今日關心妍（Jade）去到商台宣傳新歌《關家姐》，關心妍今個星期五就會踏入36歲，結咗婚之後一直都恨做媽媽嘅佢，生日願望除咗係身體健康，最想就緊係生個BB。後日關心妍就會同一班歌迷開生日會慶祝，至於正日就會同一班好朋友開party慶祝。
生日大晒嘅Jade話：「我已經叫咗大家要扮關家姐，一係要着黃色扮minions，因為我好鍾意，迫大家扮吓，唔扮就要罰，要着minions嘅工人褲。」Jade笑言派對當然預埋老公一份，人人有份，還自爆平日都有玩cosplay：「都鍾意0架，冇咁悶，之前玩扮職業。」
關心妍（Jade）去到商台宣傳新歌《關家姐》。