Category Archives: 心妍新聞
2014年11月15日 明周娛樂 演唱會製作費超支百萬 關心妍無啖好食
關心妍（Jade）早前隱姓埋名在網絡上推出「C-12」project，成功吸納了一班新歌迷，唱片公司乘勝追擊，於本月二十八日及二十九日假九龍灣國際展覽中心匯星Star hall舉行《關心妍說演唱會2014》，聞說製作費在不斷加碼的情況下超支，製作總額高達二百多萬，事事追求完美的Jade直認不諱說：「紅館無期，我九展騷當紅館做，盡量做到最好！」果然夠豪氣。
關心妍開出期票承諾演唱會將穿Deep V到肚臍的歌衫，經過三個月的操弗，上周Jade舉行搶票會時，先以低腰裝露出人魚線展示成果，早前她到演唱會服裝設計師的showroom度身和揀戰衣，預計演唱會將有五、 六套靚衫登場。
她說﹕「我其實很容易肥，之前唱《玉石樂隊》時，試過肥了二十磅，體重變成一百一十八磅，瘦了之後，一直很努力keep住，體重維持一百零一至三之間，開演唱會穿的衫要有噱頭，不可不fit，丁點多餘脂肪都不能，我的目標是九十七磅，多減三磅就能達標。」
一粒朱古力做獎勵
Jade為了靚可以去到很盡。「一星期跟教練健身三次，每日都會去跑步，舉啞鈴和自己做教練的workout，不可以偷懶，我已經三個月無吃過飯，每日都是吃麥包、雞蛋、烚肉和菜，做運動和排舞要有體力時，我會食蕉，到開騷前兩星期會開始食飯，因為做演唱會需要更大的氣力，在舞台上穿高跟鞋又唱又跳而不腳顫，是體力的表現，要練出來的。」
Jade無啖好食，老公楊長智甘願陪她捱苦。「他陪我一齊地獄式減肥，早前工人合約期滿返菲律賓，新工人未到，他跟我分擔家務，晚上和我一起吃簡單的沙律，宵夜時間他會躲在一邊吃不發香味的零食，免我嗅到味道會肚餓，他是個很細心的人，還怕我不夠營養會病倒，給我吃很多維他命，迫我多飲水，見到我忍得這樣辛苦，間中會給我一粒朱古力作獎勵。」
頸椎舊患復發
「C12」project的成功，開拓了Jade的歌路，為配合節奏強勁的音樂，跳舞是必然。「雖然我的演唱會都是以歌會友，今次以『說』做主題，是想用歌去說故事，選歌時我重新翻看歌詞，將不同的歌曲串連在一起，感覺好像在看劇本一樣，另一方面因為今次多了C12的新歌，所以就算我手腳不協調，跳舞不是我的專長，點都要交功課，為了演唱會我日日練舞七個小時，弄到周身骨痛，頸椎舊患都復發，要睇跌打，又要做物理治療，幸好現在情況已有改善，我亦覺得付出是值得的。」
Jade事事追求完美，在九展的演唱會製作費花上二百多萬，比起一般同類製作高出百多萬。「我們最初是想做紅館，但因為無期才改於九展開騷，雖然場地細了，但我們當紅館騷做，舞台以靚和大型為主，用花貫穿整個演唱會，有投射影像配合歌曲，十個舞蹈藝員和很強勁的live band班底，令Star Hall都有紅館feel，公司是很有心的，不惜工本都是希望盡量去做到最好，所以我的演唱會其實很抵睇，哈哈！」
Jade到設計師的showroom度身，並試穿了多款新裝，由於演唱會舞台以花為主題，故特別要求歌衫加入花的元素。
Jade說很明白觀眾對視覺的要求，故不會吝嗇大騷性感本錢。
Jade除了親自揀戰衣外，其唱片公司的同事多次與設計師開會，商討歌衫的款式。
2014年11月14日 經濟曰報 關心妍專訪 跳出 Comfort Zone
按圖可將圖片放大
2014年11月7日 頭條日報 練舞搞到周身傷 關心妍急按摩鬆一鬆
「人妻」關心妍（Jade）為照顧「餓過飢」兩年歌迷，將於本月28日及29日一連兩場在九龍灣國際展覽中心匯星Star hall舉行「關心妍說演唱會2014」，眼見演出日子逼近，Jade日日練舞7粒鐘惡補跳到氣都咳，周身骨痛，仲不慎弄傷頸椎舊患要睇跌打同物理治療。為了紓緩緊張情緒，日前Jade忍唔住去至愛按摩店享受一個泰式香油按摩加腳底按摩，忙中偷閒鬆一鬆骨，叉滿電的她猛話爽呀！
採訪：方騫平 攝影：李權威
場地提供：Zen＠銅鑼灣百德新街53號海德大廈4樓B室 電話：25010002
日前成個殘晒的關心妍急去老友間Zen按摩店做泰式香油按摩加腳底按摩，歎足個幾鐘埋單都係500幾蚊，對她來說真係抵到爛！最重要係效果顯著，一身鬆晒，她說：「我係一個骨精，但凡去到邊個地方旅行都會去做spa，所以對按摩好有要求，兼且都好受得力！我好鍾意呢度舒適環境，除夠晒私人外，連柔和燈光同香薰香味都好我，最重要係按摩師技巧好好，做得好貼手，好有水準。而且收費一都唔貴，呢排都勤上。」
唔怕老公搥邪骨
Jade自爆平日好少跟老公楊長智（Jonas）一齊去按摩，除了她，老公唔鍾意俾人掂身體！她笑說：「所以我百份百擔保老公唔會去搥邪骨，更何況去滾呢冇得驚，我對自己魅力好有信心，更加唔會管束佢，反而好鼓勵佢同朋友出街消遣，唔好咁快返阻住我睇電視！互相信任同埋有高度自由度，成為我倆夫妻相處心得！」
對於即將舉行的演唱會，她預言會帶畀歌迷驚喜，個唱中會用C-12身份性感、狂野演出，甚至安排有辣身舞，所以真係誠意之作，每個舞步都有血有汗，她說：「我真係後悔咁遲先至學舞，因為跳舞資質低，手腳唔協調跳得好吃力，但為了答謝歌迷辛苦少少都值得。」
※自認骨精的關心妍，按摩按上癮。
※關心妍好受得力，按頸扭身，無有怕。
※近排關心妍勤去呢間泰式按摩店，私隱度高，且女師傅手勢好。
※關心妍絕對信任丈夫楊長智。
※關心妍正為一連兩日的個唱苦練。
※兩年幾前，關心妍曾在紅館開個唱。
※跳舞跳到散晒，按完腳再按身。
2014年11月3日 頭條日報 關心妍 喜見操出「人魚綫」
關心妍(Jade)昨日出席商台活動，她透露為演唱會操練的「人魚綫」已有雛形，但最辛苦的莫過於排舞，加上天資有限，已因此看了兩次跌打，紓緩頸椎舊患。Jade又指現在開始穿高辳鞋練舞，最怕臨尾拗柴，影響演出，「因為我沒有42吋長腿，只得32吋，所以沒辦法不穿高辳鞋，因為這Part舞衣最性感，一定要拉長比例才好看。」
問到有否因專注練習而令老公詐型？Jade坦言感激老公體諒，完成個唱後亦會繼續造人大計，希望盡快有好消息。她又指自己有不少契女，故深明與小朋友相處之道，最重要是浮誇「哇哇聲」表達讚美，幫他們建立自信。
※關心妍正密鑼緊鼓為個唱排舞。
2014年10月24日 u magazine Life+Weekend
2014年10月26日 蘋果日報(即時娛樂) 與小方同獲「健康之星」Stephy去完紐西蘭馬甲線冇咗
陳杏妍疑因抑鬱而跳樓自殺，同為星二代嘅黃芷晴，今日同鄧麗欣（Stephy）、方力申、關心妍、黃美棋等出席《壹週刊》假屯門舉行「健康第壹大獎2014」頒獎典禮，獲頒「十大健康之星」大獎。
黃芷晴本身同陳杏妍並不相熟，不過都有留意有關新聞，未知對方係咪同星二代壓力有關，佢話:「初入行時都有壓力，不過唔係外面評論，而係自己對自己要求。」本身父母都係著名藝人，芷晴都承認父母喺佢入行初期都好關心佢嘅工作，幫佢安排工作，問到佢o依家父母開始放心畀佢自己處理未？佢話:「o依家佢哋問我時，我會叫佢哋自己睇新聞。」
剛奪得今年十大傑青嘅方力申，都係呢個頒獎禮嘅常客，今次係佢首次同女友Stephy一齊奪獎，佢想兩人畀大家一種身心形象健康嘅感覺。Stephy之前同好姊妹楊愛瑾一齊練馬甲線，點知佢剛剛去咗轉紐西蘭工作後，就食到苦練成績都冇晒，佢話：「我一向都畀人感覺好柔弱，要人照顧，都想操下畀人見到強嘅一面。」
為咗下月演唱會努力綵排嘅關心妍，經已減咗6磅，佢話:「都減得差唔多夠，o依家開始練歌，今次呢個成績係我食咗成個幾月麥包，連條脷都冇味覺。」佢坦言都辛苦老公陪佢冇得出街食飯，若果聖誕節冇工作，就會放假同老公去吃喝玩樂報答老公。 
2014年10月23日 頭條日報 備戰11月演唱會 關心妍冷落老公
人妻關心妍（Jade）將於11月28日及29日，假九龍灣國際展覽中心匯星Star hall舉行一連兩場「關心妍說演唱會2014」，為了以最佳狀態示人，Jade狠心將老公楊長智（Jonas）掟埋一邊，冇同佢慶祝拍拖同結婚周年紀念日：「家市道咁差，仲有人肯咁大投資開演唱會，好感恩，我梗係要落足心機去成就件事！」Jade大讚老公肯體諒無詐型，已係最大支持！採訪：方騫平 攝影：李權威 化妝：Cyrus lee 服裝：iBLUES
眼見演唱會逼近，關心妍開始斷食操fit法，其中一part她要以「C-12」的身份演出，大跳辣身舞，Jade說：「Star hall演出壓力冇咁大，當開一個開心party，而且呢個場聲音好靚，又可以同觀眾近距離接觸，感覺溫暖。」
眼見楊千嬅3年前11月同一場地開騷，當時秘密陀住兒子Torres，換上鬆身戰衣赤腳演出令人印象難忘，關心妍坦承：「踏上呢個福地都好想吸到千嬅（懷孕）靈氣，如果到時真係好似千嬅咁幸福有，相信係人都會戥我開心。」問到老公如何支持她開演唱會？Jade即說：「我日日練歌兼節食冇同佢食飯，呢排陪唔到佢，佢無詐型已係最大支持。」
※關心妍雖然忙備戰個唱，但佢話造人大計會同時進行喎。
※早前，關心妍化名「C-12」在網上發佈兩首新歌，獲高點擊率，之後在記者會，佢自揭真身。
※兩年前，關心妍紅館個唱好成功。 
※關心妍得丈夫默默支持。
※11年，楊千嬅陀B在九展開騷，關心妍望效法對方。
2014年10月22日 387期 FACE
2014年10月18曰 壹週刊
豪語錄
