–
關心妍(Jade)繼上年11月喺香港開個唱後，大前日將舞台移師澳門，舉行澳門站演唱會。今次個唱嘅rundown係佢自己排，唱咗唔少經典慘情歌好似〈放生〉、〈你有心〉、〈假使我漂亮〉等，當然唔少得唱自抽歌〈關家姐〉啦，當唱呢首歌時現場high爆。而關心妍仲再次挑戰王菲〈miss you night and day〉，呢首歌對佢意義重大，當年就係靠唱呢首歌羸咗喺歌唱比賽。
為咗今次個唱，Jade之前地獄式減肥個半月，點解？咪因為要着上一件超性感緊身透視長裙囉！呢條透視裙同另外兩套衫都係之前香港站係冇嘅，講番呢條咁sexy嘅裙，只係用銀片遮住重要部份，其他位置則若隱若現。Jade着上身後勁滿意︰「我條23吋腰返嚟喇，用咗1個半月時間地獄式減8磅。現在終於着得落，呢件衫最大鑊，要一啲肥肉都冇。」Jade係靠每日跑步，隔日做gym，仲要餐餐食枝豆、麵包同麥皮先可以有咁fit body。至於個演唱會仲請到雨僑做嘉賓，兩個合唱〈拈花惹草〉添。
關家姐喺個唱好sexy呀！
23吋腰？！好葡萄囉！
去埋打手印。
Jade嗰唱換咗唔少衫。
同粉絲互動。
【on.cc東網專訊】 歌手關心妍（Jade）除了發展音樂事業，近年亦投放不少心力和時間於慈善工作。Jade分享當初設立慈善基金的心得，原來她自2004年已做義工，到不同機構體驗。Jade說：「我慢慢覺得我可以說服到啲年輕人，所以我開始喺戒毒範疇擺多啲時間，例如係年輕人迷失咗，或者更生青年、低收入家庭都會去考慮，又或者幫助年輕人搵番佢哋夢想。夢想需要好多錢，因為要學嘢、讀書，咁社會上要攞資助都唔容易，所以呢個基金我喺六年前開始申請，申請咗咁多年終於政府都批咗。」
Jade坦言這是一項重大挑戰，既要籌款，又要身兼主席、統籌、會計和籌款。身兼多職的她未有被家人「詐型」，老公亦無投訴她少時間陪伴。她自認對音樂、慈善和家庭同樣做足一百分，無分優次，並笑言反而是她向家人投訴：「佢哋對我都冇乜投訴，因為我打理得頭家都井井有條。我會煮飯、預備好屋企所有嘢，有時仲煲定湯先出門口。反而有時老公出trip，我媽咪又好多自己節目，到我放假時就冇人陪我，我會詐佢哋型，同佢哋講：『你又約晒人！我得閒可以去飲茶喎！』」
關心妍表示自已從2004年已到不同機構做義工。
關心妍近年花了不少心機同時間於慈善工作上。
關心妍自言凡事做足一百分冇被家人「詐型」。
主持: 楊美琪 雷霆881
主持: 林柏希
2015年10月7日
2015年10月8日
2015年10月9日
關心妍前晚在紅館為「傷健共融．飛翔夢國慶慈善晚會」獻唱，她為了鼓勵傷殘人士，特別選唱了《重新出發》和《愛是不保留》兩首勵志歌，她演唱時，身邊有小朋友做手語，關心妍表示曾學過手語，還記得怎樣表達「我愛你」。
關心妍本月底將到去澳門舉行演唱會，但由於早前曾到加拿大換車牌，開心之旅喪食致增磅，近日要趁開騷前地獄式減肥，以便穿性感歌衫，她說：「藝人上台一啲肥膏都唔可以有。」關心妍與老公近日結伴做gym減肥，她續說：「除咗食麥包、烚蛋同烚雞肉之外，肚餓就飲水，?家102磅，目標係減到97或98磅。」
關心妍前晚在慈善晚會獻唱，用歌聲鼓勵傷殘人士。
演出地點: 香港體育館
重新出發
愛是不保留
【on.cc東網專訊】 歌手關心妍（Jade）穿上露肩高衩長裙到紅館出席慈善晚會，並即場唱歌鼓勵傷健人士，她表示之前曾跟小朋友一起表演手語，但今次就因時間緊迫沒有學，但透露仍記得少數手語，如「我愛你」的手語，問到可有跟老公做此手語？她則笑言只會向老公做「走」和「來」的手勢，示意叫老公行來或行開。
去加拿大食多咗
Jade亦透露月尾將會在澳門開演唱會，但則大呻要在這二十多日內地獄式減肥：「因為之前去咗加拿大陪家人，喺嗰邊食咗好多嘢，所以啲演唱會衫着唔落。（肥咗好多？）其實我唔係好肥，只係之前太瘦，啲衫唔係人着，所以好沮喪同擔心，得番廿幾日減，啲衫減唔到就着唔到，有啲又透明。（性感？）全部少布，冇得遮，我之前post嘢上微博，全部人都鬧我，我都知我唔係肥，但佢哋唔明藝人係一滴肥膏都唔可能有。」她亦大呻很慘，現時只可食無味的食物：「仲要戒零食，只可以食麥包、烚蛋、烚菜，如果肚餓就飲水囉，所以呢排都好痛苦，不過楊生（老公）都減緊肥，所以我哋可以一齊，互相鞭策話『你唔好再食薯片啦！』」
望減到97磅
她亦表示現時102磅，想減多三至四磅：「我都同公司講減唔番之前嘅95磅，減到97、98磅就算，依家睇吓設計師幫唔幫到手，整番大少少，同埋大家可以放心，我唔會整傷自己嘅，會睇住嚟減。」問到到時老公可會去澳門捧場？她則表示：「要，一定要！打點吓都好，同埋禁住我唔好食咁多嘢，不過我都期待快啲到開騷嗰日，因為綵排要力氣，所以可以食飯，所以我都好期待快啲做騷。」
關心妍穿上露肩高衩長裙到紅館出席慈善晚會。
高衩騷長腿好吸睛。
仲唱到好投入添！
台風十足。
關心妍呻要在二十多日內地獄式減肥，搞到無啖好食。
關心妍表示喺加拿大陪家人嗰陣食咗好多嘢，搞到啲演唱會衫着唔落。
