2019年1月12日 東方日報 關心妍助問題兒童跑數教唱歌

歌手關心妍為了支持其創立的慈善基金,數月前開始執教鞭,教人唱歌賺錢以維持基金營運開支,用自己的專長日日跑數,跑夠數便感到大滿足!

關心妍以慈善基金創辦人身份,前年舉行一個大型籌款晚會,場面盛大,碌盡人情卡,不過她直言辦一次晚會,好像做了十次演唱會般,要兼顧的事情實在太多,令她身心疲倦,而且年年碌卡,講笑都怕冇晒朋友,於是她想出教人唱歌賺錢「養」基金:「由細到大我都好鍾意學唱歌,到我做咗歌手,我都冇停過去學,去過美國、加拿大、韓國同日本學藝,自度一套教唱歌方法,可以畀到唔同人需要,有啲人學唱歌係為咗去唱K、有啲為入行、有啲小朋友為學品格,好多唔同嘅Case,依家教咗幾個月,收入都OK,夠交租我就唔教,跑夠數就唔接。」

計劃做音樂治療師

她說曾有人學唱歌是為了在結婚周年紀念當晚獻唱給太太或老公聽,她感動地說:「真係有啲感動,唔知第時我老公會唔會喺結婚周年送歌畀我?」與楊長智結婚多年,感情如昔,她講笑老公唱功未達標,要跟她慢慢學。

其創立的慈善基金,會與兩名音樂治療師合作,給低收入人士提供免費音樂治療。關心妍原來亦有意當音樂治療,原本報讀大學有關課程,希望成為正式的音樂治療師,但因經常不在港而缺課,故將計劃推遲,目標要取得學位:「如果外國讀只需讀一兩年,但我唔可以擺低個女咁耐,喺香港讀就慢啲,或者呢個可能係我一生嘅職業,慢慢讀,唔緊要,攞到學位為止。」

教女先淡後甜

兩公婆自創了一套育兒心得,揚言家中有很多家規,其中一樣是由細到大給女兒「先淡後甜」,小時候只給囡囡吃無味道的食物,她笑說:「心心兩歲幾,一粒糖都未食過,餅有少少甜佢已經開心到好冧,畀一片甜餅佢乜都肯做,好陰功,佢賺得好微。返學後,佢先覺得呢個世界嘅美食太多,學校有牛油麵包、芝士蛋糕,佢全部冇食過,所以佢從來無偏食,全世界嘢都好好食。」

手機令人疏離

由關心妍創立的妍亮生命慈善基金,為幫助情緒抑鬱、患過度活躍或自閉症小朋友的低收入家庭提供免費音樂治療,之前做了14年義工的她,早年決定不再做「散打」,希望專門一個範疇提供援手。她直言察覺到手提電話的禍害很大,令人自我隔離,形同自閉,有潛在的危險,可能潛移默化的關係,她說女兒已成為家中的「手機警察」,看到媽咪用手機,會即時表現不滿。

聽慘情歌 宣洩鬱結

關心妍認為歌手本身已經做緊音樂治療,形容自己初出道時的歌都是悲情失戀歌,如《負擔不起》、《你有心》、《放生》和《手下敗將》,均適合治療傷痛:「千祈唔好以為痛苦時,聽一啲開心歌就會即刻好番。相反,當你好痛苦好傷心時,要將情緒唱出嚟,喊出嚟,聽歌可以幫你紓緩同發洩情緒,釋放完情緒,就可以搵一啲具鼓勵性嘅歌。」

傷心要讓自己喊,開心要讓自己開心,她遇到不如意事,亦絕不會忍,會盡情喊:「壓力就好似身體嘅毒素,積埋係垃圾,一定要將情緒攞出嚟,唔好儲。」

關心妍指現今科技發達,卻拉遠了人與人之間的距離。

關心妍指現今科技發達,卻拉遠了人與人之間的距離。

兩公婆教育女兒,自有一套。

兩公婆教育女兒,自有一套。

關心妍幫助患過度活躍或自閉症的小朋友,不遺餘力。

關心妍幫助患過度活躍或自閉症的小朋友,不遺餘力。

關心妍曾帶囡囡賣旗。

關心妍曾帶囡囡賣旗。

之前舉行籌款晚會,鄧萃雯(左一)、苟芸慧和陸漢洋出席支持。

之前舉行籌款晚會,鄧萃雯(左一)、苟芸慧和陸漢洋出席支持。

現時關心妍教唱歌賺錢,維持基金營運開支。

現時關心妍教唱歌賺錢,維持基金營運開支。

關心妍計劃報讀大學課程,成為正式的音樂治療師。

關心妍計劃報讀大學課程,成為正式的音樂治療師。

2019年1月12日 東方日報 關心妍助問題兒童跑數教唱歌h

http://orientaldaily.on.cc/cnt/entertainment/20190112/00282_040.html?fbclid=IwAR3qEN0646zTu-L0p-XKeBYbHBgn8nKNog5HA0jcjkC-oDV4BBS1QYhpaHw

2018年12月4日 On.cc東網 忙到爆!關心妍聖誕冇得帶女外遊

歌手關心妍(Jade)悉心打扮出席籌款晚會,她指近日工作非常忙碌包括處理其基金事務、教唱歌和照顧囡囡,分身不暇,她說:「依家出嚟event就同老公拍拖過二人世界。(老公有冇詐型?)冇,因為佢都好忙,亦幫我個基金做好多嘢,加上年尾有好多活動,所以更加忙。」

談到工作如此忙碌,聖誕節亦不能與家人出遊休息,Jade説:「聖誕節就一定走唔開,所以帶囡囡去主題公園補數,帶佢去鍾意嘅地方。(咁忙邊到有機會造人?)我依家做人都咁忙,仲要造多個人仔搞唔掂,短期內都未有計劃。」

關心妍忙到爆!

關心妍忙到爆!

今次出嚟同老公拍拖。

今次出嚟同老公拍拖。

關心妍未有追B計劃。

關心妍未有追B計劃。

https://hk.on.cc/hk/bkn/cnt/entertainment/20181204/bkn-20181204220054524-1204_00862_001.html

2018年12月3日 明周娛樂 內地歌迷舉牌支持 關心妍唱16年前出道作

2018年12月3日 明周娛樂 內地歌迷舉牌支持 關心妍唱16年前出道作a

關心妍Jade近年減少了幕前工作,專心湊寶貝女心心外,亦兼顧「妍亮生命慈善基金」音樂治療學校的音樂老師,幫助有情緒問題的弱勢社羣。
隨着女兒慢慢長大,Jade亦開始慢慢復工。

2018年12月3日 明周娛樂 內地歌迷舉牌支持 關心妍唱16年前出道作b

出道時憑一首《負擔不起》橫掃新人獎的Jade,最近就被邀出席內地音樂節目《粵語好聲音2018》擔任評判,身體力行支持廣東歌,大會特別希望她唱出《負擔不起》和《放生》。

2018年12月3日 明周娛樂 內地歌迷舉牌支持 關心妍唱16年前出道作d

沒有到內地工作已有一段時間的她,估不到錄影當日來了三十多位歌迷入場舉牌支持,更全場大合唱Jade的出道作,Jade說︰「其實這個節目六年前已找我,但當時檔期未配合到,之後又懷孕生BB,今次終於應邀出席,《負擔不起》是○二年出道的歌曲,已經十六年了,大家仲記得,見到一班內地歌迷好驚喜。」節目於上周六播出,歌迷紛紛留言問Jade何時再開騷?她說︰「開騷就要好好籌備,新歌應該明年會有。」

2018年12月3日 明周娛樂 內地歌迷舉牌支持 關心妍唱16年前出道作c

https://bka.mpweekly.com/focus/20181203-139821

2018年11月29日 關心妍做歌手冇癮 心血灌注音樂治療學校

歌手關心妍(Jade)近年減少幕前工作,忙於湊寶貝女心心外,大部分時間同心血都放咗喺「妍亮生命慈善基金」嘅音樂治療學校度,以佢最擅長嘅音樂幫助有情緒問題嘅弱勢社群,相當有意義。

不過日前佢就去咗內地亮相「粵語好聲音2018」節目,同成6年冇見嘅內地粉絲「久別重逢」,Jade接受訪問時話:「呢個節目喺6年前開始邀請我,因為嗰時一路都冇機會去,之後又有咗bb又生bb,咁個節目依家都改埋名,但仍然好有誠意請我去做評審,所以我都特登抽時間去同見過我啲歌迷,唱咗兩首歌,都好開心啲歌迷咁耐冇見,但佢哋依然好熱情,好錫我,氣氛好好,好好玩。」

問會唔會令佢歌癮大發,她就話冇,因為喺香港會擺埋啲心血喺間慈善音樂學院度,新歌相信最快都要等到明年,不過呢次可以用歌手身份亮相節目,可以畀佢抽離「妍亮生命慈善基金」主席身份,感覺好輕鬆。

百足咁多爪!

百足咁多爪!

關心妍早前出席內地節目「粵語好聲音2018」。

關心妍早前出席內地節目「粵語好聲音2018」。

獲邀做評審。

獲邀做評審。

原來主辦單位已經邀咗佢6年!

原來主辦單位已經邀咗佢6年!

關心妍仲係「妍亮生命慈善基金」主席。

關心妍仲係「妍亮生命慈善基金」主席。

仲湊寶貝女心心~

仲湊寶貝女心心~

忙到好充實!

忙到好充實!

https://hk.on.cc/hk/bkn/cnt/entertainment/20181129/bkn-20181129074546548-1129_00862_001.html?eventsection=hk_entertainment&eventid=402882b04e2f3043014e43eb9c2179e6

2018年11月19日 On.cc東網 【全場集郵】關心妍去慈善活動比佢搶鏡!

歌手關心妍(Jade)日前出席假山頂舉行的慈善步行籌款活動,其同行的愛犬Butter更成為全場「集郵」目標!Jade直言今次擔任慈善大使,全因該機構負責人有誠意又有心:「其實佢哋搵咗我做大使10年,今年再聯絡我,話受我嘅『研亮生命慈善基金』所感動,所以機構將籌得嘅一半善款,撥捐畀我個基金幫助啲弱勢社群嘅小朋友,其實我嘅音樂治療學校每年營運費起碼100萬,明年我仲想搞個零至六歲嘅兒童音樂教材,真係好需要錢。」

期待囡囡拆禮物

問她為何沒帶囡囡同行?Jade就話因為囡囡年紀太細,不過每周她和老公都會帶囡囡到戶外遊樂場「放電」:「我老公好好,佢會搵埋全港遊樂場嘅資料,每次去新嘅遊戲場玩,佢好鍾意玩瀡滑梯同韆鞦。」至於聖誕節,她一家會留港,打算同囡囡一齊布置家居,又說:「佢識得拆禮物,我都好期待佢拆禮物嘅開心樣。」

關心妍到底畀邊個搶鏡?

關心妍到底畀邊個搶鏡?

原來係佢隻愛犬Butter!

原來係佢隻愛犬Butter!

關心妍(左)好有善心!

關心妍(左)好有善心!

大合照!

大合照!

https://hk.on.cc/hk/bkn/cnt/entertainment/20181119/bkn-20181119212522163-1119_00862_001.html

2018年11月19日 成報 關心妍出書為慈善 黎瑞恩行山親女樂

關心妍昨日以大使身分出席慈善步行活動,她表示:「所籌得款項的一半將撥捐自己成立的慈善基金,基金每年需要一百萬去營運,我一直以教唱歌及商演籌集經費,多得各方支持,減省要支付昂貴租金的煩惱,可以專注籌集醫療費用幫助別人。我會運用善款去製作音樂教材,當中有圖書及影片,寄望趕及明年書展推出,並有計劃將教材送給一些特殊學校,而主要針對零至六歲兒童,希望培養好他們的根基,有良好品格及抗逆能力。我一直培養兩歲半女兒,她除了有良好品格、亦要有個人的價值觀。」

吃喝玩樂體重上升

黎瑞恩(小恩子)昨日特來支持慈善步行,她表示:「女兒在外國讀書,她回港時,我們會結伴去行山,平日吃完飯,她會拉着我去散步,一行就是兩小時,我只趁她在外國讀書時才可以偷懶。之前和同事及朋友去了泰國及台灣旅行,因不停吃喝玩樂,胖了不少,開演唱會時做運動的成效已消失無蹤。」

<文>陸曼美

關心妍以大使身分出席慈善步行活動

關心妍以大使身分出席慈善步行活動

http://www.singpao.com.hk/index.php?fi=news4&id=88233

2018年11月18日 頭條日報 {即時娛樂) 籌款製作音樂教材 關心妍盼助兒童培養品格

關心妍(Jade)、黎瑞恩(小恩子)出席慈善步行活動,Jade透露今次活動籌得善款會撥捐一半給她所成立的妍亮生命慈善基金,她坦言是在水深火熱下助她一把, 因為基金每年需要一百萬去運作,而她亦透過教唱歌及出席商演去籌集經費,很感恩得到不少有心人幫助,令她不用煩惱租金問題,可專注於籌集醫療費用。

Jade計劃將善款用來製作音樂教材包括圖書及影片等,希望在明年書展推出,更會把教材送予特殊學校。她說:「教材是針對零至六歲兒童為主,因為我發覺三歲定八十,如果培養他們有好的品格,才會有良好抗逆能力 。」Jade的寶貝女已經兩歲半,也開始培養女兒的性格,她謂:「我發覺不可以教得太遲,培養良好品格及價值觀 ,以及對人處事方法。」

小恩子笑指女兒在港時會督促她行山:「每次吃完飯就會拉我去行兩小時,她不在身邊時我就可以偷懶。」她又直言早前跟同事及朋友去泰國及台灣旅行,吃了不少當地美食也胖了不少,令身形反彈。

關心妍希望培養兒童有好品格。

關心妍希望培養兒童有好品格。

2018年11月18日 頭條日報 {即時娛樂) 籌款製作音樂教材 關心妍盼助兒童培養品格b

2018年11月18日 頭條日報 {即時娛樂) 籌款製作音樂教材 關心妍盼助兒童培養品格c

2018年11月18日 頭條日報 {即時娛樂) 籌款製作音樂教材 關心妍盼助兒童培養品格d

http://hd.stheadline.com/life/ent/realtime/1367190/

2018年10月31日 明周娛樂 【明周50】 鮑起靜懷念紗廠往事 關心妍裙褂留給女兒

2018年10月31日 明周娛樂 明周50 鮑起靜懷念紗廠往事 關心妍裙褂留給女兒a

今年是《明周》50周年,其中一個大型慶祝活動,是與一九五四年落成、再於一四年宣布活化的「南豐紗廠」(The Mills)合辦「《呢個Moment》香港經典品牌珍藏展」,當中經典品牌包括「冠南華」和「駱駝牌」,珍藏展於10月31日至11月18日舉行,把紗廠局部開放,歡迎大家前來參觀;本周二,展覽酒會邀請得鮑起靜、關心妍和鄧達智等出席支持。

2018年10月31日 明周娛樂 明周50 鮑起靜懷念紗廠往事 關心妍裙褂留給女兒b

鮑姐到場馬上就行了一圈,還憶起不少往事,她說︰「好開心,感覺好懷舊,紗廠可以活化成這樣真的很好,自己對於紗廠好有感情,記得在訓練班的時候,曾到紗廠體驗生活三個月,今日來到非常有親切感。」

2018年10月31日 明周娛樂 明周50 鮑起靜懷念紗廠往事 關心妍裙褂留給女兒c

而Jade和老公楊長智一起來到,看到《明周》的創刊號,Jade十分好奇,她說︰「一本擁有五十年歷史的香港雜誌真的不簡單。」展覽把五十年《明周》的封面印在布匹上,然後掛在空中展出,由訂婚、結婚和生BB都登上封面的Jade,很仔細地找回自己的封面,「太多了,好難找呀。」看到「冠南華」的裙褂展覽,Jade馬上想起自己結婚時都是穿上「冠南華」,她說︰「好像是一龍一鳳,又銀線又金線和鑲石,穿上似盔甲,好像是愈多線愈名貴,媽媽話要做一件貴的,要落重本將來留給女兒,估不到真的可以留給女兒了,但希望心心將來似我結婚時咁瘦啦,其實一件裙褂,真的好值得珍藏。」

https://bka.mpweekly.com/focus/local/20181031-136413

2018年10月24日 明周娛樂 【結婚9周年還在熱戀中】關心妍送囡囡返學當慶祝

2018年10月25日 明周娛樂 結婚9周年還在熱戀中 關心妍送囡囡返學當慶祝a

今個月是關心妍Jade和老公楊長智結婚九周年,Jade一早就在Ig post與老公頭貼頭合照放閃,當然唔少得可愛囡囡楊榮心,Jade寫道:「我們還有說不盡的話題,因為我們還在熱戀中,感謝你!愛你!」吳雨霏、欣宜等好友都留言祝福。

2018年10月25日 明周娛樂 結婚9周年還在熱戀中 關心妍送囡囡返學當慶祝b

而楊長智就post出,○九年兩人在峇里的婚紗照,Jade接受電話訪問說︰「每年都唔少得跟蔡一智夫婦一起慶祝,因為他們是媒人,是他們介紹我們認識,同老公慶祝就好簡單,今日一齊送囡囡返學已經當慶祝了,前幾日和心心造了兩個蛋糕送給他!」

2018年10月25日 明周娛樂 結婚9周年還在熱戀中 關心妍送囡囡返學當慶祝c

圖片來源:關心妍@Instagram

https://bka.mpweekly.com/focus/20181024-135667

2018年10月24日 蘋果日報(即時娛樂) 【生定唔生你話事】結婚9周年 關心妍預告冇時間再造人

39歲關心妍(Jade)前年由「關家姐」變為「關人母」,為老公楊長智(Jonas)生咗個得意囡囡楊榮心,今日係Jade同老公結婚九周年——即陶婚,佢一早就喺Ig上載同老公頭貼頭合照放閃,多謝老公愛錫佢,Jade除咗加咗兩個心心喺張相,又寫道:「我們還有說不盡的話題,因為我們還在熱戀中,感謝你!愛你!」

Jade接受《蘋果》訪問話:「今年唔會有乜嘢特別慶祝,都係同朋友食吓飯,希望下個月有機會同老公出走幾日,過吓二人世界。」

問老公送咗乜嘢結婚周年禮物呢?Jade話禮物係佢一直想要嘅耳機:「我同老公講,唔使搞乜嘢花巧嘢,如果送禮物俾我,就買啲實用啲,所以提議買耳機,因為教唱歌同演出我都用得著。」佢就同囡囡合作整咗兩個蛋糕,送俾老公:「一個係囡囡心心話送俾我同老公嘅,另一個就係我送俾老公嘅。」

Jade當年結婚話要生夠兩個,問佢今年會唔會努力追多個?佢就話依家太忙,囡囡又啱啱返學,加上佢又要忙慈善基金嘅嘢,所以要追都過多兩年先!

今日係關心妍同老公結婚九周年。

今日係關心妍同老公結婚九周年。

關心妍預告最快要兩年後先「造」人。

關心妍預告最快要兩年後先「造」人。

囡囡同佢一齊整蛋糕。

囡囡同佢一齊整蛋糕。

老公送耳機作為結婚9周年禮物。

老公送耳機作為結婚9周年禮物。

https://hk.entertainment.appledaily.com/enews/realtime/article/20181024/58829309