關心妍今日去祖堯邨出席一個慈善活動，今次佢以特別身份參與，因為佢申請成立嘅妍亮生命基金會，申請咗第六年，依家終於成立喇。
關心妍將以基金主席身份，一齊做慈善，佢話:「主要係幫戒毒成功嘅年輕人增值自己，或曾迷失過嘅邊青，搵番希望同方向。」佢話基金會正籌備舉行慈善歌唱比賽，但形式方面希望特別一啲:「唔想好似平時嘅慈善晚宴咁做。」
由於關心妍凡事親力親為，兼且又要忙於籌備新歌錄音，所以都很忙。咁有冇問老公俾意見呢？佢就話:「佢只係喺法律同會計上俾意見我，其他嘢要自己做。但我都會繼續做唱歌嘅嘢，希望暑假可以推出到。」
