2015年12月22日 頭條日報 關心妍再攞獎保同事飯碗

關心妍(Jade)三年前曾表示不再攞獎,前晚卻現身《勁歌頒獎禮》領獎。Jade解釋公司一直游說她,加上當時只是一時衝動,對於被指出爾反爾亦感無奈。她坦言:「我不可以那麼自私,團隊要跟公司交代,因為不想令同事難做,有獎唔去攞,會連累同事失去工作。」

 對於有指她將於合約屆滿後離開公司,Jade否認其事。問到可有跟鄭欣宜解釋?她說:「與欣宜關係那麼好,不用講也知道是甚麼事,那只是宣傳手法吧!」

 Jade在樂壇新人中特別欣賞吳業坤,覺得他是一位陽光親民的男孩,他的《陽光點的歌》予人有新希望的感覺。

  

2015年12月22日 東方日報 唔攞又攞 關心妍:so sorry

歌手關心妍(Jade)前晚憑歌曲《關家姐》獲獎,並性感大騷35C身材,Jade笑言:「呢排肥番啲,女人要有嘅都返晒嚟!」

問到2013年曾宣布在頒獎禮不攞獎?Jade承認:「依三年嚟公司不停游說我,所以我答應如果歌曲真係有成績,我就代表佢哋攞番獎。(唔怕被人話出爾反爾?)I feel so sorry!唔想公司同事難做,佢哋都要向老闆交代,唔想累咗人冇咗份工。」

關心妍稱再攞獎有苦衷,不想同事難做。

關心妍稱再攞獎有苦衷,不想同事難做。

2015年12月22日 文匯報 關心妍為同事「反口」再攞獎

香港文匯報訊(記者 李思穎)

關心妍(Jade)以性感低胸晚裝,大騷「事業線」現身《勁歌》頒獎禮,她透露:「近來胖了,女仔要有的都回來了,都消失有兩、三年。」

Jade三年前曾經講過不再出席任何頒獎禮攞獎,可是今次「反口」親自領獎,她解釋:「三年前有講過這件事,而每年公司都說服我出來領獎,當時是我一廂情願,一時衝動想法,因歌曲得獎不僅是我一人,是整個團隊的功勞,我不能這麼自私,而且公司同事需要向老闆交待,所以他們每年都游說我,所以我答應如果歌曲有好成績便代表他們攞返獎!(不擔心被指出爾反爾?)我好無奈,I feel so sorry,就得一邊又就不到另一邊,公司同事都好難做,有獎自己又不去領,不想累人無份工,其實都進退兩難,寧願自己再出來攞獎。」

關心妍指每年公司都說服她出來攞獎。

關心妍指每年公司都說服她出來攞獎。

2015年12月21日 東方日報 關心妍低胸搶鏡

昨晚出席的女歌手個個都悉心打扮,最性感的是穿上低胸開衩長裙的關心妍(Jade),上露事業線、下露黑色打底褲,同樣吸睛的還有林欣彤,她身穿吊帶大露背長裙,肌膚滑不溜手。身材有料的泳兒及蔚雨芯僅穿上tube top露肩,欠缺睇頭。男歌手就以張敬軒穿着裙褲,許廷鏗則着上和服外套,別樹一格。

關心妍「胸」贏其他女歌手。

關心妍「胸」贏其他女歌手。

2015年12月21日 On.cc東網 關心妍為反口拎獎耍冧:唔想人冇咗份工

【on.cc東網專訊】 歌手關心妍(Jade)憑《關家姐》在《勁歌金曲頒獎禮》贏得歌曲獎,更大騷性感事業線,Jade笑言:「呢排肥番啲,女人要有嘅都返晒嚟,失蹤咗好幾年啦。(有冇再push up?)冇啦,再push好驚,電視唔好太性感。」

嘆當時一時衝動

由於2012年度頒獎禮成績欠佳,關心妍於2013年初曾表示不再出席任何頒獎禮,對於現今反口「唔嫁又嫁」,Jade表示:「三年前係講咗呢件事,但每年公司都游說我攞獎,而當時我係一時衝動咁做。但其實我唔能夠咁自私,因為團隊、公司、同事都需要同老闆交代,所以三年嚟公司不停游說我,咁所以我答應如果歌曲真係有成績,我就代表佢哋攞番獎。」

當被問到怕不怕被指出爾反爾,Jade坦言:「好無奈㗎,I feel so sorry,就得一邊又就唔到一邊,咁公司同事都好難做,如果有獎自己又唔去,唔想累咗人冇咗份工,係兩難,情願出番嚟,so sorry!」

關心妍反口喺《勁歌金曲頒獎禮》拎番獎。

關心妍反口喺《勁歌金曲頒獎禮》拎番獎。

關心妍大騷性感事業線。

關心妍大騷性感事業線。

攞番獎都係為咗同事向老闆嘅一個交代。

攞番獎都係為咗同事向老闆嘅一個交代。

真係左右做人難啊。

真係左右做人難啊。

2015年12月20日 On.cc 崔建邦重提攞錯獎 關心妍今次堅奪獎喇

【on.cc東網專訊】 2015TVB勁歌頒獎典禮,繼續頒發歌曲獎,主持人崔建邦公布時,重提08年關心妍將關菊英奪獎,錯聽自己名而上台嘅趣事,崔建邦說:「嗰年,因為佢出咗嚟,成為佳話熱話,我承諾過,下次佢得獎,我讀一定會好準確咁讀佢個名,關心妍《關家姐》。」關心妍上台時,即與崔建邦說:「多謝你,你今次冇搞錯!」之後再多謝網民,關心妍說:「多謝網民,多謝佢哋呢11年嚟嘅惡搞。」

關心妍憑《關家姐》奪獎!

關心妍憑《關家姐》奪獎!

崔建邦重提關心妍上錯台嘅趣事!

崔建邦重提關心妍上錯台嘅趣事!

搞到關心妍都笑!

搞到關心妍都笑!

今次真係關心妍呀!

今次真係關心妍呀!

2015年12月20日 On.cc  崔建邦重提攞錯獎 關心妍今次堅奪獎喇e

2015年12月20日 On.cc 東網 35C關心妍「峰」芒玉腿齊露

【on.cc東網專訊】 一年一度嘅樂壇頒獎禮第一擊今日正式舉行,又喺嗰句,無論任何天氣,只要有頒獎禮,就有女星爭妍鬥麗同鬥拋胸嘅場面。

今日第一位為大家介紹嘅拋胸佳麗,係「關家姐」關心妍,坐擁35C驕人上圍嘅佢,一襲簡單晚裝裙,已經將佢嘅美好身段表露無遺,而條裙除咗展示佢上身嘅優點,下身仲要開高衩,令關心妍條長腿若隱若現,十分誘人。

而關心妍現身時都好風騷,睇嚟佢好滿意今日嘅打扮。

關心妍不負關家姐之名,勁靚現身。

關心妍不負關家姐之名,勁靚現身。

擁有35C驕人上圍嘅關心妍,舉手投足都好迷人。

擁有35C驕人上圍嘅關心妍,舉手投足都好迷人。

而且無論點睇,佢嘅上圍都係咁驕人。

而且無論點睇,佢嘅上圍都係咁驕人。

關心妍唔單止晒胸器,仲要晒長腿

關心妍唔單止晒胸器,仲要晒長腿

大家睇吓佢個樣幾有自信。

大家睇吓佢個樣幾有自信。

開心得佢呀!

開心得佢呀!

不過唔知係咪驚凍親,佢返埋位即刻披番件外套。不過點解夾喺中間嘅佢,個樣咁苦悶嘅?

不過唔知係咪驚凍親,佢返埋位即刻披番件外套。不過點解夾喺中間嘅佢,個樣咁苦悶嘅?