歌手關心妍（Jade）精神奕奕以大使身份出席抬轎比賽，她透露活動收益有部分捐給其成立的「妍亮生命慈善基金」，Jade說：「希望落力籌多啲善款，因為基金年底搞個慈善晚宴， 因為得番1個半月時間，仲有一半枱未賣。」隨即答謝不少藝人拍片宣傳，Jade說：「 好多藝人二話不說去拍片宣傳，不過暫時離目標仲好遠，因為想開一間服務中心。（碌盡人情卡？）仲慘過自己開演唱會。」她再自爆要開始復工搵銀，Jade說：「下個月有兩場內地騷，都擔心慈善晚宴唔夠錢，因為Book場同製作都要錢。（依家要拋個身出嚟工作？）冇辦法啦。」
問到為何不見其老公楊長智及囡囡到場支持？Jade說：「太早未起身，帶囡囡出街好論盡，加上又要打扮吓。（唔敢一個帶佢出街？）都已經習慣，佢都好聽話，逢星期一、三、五都會帶佢上playgroup，因為唔使見人，所以我就唔使打扮。」
關心妍驚唔夠錢搞慈善，要復工搵銀呀！
佢笑言冇辦法，要拋個身出嚟！
佢笑言冇辦法，要拋個身出嚟！
今日未見老公同囡囡，佢就話太早！
帶囡囡出街好論盡！
但大讚囡囡好聽話！
關心妍、老公楊長智及囡囡（資料圖片）
心妍為許廷鏗新歌 " 原來我可以哭 ” 擔任MV 女主角, 亦係第一次為其他歌手拍攝 MV
Photo repost: 許廷鏗 Facebook 專頁 , sdoorworkshop instagram
38歲關心妍（Jade）有女萬事足，雖然寶貝女楊榮心（Jovia）經已15個月大，但Jade依然樂在其中享受做全職媽咪，暫無意復出幕前，不過做善事就例外。12月16日，Jade將以妍亮生命慈善基金主席身份出席《重新站起來慈善晚宴》，目標籌集資金開設輔導中心，幫戒毒成功嘅年輕人增值自己，或曾迷失過嘅邊青搵番方向，有需要的中小學生也能受益。她坦承，做了媽咪後更加大愛：「以前我點會厚住面皮叫人捐錢、捐物資呀，但o依家覺得出小小力能夠幫到人，阻止到悲劇發生係好事，現今社會最需要係愛。
妍亮生命慈善基金成立了3年，主要幫助邊青，帶出正能量給中小學生，分享燃亮生命訊息等。今次關心妍為求達到開設輔導中心目標出錢又出力，除私下捐出6位數字外，由發起到尋找「老闆」、搵人買枱及聯絡贊助商，全部親力親為都幾吃力：「講錢就失感情，我逐個去敲門，係一次好好嘅體驗，好彩都好多朋友支持我，如贊助紅酒、鑽石、名牌包包，到時可以拍賣，我好感動。」
成立輔導中心後，日、夜時段可以支援到不同的人，構思中早上時段為有需要的學生及年輕人做音樂治療，從唱歌及音樂紓緩情緒，從而減少學生輕生的不幸，她不排除會做埋兼職導師，笑言囡囡有亮眼及飛吻最冧到人，可以做埋小義工。
教女品行最重要
因為湊女忙到不得了，關心妍短時間不會復出，幸得公司體諒及配合，她強調：「我唔會係怪獸家長，o依家主要教佢品行同禮貌，有時佢扭眼瞓唔願瞓我會陪佢罰企，企到佢攰咪乖乖瞓覺，而且我哋全家人喺佢面前係唔會玩手機，要教佢識得同人分享。」
採訪：方騫平
化妝：Cyrus Lee 髮型：Angus Leung @ hip Hair culture 場地：CEO
關心妍隔日陪女返playgroup，陪食陪玩，感覺上自己都好似返回學生時代。
Jade跟梁詠琪好啱傾，兩個索媽不時交流湊女心得。
雖然做咗媽咪，但關心妍同樣愛錫4歲大愛犬Butter，尊重生命絕對係最好嘅身教。
囡囡係關心妍嘅心肝，所以順其自然唔急於追仔。
關心妍享受湊女，短期內都唔會喺台上唱歌。
關心妍為同囡囡慶祝一歲生日，一家人去沖繩旅行慶祝。
近年專心湊女的關心妍（Jade），可愛女兒心心轉眼已經一歲多，Jade 可以抽些時間，為成立三年的「妍亮生命慈善基金」辦活動，幫助香港的問題青年；今年香港接二連三發生青少年自殺事件，Jade 與另一慈善機構合作舉辦籌款晚宴，出錢出力之餘，Jade 更計劃開設一間音樂教育中心，自己擔任音樂老師義教。
現在，Jade 每天都湊女兒到 playgroup，時間安排要非常準確，這天要為活動拍攝宣傳照，在嘴唇畫上心形圖案，Jade 說：「心心見到應該會尖叫，哈哈！」她說女兒是一位大力士，可能懷孕時吃了很多菠菜，而且女兒亦是女高音，「心心有音樂天分，很有音樂感，彈琴彈得很大力，聲音好高音，可能遺傳了我，哈哈！她最鍾意搬運，在家裏整天都搬來搬去，睡醒一刻就開始很忙，叫她幫媽咪拿個咕’臣’，她會馬上撲過去，叫她自己做未必肯做，喜歡幫人，只要聽到個『幫』字就會出手。」
香港租金貴
近日香港接二連三發生學生自殺事件，令已為人母的 Jade 非常心痛，決定聯同支援心理輔導和治療的「全康澄心」，於十二月舉行慈善晚宴。這次活動，主要為兩個機構籌募開設服務中心的經費，Jade 說：「三年前成立的基金，特別關注青少年吸毒和戒毒問題，但現在的問題不是吸毒戒毒，是自殺，他們一行就行到最盡的一步，要阻止。」晚宴主題是「重新站起來」，希望有問題的青少年遇到挫折都能夠「跌低都要識起身」，有困難更加要說出來，Jade 說：「今日拍攝這些照片，是希望年輕人有什麼問題都要說出來，我們去輔導時，也要懂得用說話安慰別人，希望在香港和九龍區都開設中心，讓有情緒問題的人及時得到幫助。另外一個計劃，是開設兒童音樂教育中心，幫助一些低收入的家庭，他們喜歡音樂的，我可以教唱歌和一些樂器，用音樂和他們溝通，不過現在的租金比較貴，就算是慈善機構，都會遇到這個問題。」
曾因感情想輕生
入行至今，Jade 去過無數的學校分享會，她說：「那一刻是會令他們醒一醒，很多都是從小已經有情緒問題，遇上挫折沒有抗禦力，去到中學未必一時面對到。女兒的確給我很多啟發，每次睇到這些新聞，心想究竟做到什麼？一直只說好慘好慘是沒有用的。」Jade 在加拿大讀書時，也曾經因感情問題有輕生的念頭，幸好哥哥及時發現，最後順利考入大學的藥劑學系，「自己也試過這些階段，小時候是感情問題，長大後是事業上的挫折，兩個階段都經歷過，人不開心，都離不開情和金錢，又或是病的痛苦，我當時未去到情緒病，但輕生的念頭是有過的，所以明白人在脆弱時很容易鑽到那個位，朋友也好、家人也好，多些留意身邊的人，遇上問題要主動些找人幫忙。」
好友一呼百應
慈善晚宴於十二月十六日在九展舉行，當晚更會有拍賣環節，幸好 Jade 身邊的老友一呼百應，有些買枱、有些捐出物品拍賣，Jade 說：「試過幫朋友做慈善籌款，籌備真是第一次，原來是很吃力的。很多謝身邊的朋友一呼百應，兩個機構希望合共籌到七位數字，我知道是一個很長遠的教育，兩個慈善機構去籌款，今次還是第一次，又可以慳錢，讓更多善款直接幫到有需要的人，總之，學生們，不要再做傻事。」
■ 撰文︰劉家倫／攝影︰伍敏慧
化妝：Cyrus Lee／髮型：Angus Leung @hip Hair Culture
「妍亮生命基金」將會舉行籌款晚宴，Jade這陣子落力宣傳，希望開設服務中心，幫助有問題年輕人。
Jade希望年輕人遇上什麼問題都要說出來，宣傳照特別化了特別的唇妝。
有一段時間沒有面對鏡頭，Jade也沒有不習慣。
Jade為這次活動設計了一個嘴唇標誌，更用了自己的歌曲《另一個舞台》拍攝宣傳MV。
女兒心心已一歲多，Jade說她是小網紅，大家都喜歡看她的video，這晚是Jade生日，喜歡周圍行的心心幫忙招呼好友。
丈夫楊長智非常支持Jade，會在法律和會計上給太太意見。
Photo repost from : Tim Lau Instagram
關心妍昨晚暫時賣甩囡囡Jovia，與老公楊長智拍拖出席《MOISELLE 20周年︰2017秋冬時裝秀》。關心妍表示：「其實囡囡未返學前班之前，自己出街都幾唔捨得她，剛才就安排好晒才出來，囡囡差不多8、9點就瞓，我們夜生活先至開始。」關心妍指Jovia現時返Playgroup，指老師很惜囡囡，因為好識電人，好惹人喜歡。
提到Jovia獲網民大讚是小美人，老公有否已擔心被人追求？關心妍笑說：「他是好嚴，知道女兒一定會嗲爸爸，不想囡囡變公主，我都好讚成。當他見到男BB想掂囡囡，已經即刻望實，將來我都要幫手解圍，囡囡亦可能要讀女校。」
關心妍大爆老公是嚴父，對囡囡Jovia甚為緊張。(攝影：劉永銳/網上圖片)
關心妍為了照顧囡囡Jovia，將夜生活時間推遲。(攝影：劉永銳)
Jade直言不捨掉下女兒去工作，每日安排女兒日常生活很享受，女兒亦懂得飛吻兼送電眼，所以好多人愛錫同得老師歡心，更爆女兒好大力可以一手扯開咕○臣，亦被其他家長問及女兒有何方法有很多頭髮？她覺得可能佗B時經常吃波菜有關。談到有不少網民讚女兒靚女，問到老公可會擔心女兒日後多人追求？她說：「有男仔BB摸女兒隻手都即該望住，爸爸好嚴，驚她有公主病。」（攝影：羅安強）
Kary話老公經常給她驚喜；Jade就有老公陪睇騷。
歌手關心妍出席Moiselle時裝騷，她表示女兒一日未上學前班，她也不想工作：「囡囡依家一歲兩個月，我出嚟之前都要安排好晒佢食飯同沖涼，佢八、九點瞓覺，我先開始自己嘅夜生活。依家一、三、五陪囡囡上Playgroup，一齊學三文兩語，我都幾Enjoy，而且可以見到佢個性格。（囡囡同其他小朋友相處成點？）佢未係好識同其他BB溝通。不過老師好鍚佢，囡囡又識飛吻同好識電人，啲人都好鍾意佢，又問我點解囡囡咁多頭髮，以為我畀啲生髮水佢搽。不過我懷孕嘅時候食好多菠菜，所以佢好大力同多頭髮，佢大力到可以拉咕????個扣，佢好鍾意做嘢，我培養吓佢做家務，佢真係好似大力水手咁食咗大力菜。」
提到民網大讚其女兒是小美人，關心妍稱不要這樣讚她，又指老公對女兒很嚴格，免她養成公主病，她說：「佢好擔心個女，見到有男仔BB想掂個女，就話要望住，我估個女將來都要讀女校。」
個女似大力水手，係真唔係呀？
關心妍同老公孖住出席活動！
佢話囡囡一日未上學前班，都唔會復工！
大讚囡囡孔武有力！
視個女如珠如寶。（資料圖片）
歌手關心妍（Jade）出席歌唱比賽活動，問到愛女楊榮心（心心）是否已上學？Jade說：「未，只係返Playgroup。」隨即自封是「懵盛盛」家長，Jade說：「朋友話我知心心今年9月要報學前班，我真係唔知，所以唔會係怪獸家長。（讀名校？）唔使，近屋企就得喇，最好可以行返學。」Jade否認住半山，被問到是否搬到山頂？她說：「香港區啦，附近有女校同埋有一條龍升學嘅學校，自己唔太擔心，等上帝安排。」
Jade表示沒有逼女兒睇圖書及背數字，她說：「反而日日帶佢去玩，教佢禮貌同叫人，品德緊要，依家佢識Thank You，數字1至10佢遲早會識。」由於心心是Jade的心肝寶貝，身為人母的她自爆日夜抱女搞到整傷手，Jade說：「成日抱搞到扭親兩邊手，去睇醫生按到隻手瘀晒。」隨即打爛醋埕表示愛女只懂叫爸爸，Jade說：「對住我叫爸爸，我教佢叫媽媽，佢都係叫爸爸，冇辦法，仲未識叫。」
加盟Neway不久即大肚的Jade坦言與公司合約一而再、再而三延期，她說：「仲有兩年幾，其實同Neway嘅關係一直都好好，已經唔係合唔合約。」另外，同場的葉家寶講解是次唱歌比賽詳情，透露18個參賽者有12位唱英文歌，奪冠者將代表香港出席10月於緬甸舉行的世界賽。
Jade唔太擔心囡囡就學問題，表示等上帝安排。
囡囡現只懂叫爸爸令Jade醋意大發。
Jade拒做怪獸家長。
愛女如命嘅Jade湊女時扭傷手。
葉家寶
