歌手關心妍出席Moiselle時裝騷，她表示女兒一日未上學前班，她也不想工作：「囡囡依家一歲兩個月，我出嚟之前都要安排好晒佢食飯同沖涼，佢八、九點瞓覺，我先開始自己嘅夜生活。依家一、三、五陪囡囡上Playgroup，一齊學三文兩語，我都幾Enjoy，而且可以見到佢個性格。（囡囡同其他小朋友相處成點？）佢未係好識同其他BB溝通。不過老師好鍚佢，囡囡又識飛吻同好識電人，啲人都好鍾意佢，又問我點解囡囡咁多頭髮，以為我畀啲生髮水佢搽。不過我懷孕嘅時候食好多菠菜，所以佢好大力同多頭髮，佢大力到可以拉咕????個扣，佢好鍾意做嘢，我培養吓佢做家務，佢真係好似大力水手咁食咗大力菜。」
提到民網大讚其女兒是小美人，關心妍稱不要這樣讚她，又指老公對女兒很嚴格，免她養成公主病，她說：「佢好擔心個女，見到有男仔BB想掂個女，就話要望住，我估個女將來都要讀女校。」
個女似大力水手，係真唔係呀？
關心妍同老公孖住出席活動！
佢話囡囡一日未上學前班，都唔會復工！
大讚囡囡孔武有力！
視個女如珠如寶。（資料圖片）
關心妍受訪時就話唔想接太多工作，現時同囡囡生活好開心，一齊上playgroup，又可以見到佢啲蝦碌嘢咁。關心妍又話陀B時食好多菠菜，令囡囡o依家好大力，成日拉郁啲咕o臣，屋企啲家私要小心釘實。有網民讚阿女係小美人，關心妍話：「唔好讚佢呀，爸爸對佢好嚴，好驚佢有公主病。」
關心妍話唔想太寵囡囡，驚佢有公主 病。
關心妍（Jade）噚晚到九展為葉家寶有份主辦嘅歌唱比賽擔任評判，講到囡囡楊榮心o依家一歲幾，正讀緊playgroup，佢話：「心心出年要讀學前班，朋友提我先知要9月報名，所以我一定唔會係怪獸家長，只會係懵盛盛家長。」問到有咩心水學校？Jade就話：「想搵間近屋企，冇諗要搵國際學校，最好近到返學行路返去就得，附近有女校同埋有一條龍升學嘅學校，自己唔太擔心。」
Jade又話覺得小朋友學習品德比學業成績最重要：「o依家佢識Thank You，數字1至10佢遲早會識。」現正學行路嘅心心，原來已經識講嘢，但就淨係識叫爸爸：「對住我叫爸爸，我教佢叫媽媽，佢都係叫爸爸，冇辦法，仲未識叫。」
講到同Neway嘅合約，Jade坦言因為要照顧心心，已經再三延長：「仲有兩年幾，其實同Neway嘅關係一直都好好，已經唔係合唔合約。」另外，搞手之一嘅葉家寶就話今次比賽嘅勝出者，將會10月去緬甸參加決賽，屆時會同多個國家嘅選手一齊爭冠。
關心妍話囡囡已經返playgroup，明年返學前班。
佢仲話為咗湊女，份合約已經再三延長。
葉家寶離開亞視後，多方面發展，噚晚搞歌唱比賽。
關心妍為《i-Sing我星我唱2017》大中華香港區總決賽擔任評委，提到女兒楊榮心（Jovia）剛過1歲生日，關心妍笑言自己是「懵盛盛」家長，要朋友提醒才知道今年就要為女兒報明年的學前班，但她一點都不擔心，指自己居住的港島區校網很好，希望揀近屋企附近的學校，最好可以步行上學。
問到可會再生？她說：「不知道，公司對我好好，合約一直在延期，大家關係好好，現在首要是醫好對手，因為抱囡囡抱到手痛。但她現在還未識叫媽媽，只懂叫爸爸。」
關心妍(中)稱抱囡囡抱到手痛，現時首要任務是醫好對手。
歌手關心妍（Jade）出席歌唱比賽活動，問到愛女楊榮心（心心）是否已上學？Jade說：「未，只係返Playgroup。」隨即自封是「懵盛盛」家長，Jade說：「朋友話我知心心今年9月要報學前班，我真係唔知，所以唔會係怪獸家長。（讀名校？）唔使，近屋企就得喇，最好可以行返學。」Jade否認住半山，被問到是否搬到山頂？她說：「香港區啦，附近有女校同埋有一條龍升學嘅學校，自己唔太擔心，等上帝安排。」
Jade表示沒有逼女兒睇圖書及背數字，她說：「反而日日帶佢去玩，教佢禮貌同叫人，品德緊要，依家佢識Thank You，數字1至10佢遲早會識。」由於心心是Jade的心肝寶貝，身為人母的她自爆日夜抱女搞到整傷手，Jade說：「成日抱搞到扭親兩邊手，去睇醫生按到隻手瘀晒。」隨即打爛醋埕表示愛女只懂叫爸爸，Jade說：「對住我叫爸爸，我教佢叫媽媽，佢都係叫爸爸，冇辦法，仲未識叫。」
加盟Neway不久即大肚的Jade坦言與公司合約一而再、再而三延期，她說：「仲有兩年幾，其實同Neway嘅關係一直都好好，已經唔係合唔合約。」另外，同場的葉家寶講解是次唱歌比賽詳情，透露18個參賽者有12位唱英文歌，奪冠者將代表香港出席10月於緬甸舉行的世界賽。
Jade唔太擔心囡囡就學問題，表示等上帝安排。
囡囡現只懂叫爸爸令Jade醋意大發。
Jade拒做怪獸家長。
愛女如命嘅Jade湊女時扭傷手。
葉家寶
關心妍（Jade）早前為慶祝自己38歲和囡囡楊榮心（Jovia）的一歲生日，與老公楊長智及老爺奶奶齊到沖繩旅遊。Jade原以為囡囡第一次去旅行好開心，但始終年紀太細，坐太耐會不耐煩，搭飛機回港時，她更幾乎全程都抱着囡囡，安撫她。
網上圖片
Jade兩年前去過沖繩參加朋友婚禮，覺得當地風景優美，又可以食日本菜，所以今次就一家人一齊去。囡囡Jovia第一次去旅行，最初都覺得幾新鮮，見到花花草草又開心。
女兒第一次去旅行，關心妍表示她見到花草好開心。
由於是自駕遊，老公負責駕車，她就負責照顧囡囡，但每次上車她均感壓力大：「因為由一個地方去另一個地方，車程最少都要40分鐘，我要湊住個女，令佢坐定定，所以帶定好多嘢畀佢。」雖然有傭人姐姐同行，但Jade表示囡囡太黐她，有沒有姐姐同行分別不大。
兩公婆分工合作湊囡囡去旅行，今次是個很好的經驗。
關心妍與老公楊長智和女兒Jovia一齊在酒店泳池游水。
當地陽光太猛烈，最初他們都有帶囡囡去海灘玩沙同踢水，但最後都決定留在Villa：「帶囡囡周圍行吓，同喺泳池游水，好在嗰度有啲好大嘅Mall，有時日頭行完商場，夜晚先Outdoor活動吓。」
由於天氣太熱，關心妍日頭鍾意帶女兒行商場。
關心妍帶女兒行Sanrio，兩個都好Enjoy。
Jade透露最辛苦是回程搭飛機時，她憶述：「可能我Miss咗佢瞓晏覺嘅時間，上機無耐佢已經唔肯坐定，所以我成程都要陪佢行嚟行去，或者抱住佢企喺度，所以落機時有啲暈暈哋。」雖然今次有辛苦，但有個美好回憶都是值得的，下次要等Jovia再大點、學識坐定先再去旅行。
雖然有帶傭人姐姐同行，但關心妍凡事都親力親為。
搭飛機去沖繩時，女兒好乖肯坐定定，但回程就比較辛苦。
關心妍（Jade）早前為慶祝自己38歲和女兒楊榮心(Jovia)的1歲生日，與老公楊長智及老爺奶奶到沖繩旅遊。一家人享受陽光與海灘，又歎沖繩料理。原本女兒第一次去旅行好開心，但始終年紀太細，Jade表示坐車去景點時，女兒坐得太耐會唔耐煩，搭回程機返港時她最辛苦，為安撫女兒，她幾乎抱女兒企足兩個半鐘，她坦言落機時有少少暈暈哋的感覺，所以下次要等Jovia再大啲、學識坐定先再去。
Jade兩年前去沖繩參加朋友婚禮時，覺得當地風景優美，又可以食日本菜，所以今次成家人一齊去。女兒Jovia第一次去旅行，最初都覺得幾新鮮，見到啲花花草草又開心。由於是自駕遊，老公負責駕車，她就負責照顧女兒，但每次上車她均感壓力大，「因為由一個地方去另一個地方，車程最少都要40分鐘，我要湊住個女，令佢坐定定，所以帶定好多嘢畀佢。」雖然有傭人姐姐同行，但Jade表示女兒太黐她，有冇帶姐姐都分別不大。
由於當地陽光太猛烈，最初他們都有帶女兒去海灘玩沙同踢水，但之後決定留在Villa，「帶囡囡周圍行吓，同喺泳池游水，好在嗰度有啲好大嘅Mall，有時日頭行完商場，夜晚先Outdoor活動吓。」而最辛苦都係回程搭飛機時，她憶述：「可能我Miss咗佢瞓晏覺嘅時間，上機冇耐佢已經唔肯坐定，所以我成程都要陪佢行嚟行去，或者抱住佢企喺度，所以落機時有啲暈暈哋。」雖然今次辛苦啲，但有個美好回憶都是值得的。
撰文：李佩儀
兩公婆分工合作湊囡囡去旅行，今次是個很好的經驗。
關心妍與老公楊長智和女兒Jovia一齊在酒店泳池游水。
女兒第一次去旅行，關心妍表示她見到花草好開心。
由於天氣太熱，關心妍日頭鍾意帶女兒行商場。
搭飛機去沖繩時，女兒好乖肯坐定定。
關心妍帶女兒行Sanrio，兩個都好Enjoy。
雖然有帶傭人姐姐同行，但關心妍凡事都親力親為。
【星島日報報道】關心妍(Jade)前日生日，老公楊長智為她舉行生日會，除了帶同囡囡一家三口慶祝外，還有圈中好友許廷鏗、鄭欣宜、胡鴻鈞及陳慧敏等出席，壽星女和許廷鏗都有在社交網站分享生日會照片。
壽星女Jade一身粉藍色通花裙少女Look，期間忍不住和老公咀嘴，場面溫馨。不過講到最搶鏡就一定是Jade剛剛1歲的可愛囡囡，對鏡頭絕不怕醜，似乎有媽媽的遺傳，在Jade分享的短片中，她抱起囡囡教她向鏡頭揮手，囡囡好聰明跟 揮手又飛吻。
文：娛樂組
關心妍生日，獲老公安排派對慶祝。
關心妍早前才和老公楊長智飛去沖繩慶祝囡囡楊榮心1歲生日，前日就輪到佢38歲生日，一家三口留喺香港慶祝，仲約埋大班親朋一齊食飯。開完生日會後，大家輪流貼相上社交網站開心share，睇到現場有啲英文字母氣球做佈置，生日蛋糕最少兩個，人少少，但好熱鬧。
女主角關心妍着住一條粉藍色通花連身裙，仲好青春吓，楊長智好識做，有攬住老婆仲錫錫祝賀，見到都sweet。而場內另一焦點人物，當然係1歲大嘅心心，佢唔多怕陌生，輪流同啲哥哥姐姐影相仲勁好笑容，關心妍仲抱住個女拍咗條短片，心心聽媽咪指示向鏡頭揮手，又派飛吻，萌度爆燈。
歌手關心妍（Jade）同囡囡楊榮心嘅生日好接近，早前先一家三口飛咗去日本沖繩慶祝囡囡一歲生日，盡興而回之後，尋日就輪到Jade 38歲正日生日，獲一班好友為佢舉行生日派對慶祝，當中包括歌手鄭欣宜、許廷鏗、胡鴻鈞、陳慧敏等，非常熱鬧。
現場布置咗多個彩色氣球，加上壽星女Jade着上淺藍色裙，感覺非常青春，網民大讚佢凍齡唔識老之餘，望落仲後生咗！關心妍肉緊抱住囡囡，仲齊齊向鏡頭送上飛吻，難任俘虜一眾網民嘅心！Jade同老公楊長智結婚以嚟恩愛非常，向來係愛妻號嘅楊長智向Jade送上「肉嘴」冧老婆，仲有兩個大蛋糕，相信Jade今年嘅生日必定好難忘！
生日真難忘！
左起：胡鴻鈞、欣宜、楊榮心、陳慧敏、關心妍
睇嚟都好大班人賀Jade（左二）生日啵。
欣宜（左）都忍唔住要錫錫榮心。
有老公攬到實，呢個生日夠完美。
仲有老公送肉嘴，So Sweet～～
囡囡榮心就黐實媽咪。
兩母囡對望，真係心都融化。
送飛吻！
