2021年8月31日 明報娛樂 跟關心妍一拍即合 唐貝詩自家品牌口罩售出2000盒

唐貝詩(Lydia)與模特兒好友陳詠斯(Phoebe)和藝人之家牧師,推出以「我永不會離棄你」為主題的型格口罩,兩個月賣出2000盒,成為不少藝人的潮流用品。唐貝詩與好友籌辦的慈善活動,已經開始了兩個月,她們設計的口罩部分收益,將會撥捐給關心妍(Jade)的「妍亮生命慈善基金」。

早前她們相約Jade拍攝宣傳照,Jade感激她們選擇她的基金作為受惠機構。她說:「最初認識了藝人之家的牧師,他知道我有慈善基金,剛巧他正籌備這個項目。我看到他們的口罩設計後,覺得好靚,當中亦帶出愛、神永不會離棄你的信息,成件事好有意義,所以便一拍即合。」

她透露為了營運基金,每星期抽出3天時間教唱歌,更是一日教足9小時。她把掙得款項邀請註冊的音樂治療師,教導心理有障礙、低收入家庭的小朋友。她說:「3年前基金曾經舉辦慈善晚宴,但實在太困難,所以寧願教唱歌。全家人都很支持我,幫手湊女,不過星期日我一定會陪家人。」

不少藝人包括徐㴓喬、李亞男、森美和張彥博等,都戴上該款口罩,Lydia笑說:「見到好多朋友會買和會戴真的很開心,知道他們喜歡,既可以宣揚愛又可以做善事。」

關心妍和唐貝詩合作愉快。(大會提供)

關心妍和唐貝詩合作愉快。(大會提供)

徐㴓喬(左起)、李亞男和張彥博都有戴該款口罩。(大會提供)

徐㴓喬(左起)、李亞男和張彥博都有戴該款口罩。(大會提供)

https://ol.mingpao.com/ldy/showbiz/latest/20210831/1630406179483

2021年8月31日 on.cc 東網 唐貝詩為慈善出口罩 搵埋佢哋幫拖

2021年8月31日 on.cc 東網 唐貝詩為慈善出口罩 搵埋佢哋幫拖a

唐貝詩(Lydia)與模特兒好友陳詠斯(Phoebe)和藝人之家牧師推出以「我永不會離棄你」為主題的型格口罩,而受惠機構的負責人關心妍(Jade)受邀齊拍攝宣傳照,她說:「最初認識了藝人之家的牧師,知道我有一個慈善基金,剛巧他正籌備這個慈善口罩項目。我看到他們的口罩設計覺得好靚,當中亦帶出愛、神永不會離棄你的訊息,成件事都好有意義,所以大家便一拍即合。」

唐貝詩真係好有心。

唐貝詩真係好有心。

陳詠斯(左起)、關心妍、唐貝詩為慈善出一分力。

陳詠斯(左起)、關心妍、唐貝詩為慈善出一分力。

李亞男力撐。

李亞男力撐。

Jade透露為了營運其慈善基金,每周抽出3日時間教唱歌,更教足9小時,將賺得的款項邀請註冊的音樂治療師,教導心理有障礙、低收入家庭的小朋友:「3年前基金曾經舉辦慈善晚宴,但實在太困難,所以寧願教唱歌。全家人都很支持我,幫手湊女。不過星期日我都一定會陪家人。」她透露除了教唱歌外,下半年都非常忙碌,要推出新歌,又與張美妮和孫慧雪亦主持網上《靚媽圍爐》節目,介紹一個做靚媽的心得。另外不少藝人徐㴓喬、李亞男、森美和張彥博拍片支持慈善活動。

https://hk.on.cc/hk/bkn/cnt/entertainment/20210831/bkn-20210831180438710-0831_00862_001.html?fbclid=IwAR0VVeclNHH88bGDCzjPVDgkvvXMthoa22oMitUYXQrJr4STtFCHSMU56yU

2021年8月2日 明報娛樂 露背又騷腰|關心妍喼靚身形拍廣告 冧爆稱老公愛咀嘴

關心妍(Jade)最近忙個不停,除了宣傳歌曲外,又準備明年的紅館個唱,加上拍攝節目《靚媽圍爐》,吸引不少媽咪級的觀眾;最近她更成為新一代逆齡美魔女,代言美容廣告。

為了這個廣告,Jade非常緊張keep好靚身形,接拍之前亦已向老公報告,得到老公批准才做,她說:「因為講美容及瘦身,要騷少少身材,咁我都要尊重老公嘅,第一個問咗佢先,佢睇過啲衫,覺得都OK我先接。」

廣告中Jade的服裝要露背露腰,她表示為穿上靚衫,整個星期都少吃東西,又去美容院勤做機,她說:「因為拍電視廣告,上鏡個人會再肥一個碼,所以真係要好勤力減㗎,但做機又真係幫得手,除咗自己減磅,做運動,就靠做機去令肌膚緊緻。」

Jade現時仍保持纖腰,她笑言非常艱苦才有,不單要控制飲食,還靠做運動及做機幫忙。問到老公最欣賞她哪部位?她笑稱:「佢呀…佢最鍾意我個嘴,佢話我嘴尖尖似隻貓,又鍾意我下巴,話似蝦餃喎,所以我keep住自己個嘴好潤囉,佢成日惜我個嘴嘛。」

女兒見媽咪拍的廣告照片,嘩嘩聲讚媽咪似公主,「個女已經識貪靚㗎啦,見到我著衫,都會話我又想試,成日著我啲高跟鞋話留畀佢大個著呀,好搞笑」。

關心妍現時仍保持纖腰, 全靠控制飲食及勤做運動。 (大會提供)

關心妍現時仍保持纖腰, 全靠控制飲食及勤做運動。 (大會提供)

https://ol.mingpao.com/ldy/showbiz/latest/20210802/1627904467019

2021年7月12日 on.cc 東網 關心妍受囡囡啟發 炮製療愈3部曲

2021年7月12日 on.cc 東網 關心妍受囡囡啟發 炮製療愈3部曲a

5年前淡出幕前的歌手關心妍(Jade),適逢明年入行20周年,決定「重出江湖」打頭陣推出「療愈三部曲」《腍》、《愛的告別式》及《原諒的力量》,她透露作品計劃「發起人」竟是只有5歲大的愛女楊榮心︰「呢幾年多咗時間同佢相處,喺佢身上我得到療愈,我細個時,媽咪要做嘢,冇時間陪我哋,依家見到個女同媽咪玩嗰陣,就好似見番我細個咁,彌補童年失去嘅時光。」講到小時候缺乏父愛,現可從囡囡跟老公互動之間得到一點甜︰「原來爸爸會咁樣錫、照顧個女,呢個小朋友令我生命更完整,就喺度諗點樣可以喺唱歌嘅時候療愈到人哋個心。」

其中第2首歌《愛的告別式》由她親自監製及作曲,雖然近年少「蒲頭」,但她並沒有跟樂壇脫節,創作緊貼現今流行曲趨勢:「好開心Fans留意到我有新曲風、新唱腔,呢啲冇得呃,感謝佢哋知道我花好多心機造歌,一齊集氣拎紅館期開4面台回饋番佢哋。」她續笑說此曲功勞同樣歸功於囡囡:「首歌係我望住佢玩嗰陣,突然靈感湧現寫嘅,以前一創作我就會諗好多苦、好痛嘅嘢,依家佢畀我感受到嘅係先苦後甜,今次帶出個訊息,係大家要識得告別傷痛。」

即將邁進入行20周年,Jade今年全面回歸樂壇。

即將邁進入行20周年,Jade今年全面回歸樂壇。

Jade受囡囡「啟發」,創作的曲目多了一份甜。

Jade受囡囡「啟發」,創作的曲目多了一份甜。

孖學生CY合唱 最愛Edan

再次活躍歌壇的她,坦言有留意新一代歌手動向,「頭啖湯」合作機會落於學生CY(陳澤言)手中,師生演繹《腍》的合唱版,外界反應一致好評,Jade續點名欣賞唱作人林家謙、Serrini、陳蕾等,還自揭最冧人氣男團MIRROR的成員Edan(呂爵安):「好多朋友都知我好鍾意佢,覺得佢喺台上彈琴好迷人,又鍾意睇佢演戲,鍾意啲搞笑啲嘅!」

撇除歌手身份,Jade自爆為愛女「升呢」做「超人媽媽」,拋開歌手包袱180度大變身,由「鵪鶉」進化做「開籠雀」︰「連老公都話我唔同咗,以前同心心返學我好怕醜,未必會走去同其他媽咪傾偈,佢哋可能會覺得我係歌手好Cool,但其實我只係唔知點開口,相反依家變得好勇敢,會主動問參加咩課外活動好,開始融入佢哋嘅世界,呢個對我嚟講係個好大嘅突破。」

Jade與其歌唱學生CY合唱《腍》,大獲好評!

Jade與其歌唱學生CY合唱《腍》,大獲好評!

Jade自揭最冧MIRROR成員Edan。

Jade自揭最冧MIRROR成員Edan。

Edan

Edan

另外,最近Jade更自我挑機,繼剛出道做過電視節目主持後,事隔十多年擔任網上節目《靚媽圍爐》主持,偕張美妮及孫慧雪齊齊開Live大談「媽媽經」,為了復出,她努力收身操弗,不忘分享在美容扮靚及育兒方面的經驗,她坦言最初接下這個重任時,曾一度怕難以勝任而甚感壓力,後期愈做愈好,釋除疑慮豁出去。

Jade與孫慧雪及張美妮開LIVE大談媽媽經。

Jade與孫慧雪及張美妮開LIVE大談媽媽經。

https://hk.on.cc/hk/bkn/cnt/entertainment/20210712/bkn-20210712220532401-0712_00862_001.html

2021年7月6日 星島娛樂 關心妍首為網台做主持 李幸倪指炎明熹乜都搵佢如教女

關心妍(Jade)、Gin Lee(李幸倪)及何依婷等今日出席TVB《明愛暖萬心》記者會,Jade及Gin Lee當晚將會跟中樂團合作,分別唱出梅艷芳的《似是故人來》及鄧麗君的《我只在乎你》,由於兩首名曲皆耳熟能詳,所以兩人都有一定壓力,Gin表示會用自己的方式演譯。Jade指為了更明白歌詞,事前會重温電影。

另外,Jade將會為古巨基太太的網台主持直播節目,她說是新嘗試,希望幫到新手媽媽,第一集嘉賓是古巨基,還會碌人情咭邀請重量級嘉賓,事前要做好多功課,有機會都想同Gin合作。Gin是《星夢傳奇》的導師,問睇好哪位學員?她表示開始不捨得,及替學員緊張,覺得他們備戰好辛苦,但備戰與臨場表現往往是兩回事。談及大熱炎明熹(Gigi)聲帶不適令表現失準,Gin指對方很可愛,無論襯衫、失眠也會請教她,笑言有如教女。

關心妍為網台擔任主持,而Gin就開始不捨《星夢》學員。

關心妍為網台擔任主持,而Gin就開始不捨《星夢》學員。

網台主持首集嘉賓就係古巨基。

網台主持首集嘉賓就係古巨基。

星島新聞連結:
https://std.stheadline.com/realtime/article/1623145

2021年5月7日 MPWeekly 明周 【關心妍專訪】每星期試探囡囡 關心妍因一句話封肚

 

撰文:劉家倫攝影:伍敏慧

每年母親節,關心妍Jade都忙到飛起,今年撞正出新歌宣傳期,她特別請了兩天假「交人」,除了陪囡囡心心外,還有母親大人,三代同堂一起慶祝。
Jade入行以來甚少談及父親,父親一四年因病離世,自六歲之後父女再沒有見面,最後一面竟是在病牀,這件事一直令Jade難以釋懷。自從心心出世後,Jade在丈夫楊長智的身上感受到父愛的偉大,前陣子考慮追多過個B讓心心有個伴,她每隔一星期就試探一下囡囡,結果一句說話讓她決定「封肚」了!

2021年5月7日 MPWeekly 明周 關心妍專訪 每星期試探囡囡 關心妍因一句話封肚a

自從心心出世後,Jade在丈夫楊長智身上,看到他對女兒的愛,令她亦感受到父愛的偉大。

每年母親節,Jade會先安排與母親慶祝,今年亦不例外,「都應該在家中幾個人食飯,心心這幾天好神秘咁畫畫造手工,應該係送俾我啩?哈哈!」心心很喜歡問「點解嘅?」,Jade在囡囡面前有好多身份,除了媽媽,又是好朋友和同學仔,以不同角色解答女兒的問題,「哈哈!這些角色會隨時出現,我希望可以跟囡囡一直做best friend,我知好難,每當想嚴都會忍一忍,自小父親不在身邊,我知道有些烙印是洗不走的,語氣亦好重要,心心快要升小學,最近開始很多面試,這個時候我就會變成同學仔,跟她一起let’s play interview game,把所有學習都變遊戲。」
去年爆發世紀疫情,Jade亦經歷整整一年的親子困獸鬥,「疫情真的不容易,我好明白這段時間,媽媽們有時都會失去耐性,大人細路都辛苦,我會安慰自己,現在可以日日攬住喎!幾年後她就長大,可能唔俾我攬、唔俾我錫,要好好珍惜,我有時同佢講『我好錫你呀心心』,她又回答『我仲鍚你呀媽咪』,嘩!真係冧晒。」

2021年5月7日 MPWeekly 明周 關心妍專訪 每星期試探囡囡 關心妍因一句話封肚b

Jade自小最怕母親,每次母親生氣,她都要搞一場大龍鳳擺和頭酒,「媽咪一手湊大兩個,真係唔容易,在美國的哥哥生了小朋友,希望疫情後一家人再聚。」

這天在酒店拍攝,丈夫楊長智帶了心心來探班,心心一見到Jade就黐到實,不停問媽咪今次做什麼工作?Jade再次踏入錄音室亦有段故事,「心心有次在電視看到我的演唱會,原來她識唱我好多歌,當然係講唔清啦啦啦咁唱,因為有時我會在家中教唱歌,她聽得多,聽到音樂就識跟住啦,見到媽咪在台上唱歌她又好開心,問幾時可以再去睇演唱會?她和丈夫很支持我唱歌。」
婚後等了七年,Jade才成功懷孕,心心開始長大,Jade在疫情前曾有打算追多個,每星期都試探一下囡囡,Jade說:「問她要不要個弟弟?過多個星期再問要不要個妹妹?我怕她寂寞,又擔心她長大後身邊沒有兄弟姊妹,得閒又問吓,問足一年她都say no,直到有一次,她終於嫌我長氣說:『媽咪,我真係唔悶,我有你同爸爸就ok!』身邊都有朋友問我要不要雪卵?咁既然阿囡都咁講,唔雪喇,安心『封肚』囉!」

2021年5月7日 MPWeekly 明周 關心妍專訪 每星期試探囡囡 關心妍因一句話封肚c

Jade有追多個打算,試探囡囡口風,最後決定「封肚」。

2021年5月7日 MPWeekly 明周 關心妍專訪 每星期試探囡囡 關心妍因一句話封肚d

心心來探班,興起拍攝母女照,Jade幫囡囡紥個髻仔,「佢好多頭髮,隔幾日就要修吓。」

化妝:Cyrus Lee
髮型:Adrian Au @Salon Chemistry
形象:@vchapter_
場地:Rosewood Hong Kong 香港瑰麗酒店
服裝:Ganni from Net-a-Porter、Fendi、Rene Caovilla

https://www.mpweekly.com/neo-ent/focus/local/bookcover/20210507-246261?fbclid=IwAR3stgGBfkQm1tcSpIwpHrz2KC8W_Nj1OQk4P06_PwF41zJkodRZ94qrwOY

2021年5月6日 MPWeekly 明周 【關心妍專訪】 新歌談及父女關係 關心妍後悔愛得太遲

撰文:劉家倫攝影:伍敏慧

關心妍Jade上一次推出廣東歌,已是五年多前,當時Jade剛懷孕,大住肚拍MV,之後便一直專心湊女,期間都有唱片公司打聽她什麼時候復出?唱了多年慘情歌的Jade,希望有好題材才錄歌,Jade說︰「有次同Wyman吃飯,他問我如果再出歌想講什麼?我話想講與父親的關係,這段父女情很淺,但令我一直都放不低、亦冇得去挽救。」在單親家庭長大的Jade,父親在她六歲時離開家庭,父女二十多年沒見面,直至一四年再見,但竟然是最後一面,「在媽咪面前一直都不敢提起父親,長大後,對父親的印象愈來愈模糊,我有試過找些照片,但原來媽咪把所有的照片都撕了,至今一張都沒有。」

2021年5月7日 MPWeekly 明周 關心妍專訪 每星期試探囡囡 關心妍因一句話封肚a

一場疫情改變了全世界,媽媽們在家各師各法教學,「開頭大家都難,一下子全部變晒網上教學,足足用了兩個月適應,心心好掛住班同學仔和老師。」

父母離婚,Jade和哥哥跟着母親到加拿大,父女沒有再聯絡,「他們離婚,當中可能好多原因,多年來我們都不知道箇中原因,只可以聽母親講,父親亦沒有解釋過,我遺憾的是自己沒有勇氣搵返佢,見面又可以如何相處?諗吓諗吓就二十年,直到收到醫院的電話,去到醫院,因為他中風加心臟病,成件事就好似電視劇。」最後Jade在父親的耳邊說:「爸爸,我們都原諒大家好了,你放心好好休息。」Jade後悔愛得太遲,父親直至臨終前都沒有清醒,「他一直昏迷狀態,醫生說可能變植物人,我都有心理準備要照顧他,沒有想過兩天後他就走了,重聚前後只是四天時間。」

2021年5月7日 MPWeekly 明周 關心妍專訪 每星期試探囡囡 關心妍因一句話封肚c

自從心心出世後,Jade在丈夫楊長智身上,看到他對女兒的愛,令她亦感受到父愛的偉大。

父親走了七年,Jade希望新歌送給自己、或仍有未能釋懷的人,而且今年心心已五歲,Jade亦重返樂壇跟歌迷見面,「自己長大的過程,因為一些缺失,的確有些觀點都會扭曲,做完這個新歌計劃之後,我好像走回一段路,發覺自己可以行得過、可以放得低、可以原諒,希望同大家分享這個療癒三部曲。」

2021年5月6日 MPWeekly 明周 關心妍專訪 新歌談及父女關係 關心妍後悔愛得太遲c

新歌《腍》MV 短短一星期有二十萬點擊,不少網民都表示期待整個故事。

2021年5月6日 MPWeekly 明周 關心妍專訪 新歌談及父女關係 關心妍後悔愛得太遲d

明年是Jade入行二十周年,最近重遇一位昔日戰友,希望為她舉行周年演唱會。

化妝:Cyrus Lee
髮型:Adrian Au @Salon Chemistry
形象:@vchapter_
場地:Rosewood Hong Kong 香港瑰麗酒店
服裝:Ganni from Net-a-Porter、Fendi、Rene Caovilla

https://www.mpweekly.com/neo-ent/focus/local/20210506-246270?fbclid=IwAR3bR90dlrW324DlFu7mg_Tnsxv9M8Y8UYfUuASL75TCUtwTVpWLQ8EVI3k

2021年4月26日 蘋果日報 娛樂 專訪 關心妍曾怨父親拋妻棄女 27年後再見已是最後一面

女兒是父親的前世情人——這句話套用在關心妍身上,只有諷刺!在單親家庭長大的關心妍,父親在她6、7歲時拋妻棄女,兩父女20多年沒見面,直至2014年才再見,怎知已是最後一面!

關心妍自小失去父愛。

關心妍自小失去父愛。

曾經渴望了7年才成功懷孕,關心妍於2016年生了女兒楊榮心(心心),做了媽咪的她專心湊女,在女兒的身上,見到老公對心心的愛,才令她體會到爸爸的偉大。「我好細個,爸爸就離開咗屋企,其實20幾、30年冇聯絡,再聯絡時佢已經有病,好快就走咗。呢件係我一生人最難擺低嘅事,亦冇得去挽救。」

當年父母離婚,關心妍和哥哥跟媽咪移民,雙方沒有再聯絡,「佢同媽咪離婚,當中可能好多原因,我哋只聽媽媽一面,爸爸嗰面未聽過,佢有冇第三、四者我唔知,因為冇聯絡,根本唔知佢去咗邊,對自己嚟講,有冇勇氣搵返佢?點樣相處返?呢樣我已經冇得諗。」人生如戲,20多年後關心妍再見爸爸,是因為收到醫院的電話,「我喺醫院見返佢,因為佢中風加心臟病,真係要搵親屬,成件事好似電視劇。」

關心妍在6、7歲時父母離婚,自此與父親失去聯絡。(受訪者提供)

關心妍在6、7歲時父母離婚,自此與父親失去聯絡。(受訪者提供)

關心妍和哥哥由媽咪湊大,在爸爸臨終時,一家人終原諒他。(受訪者提供)

關心妍和哥哥由媽咪湊大,在爸爸臨終時,一家人終原諒他。(受訪者提供)

原諒臨終父親

去到醫院,關心妍見到陌生的爸爸,感覺好矛盾,「其實好驚,咁耐冇見,見到佢好老,佢已經昏迷講唔到嘢,我即刻通知喺美國嘅哥哥返嚟,媽咪都冇見佢好多年,然後我哋同佢講原諒佢,同佢決志,其實都唔知佢聽唔聽到,我希望佢聽到,將來我哋可以天家再見,但一切都好遲,可以做嘅都好遲,嗰刻好似夢咁,我以為有一世時間可以再諗吓點行,但得返嘅回憶係咁少,見返佢嗰下,其實係後悔,後悔愛得太遲,冇得再返轉頭。」直至臨終前,關父都沒有清醒,不能再見子女一面,「佢一直昏迷狀態,醫生話佢可能變植物人,我都有心理準備,如果佢變植物人,我會照顧佢,但係我冇諗過,醫生講完隔咗兩日佢就走,其實見返只係前後4日時間。」

爸爸走了7年,隨着時間的過去,關心妍亦釋懷了,自從女兒出世後,她在丈夫的身上,看到他對女兒的愛,感受到爸爸的偉大;現在女兒已5歲,關家姐歸位重返樂壇,將自己對父親的恩怨情仇,憑歌寄意放在新歌三部曲上,分別是《腍》、《愛的告別式》和《原諒的力量》,「細個好渴望擁有嘅love,我覺得我嘅唔完全,喺老公對個女身上,我睇到原來係咁好,所以想唱父親呢個主題,明白自己長大過程,由於缺乏咗爸爸,好多嘢都扭曲咗,做完呢個新歌計劃之後,我走過呢段路,發覺我可以行得過,我可以擺低,我可以原諒,希望同大家分享,所以做咗自療三部曲。」

關心妍在老公的身上,看到他對女兒的父愛。(網上圖片)

關心妍在老公的身上,看到他對女兒的父愛。(網上圖片)

在父親死後7年,關心妍終於釋懷,推出新歌自療三部曲,《原諒的力量》是講父女關係。

在父親死後7年,關心妍終於釋懷,推出新歌自療三部曲,《原諒的力量》是講父女關係。

鞭策自己與時並進

而第一首派台歌《腍》,是 Wyman為她度身訂做,「可能呢幾年間相處,佢摸到我內心性格,大家唔會諗到呢個字喺我身上,大家可能覺得關心妍咪關家姐囉,好寸呀、好強悍,但我真實特質係咁腍,我收歌詞都震一震,每句都咁到肉。」5年沒出新歌,當年要為事業衝刺時,她卻去大肚生女,不擔心長江後浪推前浪,「反而好珍惜而家唱歌機會,做到幾多咪幾多,分享音樂。」

今年11月,就是關心妍入行20周年,她笑着慨嘆青春不再,「好恐怖,由20幾歲變42歲,好感恩20年之後依然可以唱歌,繼續做音樂,感謝支持嘅歌迷、我嘅團隊同屋企人,而家唱歌同以前年代唔同,自己都學習做live,我哋呢代人適應要花時間,冇得唔學,我會鞭策自己,一定要與時並進,要花好多心力接軌。」

關家姐沒有脫軌,一直很留意香港樂壇,還是《全民造星》的fans,「我睇晒全部節目,睇完自己團火更撻得着,我鍾意 ANSONBEAN好可愛,唱歌就鍾意CY,佢唱得好好,女仔揀Alina跳舞吸引。」她更分享樂壇生存法則,「你要有關家姐精神,唔可以太care,以前年代係明星,但而家年代唔同,無時無刻被人評論,EQ要高,唔可以咁容易上火,所以我覺得要有關家姐精神,否認不堪一擊,十幾年前已經死咗,話你難聽醜樣就信,咁會冇得做,鍾意音樂要有份精神,唔可以咁易氣餒同介意。」

撰文:余燕儀
攝影:add
攝錄:沈健程
化妝:Cyrus Lee
髮型:HY@Vchapter_

關心妍認為樂壇生存法則,就是要有關家姐精神。

關心妍認為樂壇生存法則,就是要有關家姐精神。

今年11月是關心妍入行20周年,笑言青春不再。

今年11月是關心妍入行20周年,笑言青春不再。

快踏入42歲的關心妍,揚言要鞭策自己,與時並進。

快踏入42歲的關心妍,揚言要鞭策自己,與時並進。

關心妍生女後終於復出,推出新歌《腍》。(網上圖片)

關心妍生女後終於復出,推出新歌《腍》。(網上圖片)

關心妍讚CY唱歌好聽(資料圖片)

關心妍讚CY唱歌好聽(資料圖片)

https://hk.appledaily.com/entertainment/20210426/DTZBYKRW4NA2HBVDEOP2N4I4PQ/?fbclid=IwAR0aA1pBxG5mkqWn95ODXNigjXNINXi449XBluM0TTUK5cTUC4CvDgjP0pA

2021年2月25日 明周娛樂 【靚媽圍爐】關心妍孫慧雪張美妮分享湊仔經

2021年2月25日 明周娛樂 靚媽圍爐關心妍孫慧雪張美妮分享湊仔經a
網台ChillGOOD ,最近推出新節目《靚媽圍爐》,邀請關心妍(Jade)、孫慧雪(阿雪)以及張美妮三位星級靚媽 一同任主持,每集均在影片內分享當人妻人母後的苦與樂,分享育兒資訊及心得,三人準備由修身扮靚、養生補身、生仔秘方、湊仔苦與樂、選校資訊、面試心得以至婆媳關係,都會在這個節目中一一跟大家分享。

2021年2月25日 明周娛樂 靚媽圍爐關心妍孫慧雪張美妮分享湊仔經b

何解這三位大纜都扯唔埋的靚媽,會合作拍《靚媽圍爐》?Jade說:「我哋做《靚媽圍爐》因為我哋都係媽媽,小朋友的年紀又相近,正好透過節目與大家分享我們的經驗,而觀眾又可以留言俾我哋互相交流心得,我覺得好好呀。」

2021年2月25日 明周娛樂 靚媽圍爐關心妍孫慧雪張美妮分享湊仔經c

而育有1歲半女兒的美妮虛心表示,自從懷孕後渴望在網上平台找育兒資訊,遇上《靚媽圍爐》覺得像明燈一樣,做了這個節目之後,自己更獲益良多,希望日後可以與媽媽觀眾們一起開心share ,互相幫助下揍仔更得心應手。

2021年2月25日 明周娛樂 靚媽圍爐關心妍孫慧雪張美妮分享湊仔經d

在facebook和instagram擁有近50萬粉絲的阿雪,2017年由宅男女神搖身一變賢妻良母,從此事業湊B兩兼顧,接拍《靚媽圍爐》阿雪笑言:「我好鍾意講嘢,又唔好意思唔湊仔,拍《靚媽圍爐》啱晒,我同老公講我去拍節目你湊仔!」

2021年2月25日 明周娛樂 靚媽圍爐關心妍孫慧雪張美妮分享湊仔經e

首兩集節目,美妮坦白大爆餵人奶經歷,自己如何發生噴射式人奶噴上天花版瘀事,三人又會向觀眾分享,有錢請陪月都要點小心,更因為講得太開心,連求子期老公瘀事、各種閨房招式,如何迫老公進補等等,所以三人均異口同聲說,「個節目我希望我老公同奶奶都唔好睇,哈哈!」

https://www.mpweekly.com/neo-ent/focus/local/20210225-234978?fbclid=IwAR3VdHuelNmTtQXyr9gup4PHGuItV8rqwWs97HHTmdbbGd-EhJBVOG8pqfQ