關心妍（Jade）於上周六誕下囡囡楊榮心（Jovia），今日由老公楊長智（Jonas）陪同出院。Jade被問到老公有沒有獎勵她？她表示囡囡已是最好的禮物，她不擔心囡囡會搶走老公的注意力，反而老公有投訴她只顧照顧女兒。問到會不會再追？她說順其自然，如果幸運地再有會很感恩。
Jade和老公手拖手現身，囡囡則睡在提籃中，由Jonas拿着。問到Jonas剪臍帶時緊不緊張？他笑言OK，Jade即讚老公好叻好鎮定，之後Jonas先和囡囡上車，關心妍則留下接受訪問。
她透露如果囡囡比預產期早出世，就會順產，但她於預產期內出世就選擇開刀，笑言傷口仍然很痛，不過都很努力餵人奶，日後有需要都會在街餵人奶，但會盡量在家餵完才出街。
她透露這幾天都由兩夫妻照顧囡囡，笑謂要好好學習，又說囡囡一出生就很多頭髮，像馬騮仔一樣。至於工作方面，Jade稱現在休息中，工作遲點再說，現在BB最重要。
老公陪同關心妍出院
Jonas先和囡囡上車
關心妍與老公及囡囡坐車離開。
【on.cc東網專訊】 結婚7年的歌手關心妍（Jade）終於在上周六（7月23日）在社交網站宣布剖腹誕下B女楊榮心（Jovia），並上載一張愛女腳仔相，休息多日的Jade在老公楊長智陪同下出院，穿上白色衫、黑長褲襯涼鞋的Jade拖實老公，而老公右手抽住睡在藤籃中的Jovia，一家三合大方企定定合照，細心的楊長智先與愛女上車，留待老婆獨自面對傳媒，出世不足一周的Jovia明顯勁多頭髮。
本來想順產
Jade受訪時透露傷口仍有點痛，她說：「少少痛，依家仲食緊止痛藥，原本諗住自己生，不過預產期到都未有穿羊水，所以先開刀。」Jade坦言每日瞓得少，她說：「因為全程餵母乳，所以隔兩、三個鐘頭就要餵。（有人奶？）之前好乖去咗上堂，會做功課按摩吓。（叫老公按摩？）唔得㗎。」隨即表示飲了不少谷奶湯，她說：「醫生都話進展良好，兩、三日就上到奶。（係咪餵到冇奶出？）未決定，遲啲先算，會一路試，因為唔簡單。（出街依然餵人奶？）會喺屋企餵完先出去，又或者用冰袋帶啲出去，如果有需要都會去商場餵人奶地方餵。」
BB係大禮好感恩
Jade表示最愛囡囡有兩個酒粒，她說：「真係好得意，頭髮好長，成隻馬騮仔咁，返到屋企會幫佢剪吓的水。（會唔會幫佢剷光頭？）諗緊，驚剷完唔生到時佢追瘦我。」問到老公有否送禮？Jade說：「冇，BB已經係好大份嘅禮物，最緊要健康，原本尋日出院，但因為佢太黃可能要照燈，不過尋日食足全日人奶就冇事。」問到是否識幫BB沖涼？Jade說：「返去先算，我哋兩公婆都OK，亦有陪月，但我唔想假手於人。（追多個？）啱啱先生完，都等咗七年，已經好感恩，再有當然好啦。」
停工照顧BB
Jade踢爆老公詐型，她說：「我尋日同佢講，好開心可以廿四小時陪住BB，點知老公就話妳冇試過咁樣同我講，終於明白做人父母嘅感動。」問到是否因為休息而停工？Jade承認說：「整年唔做嘢住。（妳同Neway合約好似快完？）做嘢遲啲再算啦。」
關心妍今日與BB出院喇！
老公楊長智全程拖實老婆，又負責攞BB籃。
關心妍話本來係尋日出院，但因為BB有黃所以推遲今日出。
榮升爸爸的楊長智笑得好開心。
一家三口，幾時變一家四口呀？
睇佢哋嘅笑容都感受到幸福。
BB瞓得好甜。
睇相都見到佢好多頭髮呀！
心妍話飲咗好多谷奶湯水，等BB有充足糧食。
原來爸爸都有兩個酒粒，唔通囡囡係遺傳爸爸嘅？
【on.cc東網專訊】 歌手關心妍（Jade）日前剖腹誕下愛女楊榮心，身在醫院休息的她接受電台電話訪問，她說：「依家傷口都仲有少少痛，不過都忍到，一照顧BB就忘記咗痛。」Jade表示生女過程非常難忘，她說：「之前問咗好多朋友，生嘅時候一切平安，麻醉師同醫生好好，半小時就搞掂。」半身麻醉的Jade坦言初時有少少驚，隨即大讚陪入產房的老公楊長智異常冷靜，又表示愛女頭髮超多，兼集合父母的優點，Jade說：「佢遺傳老公嘅酒粒，我嘅尖面同咀，佢真係好識搵到最好。」電台亦率先首播Jade送給女女的新歌《Smile》，Jade說：「多謝吳業坤咁忙都幫我作歌，我係喺陀佗六個月時錄音。」
等咗7年先播到種，關心妍生b之前已經做足功課，學定點增奶，確保囡囡出世唔怕餓親，因為媽媽是有練過的。
其實都唔做咁擔心，阿Jade喺大肚前，上圍已經唔錯，使乜驚。
辛苦都堅持餵人奶，好多星媽都係咁做。
官恩娜餵人奶受盡白眼，俾人投訴兼侮辱，不過為咗囝囝可以肥肥白易，少少流言蜚語算得係咩。
梁詠琪生咗Sofia寧願唔修身，都堅持餵人奶，如果出埠做嘢，就揼晒先走。
岑潔儀亦試過喺茶樓餵奶，俾女茶客歧視，大家都係女人，相煎何太急呢？
關心妍（Jade）日前誕下小公主楊榮心（Jovia），Jade剖腹生女，初為人母的Jade弄女為樂，給B女母乳餵哺。
原來Jade在懷孕7個月時，邀請吳業坤及Cousin為兩母女寫了一首歌，坤哥感謝Jade對他的信任，他在Instagram寫道：「願她聽著這首《Smile》每天快樂地喝奶，然後每晚安心地睡覺，再起身喝奶再吃粥仔再上幼稚園再上小學再上中學再上大學然後做她想做的事。」
而Jade亦表示：「我諗應該係我咁多年嚟最開心同最冧嘅歌﹗希望大家都 #Smile﹗」
2016年7月26日 明報（即時娛樂）邀坤哥寫歌《Smile》送給寶貝女 關心妍：最冧嘅歌
恭喜關心妍（Jade）日前榮升為人母！Jade懷孕時為B女「榮心」健康 想已打算餵母乳，昨日她在訪問中親身分享餵初乳，大讚B女好乖識搵食，更想頒獎給老公Jonas，讚他在產房剪臍帶好勇敢。
Jade剛剛在周六誕下女兒楊榮心，她昨透露女兒中文名是跟族譜的「榮」字改，寓意「有榮耀神的心」，而英文名就想用回「J」字首的Jovia，代表開心、Joyful，時常都好喜樂，希望是一個喜樂的BB。初為人母的Jade也談到女兒的樣子：「好多謝大家祝福，好希望BB可以快些同大家見面，睇 大家覺得她似爹 還是媽咪，因為出世的時候似我多些，但過了1、2日之後，她現在又好似爹 ，都好多頭髮啦，好得意，我諗她是最快的BB要去剪頭髮，多謝大家祝福，希望BB身體健康啦！」Jade透露女兒出世時6.6磅，身長有48CM（約19吋），剖腹誕女的她表示過程順利，之後有少少痛都頂到，比想像中沒那麼痛。
一直想餵母乳的Jade亦堅持實行，她昨分享餵初乳讚女兒識搵食：「好多人都說初乳好緊要，自己問了好多朋友意見，都堅持餵全母乳，但因現在得好少初乳，所以1日餵的時間較頻密，1日餵10至12次，好好彩之前有去上堂，一埋手就已好OK，BB好乖好識得搵食，好易就大家配合到，所以暫時非常好，她都食到好多，好得意呀！餵母乳感覺好Amazing！」
老公好勇敢
談到老公Jonas陪入產房，Jade笑言初時以為老公這個「緊張大師」會好緊張：「入到去都驚他手忙腳亂，所以只拿了手機入去影相、拍Video，誰知他異常冷靜，我真要頒個獎給他，沒想過他好冷靜又可以剪埋臍帶，好勇敢咁樣，那一刻好感動，因我看 他剪臍帶，雖然我 度，那感覺是有少少想流淚，呢個Moment好Touching呀！」
關心妍愛女取名楊榮心。
Jade讚老公剪臍帶時異常冷靜。
Jade分享餵初乳讚女兒識搵食。
關心妍一家三口好幸福。
36歲的歌手關心妍（Jade）上周六誕下囡囡楊榮心（Jovia），她昨日公開一家三口的合照，大晒溫馨，又在社交網站甫囡囡的獨照，代囡囡向大家打招呼！雖然Jovia在相中未有張開眼睛，但其眼線修長，相信必定有一雙大眼睛。Jade透露囡囡出生時有6磅6，長48厘米，又指聽取朋友的意見後，決定會餵全母乳：「我依家得好少初乳，所以餵得比較頻密，一日10至12次，好彩我之前有去上堂，好快上手，BB又好乖，識搵食，大家好容易配合到。」
好快要剪髮
Jade表示要感謝大家的祝福，希望盡快能帶囡囡與大家見面，又笑指囡囡一出世時似自己，但過了兩日就似爸爸：「佢好多頭髮，我諗佢係最快要去剪頭髮嘅BB！」而剖腹產女的Jade獲老公楊長智陪入產房，她笑謂要頒獎給表現冷靜的老公：「開頭以為佢會好緊張，點知佢好冷靜，仲好勇敢咁剪埋臍帶，嗰刻好感動，有小小想流淚，好touching！」
關心妍晒一家三口幸福照，B女初生就已經長了濃密黑髮。
36歲關心妍（Jade）前日為老公楊長智生咗小公主楊榮心（Jovia），初為人母嘅Jade為咗囡囡嘅健康堅持餵母乳，佢就話：「o依家因為好多人話初乳好緊要，我問咗好多人意見，堅持會餵全母乳，但開頭因為o依家好少初乳，餵嘅時候好頻密，要十至十二次，好在之前有上堂，埋手已經好ok，BB又好乖識搵食，好容易大家配合到，暫時呢個moment都非常之好，佢都食咗好多，餵母乳感覺好amazing。」
最後，Jade話好多謝大家祝福：「希望BB快啲同大家見面，佢出世時似我多啲，過一兩日後，佢o依家似daddy，好多頭髮好得意，我諗佢係最快嘅BB要剪頭髮。」
【星島日報報道】關心妍（Jade）前日（上周六）誕下女兒楊榮心Jovia，她直言希望囡囡是個喜樂BB。Jade笑稱囡囡出世時似她多一點，但只是一兩日時間，又似爹哋多點，「都好多頭髮啦，好得意，我想她是最快的BB要去剪頭髮，多謝大家祝福，希望BB身體健康啦！」
Jade透露女兒出世時6.6磅，身長有48CM（約19吋），剖腹產女的她表示過程順利，之後有少許痛都頂得住，還沒想像中那麼痛。她坦言初乳好緊要，但因現在得好少初乳，所以她一日餵的時間較頻密。她說：「一日餵十至十二次，好好彩之前有去上堂，一埋手就已好OK，BB好乖好識得搵食，好易就大家配合到。」她更形容餵母乳感覺好Amazing！
至於老公Jonas有陪入產房，Jade就大讚老公異常冷靜，更剪埋臍帶，好勇敢，感動到她眼濕想喊添！
Jovia超得意，果然是喜樂BB。
同老公結婚多年嘅關心妍，啱啱誕下6磅6囡囡，剖腹產女嘅佢，心情靚爆。佢話個傷口雖然仲有啲痛，但一望到個女，就乜都抵番晒啦。
佢話︰「BB個名叫楊榮心，我哋跟族譜的榮字改，想佢有榮躍神嘅心。英文名叫Jovia，代表開心……希望佢成日都好喜樂。」做父母嘅梗係想BB開開心心。
關心妍依家餵人奶，佢話BB好大食，好彩佢都夠奶水，一日要餵成十至十二次，唔係個個媽咪做得到。佢仲話會堅持餵落去，母愛真偉大。
佢大讚老公勇敢，拍攝生產個程時冇手震，仲親力剪臍帶，令佢感動到眼濕濕喎！又話個女剛出世時似佢，但望望吓又似老竇，佢形容生仔係人生美妙過程，樂做媽咪嘅佢，依家有女萬事足，應該有排都唔會復出。
