【星島日報報道】關心妍（Jade）昨日出席活動，談到同時於2002年出道的盧凱彤（Ellen）昨晨於跑馬地墮樓身亡，她坦言得知對方離世消息後大感愕然。Jade謂：「我 係同一年的新人，一直很欣賞她的音樂，聽到呢個消息好突然，真係無諗過！我知道之前她有抑鬱症，尤其我 呢個圈經歷好多不同的事，抑鬱好多時不由自主，所以有抑鬱的人要醫，亦要留意身邊的人，有少少異樣要畀多少少關懷。如果朋友突然響WeChat唔見 ，叫佢又唔出 ，咁就要留意 。不過，我依然唔知Ellen咩原因，如果係抑鬱就真係可大可小。」
成立了「妍亮生命慈善基金」的Jade坦言，近年專注情緒問題方面，亦有身邊朋友因情緒病而離開。她認為情緒病不是一般的病，很容易受情感觸動，所以康復期間也要多加留意。Jade謂：「要多 分享，希望她的靈魂Rest and Peace。」
文、圖：鄺芷瑩
關心妍認為情緒病可大可小，要多加留意。
香港文匯報訊（記者 李思穎）關心妍(Jade)昨日到灣仔會展的BB展覽會，為代言產品出席新手媽媽身心健康講座活動，期間她與一班新手媽媽分享苦與樂，Jade見到現場的小朋友時，更盡顯母愛一面。Jade談到懷有女兒之初，因不用工作，那段時間吃飽便睡，毫無壓力，但當生下囡囡後，雖然請了陪月幫手，但她這位新手媽咪完全不懂幫BB換片沖涼，有點不知所措，期間試過情緒崩潰，不能自控，便獨自躲入房跪地祈禱，當時她喊了二小時，不快情緒釋放後便回復力量。
Jade表示：「老公有問我咩事，我們等了多年才有BB，萬一有何閃失難以擔當，自己會有一定心理壓力，幸而最後都沒事，也要提醒孕婦產後補身好重要，有好的健康便有好情緒，我坐月時都好注意飲食，應該有吃下幾斤米，哈哈。」
Jade已為女兒做好準備，下星期便開始上學前班，Jade亦會多了一些私人時間打理音樂學院，她稱：「每日可以抽三小時返學院，之前試過單對單教學，緊接上堂，最初連飲水和去廁所都沒時間，現在慢慢懂得調教。」
http://paper.wenweipo.com/2018/08/06/EN1808060020.htm
藝人關心妍（Jade）出席產品活動，對於歌手盧凱彤墮樓身亡，與對方同是2002年樂壇新人的Jade，表示一直欣賞對方音樂，獲悉不幸事件後感愕然：「我知佢有抑鬱，所以我呢幾年先開設個中心，希望幫助有需要嘅人，呢個圈子會經歷好多唔同嘢，呢個病亦會擊倒好多人，係不由自主，所以都需要多啲留意身邊人，抑鬱可大可小。」她透露身邊也有朋友曾患抑鬱，不幸地痊愈後又再翻發，最終選擇結束生命。
Jade又於活動上分享作為新手媽媽兩年的經驗，表示懷孕時「停工」，於沒有工作壓力情況下，每日只要食及瞓，反而感覺輕鬆，惟生女後要學習換片、沖奶等事情，再加上身邊人有很多不同聲音，令其情緒崩潰了兩天：「真係好無助，所以走入房開大音樂喊咗半個鐘，將情緒一次過釋放出嚟，喊完就充滿力量，之後都有同老公分享番。」
而忙於教小朋友唱歌的她，笑指女兒學前班即將開課，終讓她每日有幾小時私人時間：「以前要陪佢上Playgroup，依家可以用呢啲時間做自己嘢，好在個女學校同我個音樂中心好近，方便好多，不過呢兩個月時間不停教，有時教到連去廁所時間都冇。」
http://hk.on.cc/hk/bkn/cnt/entertainment/20180805/bkn-20180805162922840-0805_00862_001.html
關心妍(Jade)成立的「妍亮生命慈善基金」，去年聯同支援心理輔導和治療的「全康澄心」舉行慈善晚宴籌款，希望在香港開設服務中心，讓有情緒問題的人及時得到幫助；Jade另外一個計劃，就是開設兒童音樂教育學院為基金籌款，幫助一些低收入的家庭。
今年，Jade以「Shining Life Music」為名的音樂治療學院終於找到場地，八月正式啟動！學院和辦公室選址在銅鑼灣，Jade感恩不少人知道做善事個個都舉手幫忙，Jade說：「租金是最大的問題，業主好好，這裏比巿價平咗一萬，我哋會提供課程教學生唱歌，有啲樂器亦得到贊助。」今次Jade是與「香港創意藝術治療中心」兩位著名音樂治療師梁曉盈和何顯斌一起合作；音樂學院更會有歌星導師團開班教授，除了兒童音樂治療和興趣班外，Jade亦歡迎對唱歌有興趣的青少年和成人報讀，一起用音樂妍亮生命。
學院成立初期，Jade與丈夫楊長智由找場地、裝修佈置、會計都一腳踢。
今日(31/7)是Jade「牛一」生日，學院快將開幕，Jade一有時間就返去貼隔音棉，裝飾廁所和清理垃圾，Jade說︰「地方小小，但都算設備齊全，洗手間都係自己佈置粉飾一下，希望以最低的成本搞掂，傢俬就同老公去IKEA買，我特別買了一個小型餐車，哈哈！其實我煮嘢幾叻㗎，有時可以焗吓蛋糕麵包，學生上堂都可以relax啲。」學院一切準備就緒，昨晚Jade當然抽空與老公和囡囡楊榮心一家人吃飯慶祝正日生日。
丁子高 與 關心妍 這兩位唱得之人，平常好少齊齊Jam歌，但二人只要有「咪」在手，合唱起來真係好好聽。早前二人出席好朋友 龔鈁 生日派對，切完生日蛋糕，二人就話要送首《你最珍貴》俾壽星聽。
關心妍（Jade）日前為健康產品拍攝最新一輯廣告及宣傳短片，拍攝當日與廣告中飾演其女兒的可愛妹妹有不少親密互動，冧盡在場工作人員！
問及其產後養顏秘笈，她笑言：「不知不覺囡囡就嚟兩歲，能夠日日見證住佢開心成長，嗰種感動真係好難形容！因為唔想錯過佢成長嘅每一刻，所以我好珍惜自己身體，要夠健康先可以全力照顧佢同屋企人。」
唔知關心妍有咩養顏心得呢？
關心妍喺廣告中有不少同小朋友嘅互動。
關心妍又指囡囡就嚟兩歲，嗰種感動真係好難形容！
「三代同堂」齊齊食飯！
好溫馨呀！
關心妍日前為健康產品拍攝廣告及宣傳短片。
http://hk.on.cc/hk/bkn/cnt/entertainment/20180716/bkn-20180716214654286-0716_00862_001.html
歌手關心妍（Jade）出席義工分享活動，大談14年來做義工的心得，希望鼓勵不同年紀的朋友一起做義工，問到可打算帶囡囡一齊做義工？她表示：「會呀，佢就嚟兩歲，我都希望簡單嗰啲可以帶埋佢去。」她又表示其慈善基金下月將在銅鑼灣設立中心，到時她會教唱歌，把所得學費捐到慈善基金，亦會教低收入家庭的朋友唱歌，中心亦會與音樂治療師合作，幫助情緒有問題的朋友。她亦歡迎其他歌手朋友幫忙義教：「我一個人教唔到咁多，教多啲就可以有多啲善款幫到人。」
Jade直言和老公為中心一腳踢，因為不夠錢請其他人，但幸好得到很多有心人幫助，例如銅鑼灣的店舖，獲對方以平過市價一萬蚊的價錢租給她，她表示：「真係好感恩！（成個中心有冇花費咗6位數字？）都要，因為要裝修同埋買器材，好彩樂器公司畀咗好大嘅Discount我，個個一知道係做善事就好幫手，我唔想使好多錢去做，想以最低嘅價錢去做。」講到她如此忙碌，何時會再唱歌？她坦言：「今年都唔會有時間，希望中心啲嘢上咗軌道先。」
機會嚟喇！
關心妍話會親自教唱歌。
關心妍真係好有善心！
加油呀！
http://hk.on.cc/hk/bkn/cnt/entertainment/20180714/bkn-20180714174016894-0714_00862_001.html
關心妍（Jade）今日喺灣仔出席妍亮生命講座，分享自己做義工嘅經驗，亦鼓勵多啲朋友做義工，Jade話成立咗「妍亮生命基金會」，已經喺銅鑼灣搵到辦公室，佢好感恩好多人知道做善事都有幫手：「租金比巿價平咗一萬蚊，而且我哋會提供課程教學生唱歌，啲樂器更平咗。」
因為初成立，Jade話未請到很多工作人員，主力由佢同老公做：「o依家個女兩歲幾，佢再大啲會帶佢一齊做義工。」Jade話現時花很多時間營運基金會，暫時冇時間唱歌：「今年真係唔會有時間，因為基金會會搞好多課程，等上咗軌道先。」
https://hk.entertainment.appledaily.com/enews/realtime/article/20180714/58442456
老公楊長智的生日，Jade每年都非常有驚喜，更曾經扮演過Jonas最愛的Marvel角色「Black Widow」，今年就親手製造一個「識飛」的蛋糕。
話說自女兒楊榮心出世後，關心妍Jade專心湊女，心心日漸長大，Jade亦開始慢慢復工，早前就飛到美加開騷，第一次離開女兒超過兩星期。
開始復工的Jade，回港後先拍攝新廣告，亦選好新歌進行錄音，但本月八日是老公的生日，Jade一早就請了前一天假，為Jonas製造驚喜。當日Jade一早就到達蛋糕店，約好Jonas晚上帶囡囡心心一起出外吃飯慶祝，整天Jade就在蛋糕店大顯身手，她說：「這兩年一直都湊囡囡，好多時忽略了老公，以前他生日，我都會自己親手造些禮物給他，今年決定做一個特別驚喜。」Jonas很喜歡吃甜品，而且很喜歡送蛋糕給身邊朋友，Jade說：「要做一個令他有驚喜的事真的不容易，我之前找了一間可以造懸浮蛋糕的cake shop，其實是磁力令蛋糕浮起，回港後馬上就去學，製作過程足足七個小時，這是我自己第一次造蛋糕，因為Jonas從小已經喜歡煲美劇《Friends》，我就想到要飛起張梳化，就算造完之後送給他都好似表演咁，要擺得到，又不能飛走，好難，最後他好開心呀！不過最開心係心心，下次整一個給她吧！」
部分圖片來源：互聯網
影片來源：互聯網
https://bka.mpweekly.com/focus/20180608-117618
關心妍今次美加之旅，一共走了六場騷，包括波特蘭、芝加哥和三藩市，Jade的哥哥定居芝加哥，這次美加之旅正好順道探親，因為今次沒有帶女兒心心同行，Jade可以趁機會跟老公楊長智拍拖過吓二人世界，Jade說︰「第一次跟心心分開咁耐，但原來兩個星期好長，估唔到自己會掛個女掛到喊。」
在美國每天除了夾啱時間跟心心視像外，Jade更為女兒四處「尋寶」，她說︰「在芝加哥去了瘋魔全美國小朋友 的『American Girl Place』, 之前我媽媽買了一隻American Baby公仔送俾心心，現在心心長大了，可以跟公仔配襯同款衫仔，這裡有三層，每層都好大，好誇張，又有專門幫公仔整頭的salon，小朋友又可以在這裡開生日會。」
