,而阿Jade就真係有提出邀請,雖然唔一定請得到,大家一於一齊Figercross睇吓到時見唔見到呢個世紀畫面啦。

#關心妍 #綵排 #紅館 #個唱 #關菊英 #關家姐