Category Archives: 心妍新聞

關心妍最近與懲教署合作，推出名為「舞台Reborn」的短片，跟壁屋懲教所青少年在囚人士組成的樂隊一起演奏和合唱《另一個舞台》，由林夕和陳輝陽分別負責填詞及作曲，聯手打造一首甚具意義的歌曲，希望用音樂幫助在囚人士更生，為他們燃點希望。

Jade演出後，亦有留低繼續欣賞其他表演，片中見她在台下看到眼泛淚光。她讚揚樂隊可以在有限的練習時間內熟習樂譜，展現人生中的一大進步，她說：「我覺得音樂可以令一個人得到一啲嘅治療。我今日深深咁體會到，人係可以好靚，唔係剩係外面嘅靚，而係個心裏面嘅靚。音樂裡面除旋律外，佢嘅歌曲，佢嘅歌詞係有一種力量，佢哋都相信，唔係剩係聽歌，而係要活出歌詞裏面嘅意思，改變到佢哋嘅生命，呢個就係音樂治療喇！

我好感動，因為佢哋好多都係學咗好短時間，佢哋就可以彈晒同背埋個譜，見到佢哋好努力去做一樣嘢，然後夠膽企喺舞台上表演，我覺得呢樣已經係人生裏面嘅一個進步。表現係very good。」

Jade還勸勉在囚青年不要輕易放棄，她說：「我覺得唔好咁易放棄，心靈嘅自由係緊要，有時就算我哋係出面，都覺得自己冇自由，但我覺得最重要係你知道自己做緊咩，你知自己生命係有意義。每一日都帶住感恩嘅心，擁有平安喜樂，就係最大嘅自由。我希望所有嘅所員都可以得到呢份心靈裏面嘅自由，心靈裏面嘅健康。」

林夕和陳輝陽聯手打造新歌《另一個舞台》鼓勵在囚人士。(小圖﹕資料圖片)

關心妍與壁屋懲教所青少年在囚人士組成的樂隊一起演奏和合唱。(政府新聞網短片截圖)

(政府新聞網短片截圖)

(政府新聞網短片截圖)

關心妍讚合作的青少年在囚人士表現：「Very Good」(政府新聞網短片截圖)

鋼琴演奏家羅乃新(右)在壁屋懲教所擔任樂隊導師已經十五年。(政府新聞網短片截圖)

========================
《另一個舞台》
主唱﹕關心妍
作詞：林夕
作曲：陳輝陽
我試過去到最壞地步 不敢給一雙眼看到
前途似望不到 連人也沒法做
到了身陷地牢 無論 做到有多好
也會踏差半步 有誰 完美不倒
為何別人定要稱讚我 為何避談自己的堪坷
要想再站起先去問 什麼苦果可種好結果
承認學行定要先跌過 才明白何謂突破
摔倒了 躺下來 仍高歌 已經從逆境跨過
這世界最愛見大問大 關心怎麼跑到最快
從成功看不到 如何接受挫敗
挫折感未白捱 來問 學了幾多乖
你我亦可偉大 最大 學會開解
為何別人定要稱讚我 為何避談自己的堪坷
要想再站起先去問 什麼苦果可種好結果
承認學行定要先跌過 才明白何謂突破
摔倒了 躺下來 仍高歌 已經從逆境跨過
不必感覺在競賽 不管中途是在哪裡落台
碰上更適當地方 另起 一個舞台
為何別人定要稱讚我 為何避談自己的堪坷
要想再站起先去問 什麼苦果可種好結果
承認學行定要先跌過 才明白何謂突破
摔倒了 早不怕 站不起 何事仍值得難過

https://hk.entertainment.appledaily.com/enews/realtime/article/20190324/59407756

關心妍最近和懲教署合作，拍攝一齣名為「舞台Reborn」的短片，跟壁屋懲教所青少年在囚人士組成的樂隊合唱，希望透過音樂幫助他們更生，而有關短片已經在官方網頁播放。

關心妍在片段中和青少年在囚人士合作，大讚眾人表現出色，並高舉兩個大形紙心心。她表示：「我好感動，因為他們學了好短時間就可以彈奏及熟讀樂譜，睇到他們好落力學一樣東西，然之後真的有勇氣站在台上表演，覺得這個已是人生一個進步，表現是very good﹗」

關心妍更送上鼓勵說話：「覺得唔好咁容易放棄，心靈自由好緊要，有時可能我們在外面都覺得自己無自由，最重要是知道自己心入面做緊什麼，你的生命是你知道是有意義，每一日都是好感恩的心，有平安喜樂，這個就是好大的自由。」

關心妍大讚青少年在囚人士組成的樂隊演出非常之好。（網上截圖／明報製圖）

關心妍鼓勵在囚人士不要輕易放棄自己。（網上截圖／明報製圖）

https://ol.mingpao.com/ldy/showbiz/latest/20190324/1553420329141/%E7%94%A8%E9%9F%B3%E6%A8%82%E9%BC%93%E5%8B%B5%E5%9C%A8%E5%9B%9A%E4%BA%BA%E5%A3%AB-%E9%97%9C%E5%BF%83%E5%A6%8D-%E5%94%94%E5%A5%BD%E5%92%81%E6%98%93%E6%94%BE%E6%A3%84

歌手關心妍為了支持其創立的慈善基金，數月前開始執教鞭，教人唱歌賺錢以維持基金營運開支，用自己的專長日日跑數，跑夠數便感到大滿足！

關心妍以慈善基金創辦人身份，前年舉行一個大型籌款晚會，場面盛大，碌盡人情卡，不過她直言辦一次晚會，好像做了十次演唱會般，要兼顧的事情實在太多，令她身心疲倦，而且年年碌卡，講笑都怕冇晒朋友，於是她想出教人唱歌賺錢「養」基金：「由細到大我都好鍾意學唱歌，到我做咗歌手，我都冇停過去學，去過美國、加拿大、韓國同日本學藝，自度一套教唱歌方法，可以畀到唔同人需要，有啲人學唱歌係為咗去唱K、有啲為入行、有啲小朋友為學品格，好多唔同嘅Case，依家教咗幾個月，收入都OK，夠交租我就唔教，跑夠數就唔接。」

計劃做音樂治療師

她說曾有人學唱歌是為了在結婚周年紀念當晚獻唱給太太或老公聽，她感動地說：「真係有啲感動，唔知第時我老公會唔會喺結婚周年送歌畀我？」與楊長智結婚多年，感情如昔，她講笑老公唱功未達標，要跟她慢慢學。

其創立的慈善基金，會與兩名音樂治療師合作，給低收入人士提供免費音樂治療。關心妍原來亦有意當音樂治療，原本報讀大學有關課程，希望成為正式的音樂治療師，但因經常不在港而缺課，故將計劃推遲，目標要取得學位：「如果外國讀只需讀一兩年，但我唔可以擺低個女咁耐，喺香港讀就慢啲，或者呢個可能係我一生嘅職業，慢慢讀，唔緊要，攞到學位為止。」

教女先淡後甜

兩公婆自創了一套育兒心得，揚言家中有很多家規，其中一樣是由細到大給女兒「先淡後甜」，小時候只給囡囡吃無味道的食物，她笑說：「心心兩歲幾，一粒糖都未食過，餅有少少甜佢已經開心到好冧，畀一片甜餅佢乜都肯做，好陰功，佢賺得好微。返學後，佢先覺得呢個世界嘅美食太多，學校有牛油麵包、芝士蛋糕，佢全部冇食過，所以佢從來無偏食，全世界嘢都好好食。」

手機令人疏離

由關心妍創立的妍亮生命慈善基金，為幫助情緒抑鬱、患過度活躍或自閉症小朋友的低收入家庭提供免費音樂治療，之前做了14年義工的她，早年決定不再做「散打」，希望專門一個範疇提供援手。她直言察覺到手提電話的禍害很大，令人自我隔離，形同自閉，有潛在的危險，可能潛移默化的關係，她說女兒已成為家中的「手機警察」，看到媽咪用手機，會即時表現不滿。

聽慘情歌 宣洩鬱結

關心妍認為歌手本身已經做緊音樂治療，形容自己初出道時的歌都是悲情失戀歌，如《負擔不起》、《你有心》、《放生》和《手下敗將》，均適合治療傷痛：「千祈唔好以為痛苦時，聽一啲開心歌就會即刻好番。相反，當你好痛苦好傷心時，要將情緒唱出嚟，喊出嚟，聽歌可以幫你紓緩同發洩情緒，釋放完情緒，就可以搵一啲具鼓勵性嘅歌。」

傷心要讓自己喊，開心要讓自己開心，她遇到不如意事，亦絕不會忍，會盡情喊：「壓力就好似身體嘅毒素，積埋係垃圾，一定要將情緒攞出嚟，唔好儲。」

關心妍指現今科技發達，卻拉遠了人與人之間的距離。

兩公婆教育女兒，自有一套。

關心妍幫助患過度活躍或自閉症的小朋友，不遺餘力。

關心妍曾帶囡囡賣旗。

之前舉行籌款晚會，鄧萃雯（左一）、苟芸慧和陸漢洋出席支持。

現時關心妍教唱歌賺錢，維持基金營運開支。

關心妍計劃報讀大學課程，成為正式的音樂治療師。

http://orientaldaily.on.cc/cnt/entertainment/20190112/00282_040.html?fbclid=IwAR3qEN0646zTu-L0p-XKeBYbHBgn8nKNog5HA0jcjkC-oDV4BBS1QYhpaHw

歌手關心妍（Jade）近年減少幕前工作，忙於湊寶貝女心心外，大部分時間同心血都放咗喺「妍亮生命慈善基金」嘅音樂治療學校度，以佢最擅長嘅音樂幫助有情緒問題嘅弱勢社群，相當有意義。

不過日前佢就去咗內地亮相「粵語好聲音2018」節目，同成6年冇見嘅內地粉絲「久別重逢」，Jade接受訪問時話：「呢個節目喺6年前開始邀請我，因為嗰時一路都冇機會去，之後又有咗bb又生bb，咁個節目依家都改埋名，但仍然好有誠意請我去做評審，所以我都特登抽時間去同見過我啲歌迷，唱咗兩首歌，都好開心啲歌迷咁耐冇見，但佢哋依然好熱情，好錫我，氣氛好好，好好玩。」

問會唔會令佢歌癮大發，她就話冇，因為喺香港會擺埋啲心血喺間慈善音樂學院度，新歌相信最快都要等到明年，不過呢次可以用歌手身份亮相節目，可以畀佢抽離「妍亮生命慈善基金」主席身份，感覺好輕鬆。

百足咁多爪！

關心妍早前出席內地節目「粵語好聲音2018」。

獲邀做評審。

原來主辦單位已經邀咗佢6年！

關心妍仲係「妍亮生命慈善基金」主席。

仲湊寶貝女心心～

忙到好充實！

https://hk.on.cc/hk/bkn/cnt/entertainment/20181129/bkn-20181129074546548-1129_00862_001.html?eventsection=hk_entertainment&eventid=402882b04e2f3043014e43eb9c2179e6

歌手關心妍（Jade）日前出席假山頂舉行的慈善步行籌款活動，其同行的愛犬Butter更成為全場「集郵」目標！Jade直言今次擔任慈善大使，全因該機構負責人有誠意又有心：「其實佢哋搵咗我做大使10年，今年再聯絡我，話受我嘅『研亮生命慈善基金』所感動，所以機構將籌得嘅一半善款，撥捐畀我個基金幫助啲弱勢社群嘅小朋友，其實我嘅音樂治療學校每年營運費起碼100萬，明年我仲想搞個零至六歲嘅兒童音樂教材，真係好需要錢。」

期待囡囡拆禮物

問她為何沒帶囡囡同行？Jade就話因為囡囡年紀太細，不過每周她和老公都會帶囡囡到戶外遊樂場「放電」：「我老公好好，佢會搵埋全港遊樂場嘅資料，每次去新嘅遊戲場玩，佢好鍾意玩瀡滑梯同韆鞦。」至於聖誕節，她一家會留港，打算同囡囡一齊布置家居，又說：「佢識得拆禮物，我都好期待佢拆禮物嘅開心樣。」

關心妍到底畀邊個搶鏡？

原來係佢隻愛犬Butter！

關心妍（左）好有善心！

大合照！

https://hk.on.cc/hk/bkn/cnt/entertainment/20181119/bkn-20181119212522163-1119_00862_001.html