「關家姐」關心妍（Jade）今日到新城宣傳新歌《關家姐》，佢話首歌係為10年前一篇由藝人投訴售貨員，令對方被炒嘅潮文做平反：「當年好多人都覺得潮文入面講嗰個人係我，有段時間連我自己都諗，係咪shopping時得罪咗人，唔經唔覺已經10年，所以就諗住做首歌慶祝下，順便幫自己平反。」Jade又話當年因被誤會而唔開心，有兩年唔敢去行街買嘢，但0依家已經睇開咗。
關心妍到電台宣傳新歌《關家姐》。
2015年7月15日 蘋果日報(即時新聞) 【關家姐十周年】關心妍出新歌 為自己平反
Category Archives: 心妍新聞
2015年7月15日 東網娛樂 「關家姐」成花名 關心妍爆阿媽都咁叫
【on.cc東網專訊】 歌手關心妍（Jade）現身電台宣傳新歌《關家姐》，她十年前成為了一篇網上潮文的主角而被封「關家姐」，這次她就以自嘲形式出歌，希望以音樂作回應：「好多謝一位記者朋友，佢為我抱不平，inspire到我十年後做呢首歌，以一個開心嘅形式去回應！同埋有咗『關家姐』呢個名之後多咗好多兄弟姐妹，連我媽咪都會咁叫我，當咗做我花名！」她又坦言不介意舊事重提，因為該篇潮文已被大家討論了十年，而且事件並不是真的。
問到可會將當年在頒獎禮上誤奪關菊英獎座一事寫成歌？Jade笑說：「有好多網民都熱捧要我做首《關心菊英》，但要再諗吓點做，因為呢件事真係發生過，嗰畫面大家冇得去幻想，而關家姐做到係因為冇發生過，嗰想像力會豐富啲。同埋樂隊ToNick都真係做咗《關心菊英》呢首歌，我冇理由再做番一樣嘅嘢，創意無限，所以要諗吓其他嘢。」她又謂今年將主力做音樂，但不會密集式出歌：「都要睇吓依家嘅時勢，有冇咩題材值得做呀，都冇得心急。今年都抖咗一陣，用咗啲時間去摸索吓嚟緊做啲咩，年尾都仲會有歌嘅。」
提到唱片公司的歌手愈來愈少，Jade表示沒有留意，但非常感激公司的支持：「依家做音樂好似買股票咁，但最緊要係佢哋肯投資！我都想公司簽多啲人，可能幫忙睇吓有冇啲有潛質嘅人，或者推多啲新血，盡人士啦！」
關心妍被封做「關家姐」，連佢都話阿媽都咁叫佢！
佢話「關家姐」一事冇發生過，呢首歌想像力就會豐富啲。
問到會唔會用「誤奪關菊英獎座」一事寫歌，Jade就話要諗吓先！
2015年7月14日 太陽報 關心妍蟹逅敍天倫
【太陽報專訊】人長大後因各種原因，與親人的相聚時間逐漸減少，雖然忙於工作，但抽空回家吃飯也是不可或缺的。關心妍（Jade）早前便抽空探望外婆，更親自下廚！
已為人妻的關心妍雖然工作家庭兩邊忙，但早前抽空陪伴外婆，更親自炮製豐盛餸菜做孝順乖孫！
偷師交換幸福
她在微博上載與外婆的合照，相中的她趣怪地吐舌拿着親手煮的菜式，含蓄微笑的外婆則拿着大螃蟹，單看表情已感受到滿滿的幸福，Jade留言：「小時候永遠都是外婆煮飯給我吃，而我的廚藝也是在她身上學會的，所以現在能夠煮給她吃真是一件幸福的事。菜單：潮式加拿大凍蟹和燒汁青椒炒肥牛！」
小時候，父母及親人總是不辭勞苦的照顧及教導我們，長大後當然要好好孝順一番！即使只是一頓小小的飯菜，相信亦足以令長輩開心一整天！
2015年7月9日 FACE即時 契妹欣宜讚玩得 關心妍要做全民家姐
睇咗關心妍新歌〈關家姐〉MV未（快啲下載FACEPop睇足本MV啦）？呢個自抽MV同阿Jade一向嘅慘情天后路線好唔同，阿Jade今晚向 FACEPop透露，MV嘅幕後功臣原來係填詞嘅C君呀。「關家姐」仲話唔介意成為「香港人嘅家姐」：「很感謝每一個人，希望關心妍這首〈關家姐〉，會讓 你們全力去笑。」巴絲聽到未？
而本身真係當關心妍係家姐嘅鄭欣宜就力撐阿Jade好玩得，並唔係大家睇落咁嚴肅，佢仲好感激咁話：「實在非常感激這位關家姐，在圈內我沒有很多朋友，但是Jade真的是一位非常疼我的姐姐，不斷的給我很多愛。」正式宣佈關家姐成為香港人的家姐喇。
關家姐契妹欣宜今晚接受FACEPop訪問，力撐阿Jade好玩得，仲叫大家記得支持〈關家姐〉添。
關心妍叫大家盡情享受佢首新歌，記得笑得開心啲，認真正能量爆燈。
今次MV行親民路線，睇嚟阿Jade想做全民家姐喎。
2015年7月9日 Face Pop (Face 即時) 獨家吹到正 關家姐八字波MV率先睇
十年前，「關心妍搞到我家姐無左份工」（又稱家姐被炒潮文）瘋傳網路，當時有指關小姐留難名牌時裝店職員令人冇咗份工，關家姐潮文不時被巴絲拎出嚟炒冷飯。十年後（上星期咋！），關心妍（Jade）推出自抽新歌《關家姐》，反而贏得唔少掌聲，唔少人讚佢睇得開夠豁達，仲話如果早幾年就推出一定爆紅咁話。新曲《關家姐》一直只有歌詞版MV，原來阿Jade已經拍好MV，仲主播上身報新聞親述十年來嘅八卦新聞，又出賣唔少由老公操刀嘅私片，當中有玩波波（汽球呀！）又有揸快艇，仲有佢哋去日本旅行嘅夾公仔片添。八號波好危險呀，留喺屋企同FACEPop一齊率先睇《關家姐》MV啦。
靚樣是必須的。
關心妍（Jade）自抽新歌《關家姐》 MV有得睇喇!
《關家姐》MV入面有唔少由關心妍老公操刀嘅私密短片，fans必睇。
阿Jade嘅自抽新歌《關家姐》為佢贏得唔少掌聲，網友讚佢睇得開夠豁達。（網上圖片）
家姐被炒潮文/關家姐潮文/關心妍搞到我家姐無左份工潮文，每隔一段時間又會被網友拎出嚟回帶。（網上圖片）
《關家姐》歌詞
作詞：C君
作曲：周錫漢
還記得關家姐與友人去PP幫襯
佢炆 佢忍 佢等咗一陣
至能 名牌勁掃
又要即刻封舖 招呼要好
Sale屎驚佢冇人性關家姐個性 惡頂
扮巨星效應 太任性 打俾公司最後決定
要拒絕佢就算佢隔天寫信complain
嗱嗱嗱其實冇邊個 只因我俾公司炒咗
這關家姐(關家姐)誰用心編寫(天天寫)
這故事娛樂版當冷飯 炒到冷淡 當做笑料大家高興
這關家姐(關家姐)對報導已經幽過了黙再不苦惱
要推上報 我就算遙望到 隨便一笑 當睇不到
還記得關家姐個趣聞最初都幾過癮
記者 去邊 去邊都訪問
答完 回頭又答 未有C1都有呢一細格
更多更詳盡歌詞 在 ※ Mojim.com 魔鏡歌詞網
改編之作網民嘅版本都過百
泰文 又或英日法 最合拍
篇文都經過十數年 昨晚仲有渣記者要whatsapp我回應
嗱嗱嗱其實冇邊個 只因我俾公司炒咗
這關家姐(關家姐)誰用心編寫(天天寫)
這故事娛樂版當冷飯 炒到冷淡 當做笑料大家高興
這關家姐(關家姐)對報導已經幽過了黙再不苦惱
要推上報 我就算遙望到 隨便一笑 當睇不到
其實我好多新聞 都有叫你開心 不錯
就當我 譲你快樂過
「家姐」稱謂我 不必推搪太多
街中偶遇我 這麼稱呼也可
誰人來延續這篇潮文誰來談論我
這關家姐 誰用心編寫
這故事橋段不再有限 轉發過萬刷屏炸版又loop幾晚
這關家姐(關家姐)這報導已將整個網絡百科覆蓋
大家厚愛 我亦會全力愛 而家姐我 已經睇開
2015年6月30日 壹週Plus 家姐潮文變新歌 關心妍怒抽自己
是咁的，相信大家有睇過或者聽過「關心妍搞到我家姐無左份工」呢個網絡潮文。呢篇潮文由04年一出，隨即係各大討論區瘋傳，之後有網民就推出惡搞影片，更被翻譯為英文版、日文版、俄文版等等。雖然關心妍多次否認，但係呢篇潮文依然一直喺網上出現。自此關心妍亦都多咗一個「關家姐」花名。
上年關心妍就以「C-12」名義推出名為《被注射》一曲，內容除了自抽08年同關菊英係勁歌頒獎禮發生的烏龍事件之外，更將「關家姐」潮文擺埋入呢首歌，成功引來唔少網民關注。
可能抽開有舖癮，今年關心妍索性推出一首名為《關家姐》嘅歌曲，除咗將篇潮文內容溶入歌中之外，負責填詞嘅C君更將關心妍對於呢篇潮文嘅心聲寫埋出來，好似「還記得關家姐個趣聞最初都幾過癮 ，記者去邊都訪問，答完回頭又答……篇文都經過十數年，昨晚仲有記者要whatsapp我回應。」
嘩! 歌詞認真啜核，最後仲要補多句︰「這關家姐（關家姐）這報導已將整個網絡百科覆蓋 ，大家厚愛我亦會全力愛，而家姐我已經睇開 。」
話到明睇開咗，難怪關心妍就推呢首歌自抽。話晒關心妍有兩大瘀事，今次推咗首《關家姐》，下次會唔會推首《關菊英》出來呢?
2015年6月30日 壹週Plus 家姐潮文變新歌 關心妍怒抽自己
2015年6月30日 蘋果日報(即時娱樂) 【水都抽乾了】關心妍自抽 潮文《關家姐》變主打歌
「還記得關家姐與友人去PP幫襯
佢炆 佢忍 佢等咗一陣
至能 名牌勁掃
又要即刻封舖 招呼要好
「Sale屎驚佢冇人性關家姐個性 惡頂
扮巨星效應 太任性 打俾公司最後決定
要拒絕佢就算佢隔天寫信complain
「嗱嗱嗱其實冇邊個 只因我俾公司炒咗」關家姐潮文又嚟？？？仲要係關家姐本人唱番？邊位關家姐？關心妍呀！
高登巴打又一次成功咁樣，令佢哋嘅潮文拍成短片，依家，仲變成歌，今次自抽「關家姐」水嘅，真係關家姐關心妍。佢噚日plug咗新歌《關家姐》，就係以潮文「關心妍搞到我家姐無左份工」為引子，C君填詞，道盡關心姘近11年來，因為「關家姐」呢單嘢所受嘅影響。(有聲附歌詞： http://bit.ly/1HrFIGi
）
溫馨回帶，去年6月，關心妍以「C-12」名義推出幾首歌，其中一首叫《被注射》，mv都有辣埋「關家姐」同09年《勁歌》同關菊英搶獎單嘢，但變成歌詞就係第一次。
歌詞寫道:
「還記得關家姐個趣聞最初都幾過癮
記者 去邊 去邊都訪問
答完 回頭又答 未有C1都有呢一細格 」
「其實我好多新聞 都有叫你開心 不錯
就當我 譲你快樂過
『家姐』稱謂我 不必推搪太多
街中偶遇我 這麼稱呼也可
誰人來延續這篇潮文誰來談論我」自嘲得來說明關家姐真的睇化咗。
其實關家姐所講嘅「其實我好多新聞 都有叫你開心」，當然唔少得喺無綫《勁歌金曲》頒獎禮上領錯獎單嘢，真心膠中之膠，事後本地樂隊TONICK仲整咗《關心菊英》抽水，歌名明影射關心妍首《關心心妍》，點擊率累積至今已達24萬，之後TONICK仲成功喺演唱會上邀請到關心妍做嘉賓一齊唱。
所以話，關家姐其實真係好玩得同有器量。 
2015年6月30日 FACEPOP (短片FACE即時) 推新歌<關家姐> 自抽 關心妍：多謝網民呢10年一路討論
高登潮文有幾勁？之前有唔少潮文成功被拍成短片就知高登仔有幾威威啦！近日仲有高登潮文變成歌添，講緊嘅係關心妍(Jade)噚日plug嘅新歌《關家姐》呀，今日仲放埋上YouTube。 Jade今次呢首歌仲係自抽自己水，用咗04年潮文「關心妍搞到我家姐無左份工」為引子，呢首歌仲講Jade呢11年因為呢段潮文所受嘅影響。以下係部份歌詞︰
「還記得關家姐與友人去PP幫襯
佢炆 佢忍 佢等咗一陣
至能 名牌勁掃
又要即刻封舖 招呼要好 」
「Sale屎驚佢冇人性關家姐個性 惡頂
扮巨星效應 太任性 打俾公司最後決定
要拒絕佢就算佢隔天寫信complain 」
「嗱嗱嗱其實冇邊個 只因我俾公司炒咗」
「還記得關家姐個趣聞最初都幾過癮
記者 去邊 去邊都訪問
答完 回頭又答 未有C1都有呢一細格 」
咁正嘅詞係由C君填嘅，之後仲有一句「其實我好多新聞 都有叫你開心 不錯」，咪即係講埋09年《勁歌》同關菊英搶獎單嘢囉。而歌詞最後仲話佢唔介意人稱呼佢做「關家姐」同睇化咗添。網友聽完後都紛紛讚好，但亦有網友話呢首歌應該早幾年出，咁就有更大迴響喎。《FACE》打去問Jade點解會推出呢首自抽歌，佢就話︰「呢隻歌其實係因為『關家姐』潮文今年10周年，好想做一首歌去畀credit(榮譽)佢，多謝所有網民呢10年一路討論關家姐，促成咗呢隻歌，多謝你哋！」
其實上年6月Jade以「C-12」名義推出其中一首歌〈被注射〉，個mv都有辣埋「關家姐」同其他潮文，而領錯獎單嘢之後被本地樂隊TONICK惡搞整咗〈關心菊英〉抽水，成功喺演唱會上邀請到關心妍做嘉賓一齊唱添，證明Jade都幾玩得。
欣賞下啲歌詞
當年Jade喺《勁歌金曲》同關菊英搶獎事件。
2015年6月30日 On.cc東網娛樂 網民熱話：抽水最高境界—「自抽」
【on.cc東網專訊】 話說大約十年前開始，網上流傳一篇叫《關心妍搞到我家姐無左份工》嘅潮文，係一名網友指自己家姐於名店做售貨員，但因為一次無法滿足顧客無理要求而被投訴，最終更被豉椒炒魷，而呢位麻煩顧客就係歌手關心妍（Jade）喇！雖然唔知故事係真定假，不過娛樂性肯定滿分，呢篇潮文其後被改咗多個唔同嘅改編惡搞版本，更令Jade自此多咗個花名叫「關家姐」，搞到Jade都百口莫辯！
Jade最近推出新歌《關家姐》，歌詞由組合農夫C君所寫，竟然就係改編自呢篇潮文，更加入呢潮文所引起嘅效應，好似提到：「還記得關家姐個趣聞最初都幾過癮 記者 去邊 去邊都訪問 答完 回頭又答 未有C1都有呢一細格」，充份體現抽水之中最高境界－「自抽」！輕快跳躍嘅節奏，配埋相當抵死嘅歌詞，真係唔知點解越聽越有畫面。
話明係自抽，歌詞更唱出Jade嘅心聲：「其實我好多新聞 都有叫你開心 不錯 就當我 讓你快樂過 『家姐』稱謂我 不必推搪太多」又就正如歌詞所講「這關家姐 這報導已將整個網絡百科覆蓋 大家厚愛 我亦會全力愛 而家姐我已經睇開」如果Jade少啲氣度相信都唱唔出呀！
網民有話兒：
魯XXX：真係何等胸襟是可以咁樣？
屢XXX：仲以為係潮文配音樂再唱！
arhXXX：望住啲歌詞，腦海聽到C君把聲唱出嚟！
一個XXX：第時佢班fans舉牌會唔會寫家姐？個名其實好親切！
何XXX：大家同唔同意關家姐潮文係以訛傳訛嘅極致？
關心妍今次做出抽水最高境界啦～真係只可以大讚佢胸襟廣闊呀！
心妍的胸襟真係好廣闊嘅！（資料圖片）
有次記者要求再拍一次佢喊，佢都一口答應再喊一次畀記者影相。（資料圖片）
佢仲有完全唔介意將自己嘅瘀事擺上枱，認真抵讚！（資
料圖片）
其實心妍都不時被拍到去名店Shopping。
2015年6月30日 熱血時報 向高登潮文致敬 關心妍新歌自嘲「關家姐」 –
高登潮文一向以「無厘頭」見稱，繼早前「豆腐火腩飯潮文」、「一生只想尋找一個肯挨麥記的女人」等作品被拍成影片外，歌手關心妍昨日（6月29日）派台的新歌《關家姐》就是以2004年潮文《關心妍搞到我家姐無左份工》為引子，講述關心妍近十多年來一直受潮文影響，儘管自己已多次否認並非文章的主角，但每次文章重新遭轉發，記者又會要她回應。 《關家姐》一歌曲風輕快，由組合農夫成員C君編寫的歌詞不乏啜核語句，而最後一句「而家姐我已經睇開」亦反映關心妍不介意別人以「家姐」稱呼她而自己也不介意「自抽」。網民聽到此歌後紛紛叫好，指關心妍願意自嘲而唱此歌是成功，高登網民當然為自己論壇創作的作品感到自豪，不過亦指潮文由2004年至今才被創作，其實可以更早改編。 關心妍除了潮文事件外，另一件經常被網民恥笑的事件是無線勁歌金曲頒獎禮上領錯獎，事後一隊本地樂隊TONICK亦創作歌曲《關心菊英》抽水，甚至在演唱會邀來關心妍合唱，可見關心妍早已習慣自嘲。
20150630熱血時報 向高登潮文致敬 關心妍新歌自嘲「關家姐」