關心妍（Jade）今日喺將軍澳出席第六屆香港傑出義工頒獎禮，特首夫人梁唐青儀則擔任主禮嘉賓。已經做咗義工11年嘅Jade，今年成立「妍亮生命基金會」，更定下目標，希望每星期到4所學校，以心妍姐姐身份，同學生分享。
Jade話：「我會分享下以前外國生活，有幾曳，13、4歲食煙飲酒、走堂離家出走，係最迷失嘅時候，但係我可以同大家講曳唔緊要，只要中途搵返自己。」
問Jade會否因要做義工，更少時間陪老公？佢就笑笑口話：「佢係其中一個司機，仲要落地幫手。」提到新歌《人生銀行》的MV中有鎅手情節，Jade說：「呢個係反面教材，有時人遇到情傷會做傻事，係消極嘅做法，我自己就冇鎅過。」
《人生銀行》MV截圖
《人生銀行》MV截圖