關心妍（Jade）與方皓玟前晚錄影無綫節目《勁歌金曲》，將舉行音樂會的關心妍表示已邀請了兩位神秘型男助陣，問到「型男」是否要畀老公過目？她說：「唔使佢揀，佢揀就個個都唔啱o架喇！我同佢講如果唔畀我揀，就要佢一齊上嚟做嘉賓，咁佢就叫我揀，因為佢好驚上台。」她又笑言與老公屆時會齊齊以Deep V示人：「老公只着重靚唔靚。（騷馬甲線？）依家練咗四舊腹肌，之後仲要地獄式訓練！」而方皓玟則表示已有一段時間沒有到電視城，今次會宣傳一首以分手為題的新歌：「今次自己作曲、作詞感覺好Fresh。」她又指與葛民輝合作拍攝微電影，年底會推出新碟及舉行音樂會。
關心妍（右）與方皓玟一起錄影《勁歌金曲》。