歌手關心妍（Jade）以個人名義成立的慈善基金最近終獲政府審批通過，她希望助青年自力更生：「覺得我可以說服到年輕人，所以開始喺戒毒範疇擺多啲時間，例如年輕人迷失咗，或者更生青年、低收入家庭都會考慮，或者幫年輕人搵番佢哋嘅夢想。」她坦言這是一項大挑戰，既要為基金籌款，又要身兼主席、統籌和會計，但她自言不貪心，當下目標是為一個學生籌得學費，希望循序漸進。
問到家人有否向她投訴少時間陪伴？Jade自認對事業、慈善和家庭的付出無分優次：「冇乜，因為我打理得頭家井井有條，反而有時老公出Trip，媽咪又好多節目，到我放假時就冇人陪我，我詐佢哋型！」
場地：Topiary
服裝：CHORUX@LJ FASHION
化妝：Miko
髮型：Zingwong@Hairculture
關心妍以個人名義成立基金幫助年輕人，幾辛苦都值得！
熱心公益的關心妍以個人名義成立慈善基金，最近終獲政府審批通過。她坦言為基金身兼多職忙個不停，慶幸家人從未「詐型」，反而她向家人投訴：「係佢哋冇時間陪我」！
關心妍（Jade）除了發展音樂事業，近年亦投放不少心力和時間於慈善工作。Jade分享當初設立慈善基金的心得，原來她自2004年已做義工，到不同機構體驗。Jade說：「我慢慢覺得我可以說服到啲年輕人，所以我開始喺戒毒範疇擺多啲時間，例如係年輕人迷失咗，或者更生青年、低收入家庭都會去考慮，又或者幫助年輕人搵番佢哋夢想。夢想需要好多錢，因為要學嘢、讀書，咁社會上要攞資助都唔容易，所以呢個基金我喺六年前開始申請，申請咗咁多年終於政府都批咗。」
自認無範煮婦
Jade坦言這是一項重大挑戰，既要籌款，又要身兼主席、統籌、會計和籌款。身兼多職的她未有被家人「詐型」，老公亦無投訴她少時間陪伴。她自認對音樂、慈善和家庭同樣做足一百分，無分優次，並笑言反而是她向家人投訴：「佢哋對我都冇乜投訴，因為我打理得頭家都井井有條。我會煮飯、預備好屋企所有嘢，有時仲煲定湯先出門口。反而有時老公出trip，我媽咪又好多自己節目，到我放假時就冇人陪我，我會詐佢哋型，同佢哋講：『你又約晒人！我得閒可以去飲茶喎！』」
雖然醉心公益，但關心妍亦會繼續發展自己的音樂事業。
成立個人名義基金後，關心妍更加忙碌。
關心妍希望幫助迷失自己的年輕人尋回夢想。
身兼多職的關心妍獲老公全力支持。
