24 – 九月 – 2015 – 關心妍國際歌迷會

2015年9月24日香港電台第二台 Made in Hong Kong

主持人：李志剛、區文詩

活動公布：2015年9月26日葵青區議會30載同樂日

關心妍國際歌迷會：

葵青區議會30載同樂日
日期：9月26日(六)
歌迷集合時間：2:00pm
心妍到場時間：2:30pm
地點：葵涌運動場(港鐵葵芳站C出口步行約5分鐘)
報名方法：聯絡會長廉報名(電話：6137 3107，Facebook：Lim Jadefan)

2015年9月24日 On.cc東網曾想為情自殺　關心妍認情路坎坷

【on.cc東網專訊】歌手關心妍（Jade）現身電台宣傳新歌《人生銀行》，Jade表示今次是由黃偉文（Wyman）填詞，為她總結了一路以來的失戀歌：「Wyman好了解我，覺得依家唱喊嘅歌好似說服力唔太高，係時候將啲傷痛放低，放低啲唔好嘅嘢，我覺得依個時間、依個身分唱最啱。」

Jade又講到其中幾句歌詞唱中了自己上半生情路坎坷，但現在幸福的狀態， Jade直言以前在愛情上好傷痛，但最重要是最終等到有緣人，她又自爆做歌手前曾經差點為情自殺：「以前我咩都以個男仔為主，後嚟開始諗自己人生意義，初初做歌手時都諗過到底一齊定係做歌手，最後都係做歌手，人生有一個咁嘅人就夠。」她又講到當時曾經經歷對方結婚做爸爸，而自己仍是單身：「都真係有啲後悔，但十年後知道，係最好嘅未嚟啫，首歌都想同大家講，未搵到唔好灰心。」

講到下個月結婚六周年， Jade表示因為最近太忙沒時間準備慶祝活動和禮物：「上年係五年木婚，我整咗一Set Harry Potter木公仔畀佢，都唔係難諗，我鍾意自己親手整。」Jade又謂因為澳門演唱會的日子和紀念日相近，所以要戒飲戒食，有問老公可否推遲慶祝，問到有否期望收到禮物？ Jade表示：「冇呀，我叫佢唔好浪費錢，捐去我個慈善基金好過，要不停用先有價值，又可以減少佢痛苦，唔使諗，我籌款又唔使咁辛苦。」

關心妍話自己喺愛情上好傷痛。

仲有諗過自殺添！

但係依家就知道，只係最好嘅未嚟啫！

2015年9月24日蘋果日報(即時娛樂) 【人生銀行】自爆險為情自殺關心妍：同男友糾纏好多年…

人妻關心妍（Jade）今日喺商台宣傳新歌《人生銀行》，佢話首歌係總結自己咁多年失戀嘅情歌，仲搵咗黃偉文（Wyman）寫詞，係講大家要忘記以前傷痛，唔好掛住以前，要放低，佢話：「首歌有句歌詞話上半生不太順暢，以前我嘅愛情，都好痛苦好傻，0依家就搵到自己老公。」

Jade話以前啱啱做歌手時，試過差啲為情自殺，然後先諗自己人生意義，佢話：「嗰時讀大學，咩都以男友為主，同呢個男仔糾纏好多年，但如果我決定要做歌手，就要抉擇同唔同佢一齊，因為佢係20幾歲就要結婚，之後我決定搵自己夢想。」

Jade話中途見舊男友結婚生仔，自己仲係單身，有時都會後悔會唔會揀錯，但原來自己最好嘅喺未來啫。Jade話下月係同老公拍拖同結婚周年，結婚已6周年，會自製禮物送畀老公，不過咁啱撞正下月底澳門演唱會，可能要之後先慶祝，佢話：「老公話冇乜所謂，佢都話做嘢緊要啲，其實近年我會叫老公唔使送禮物比我，將錢捐去我嘅慈善基金仲好。」

關心妍到電台谷新歌《人生銀行》。

2015年9月24日明報OL 【星級Pet Pet】關心妍感激愛犬共度風雨

影片: http://ol.mingpao.com/php/celebrity3.php?nodeid=1443063621721&subcate=exclusive&issue=20150924

【明報專訊】關心妍（Jade）的兩隻愛犬分別是Yogi及Butter，Yogi是中型狗，但跟茶杯貴婦犬Butter放在一起時，總是成為巨狗，幸好兩隻狗年紀相距甚大，不會有太多衝突。Jade感激Yogi陪伴她入行多年來的風風雨雨，婚後Yogi還多了一個使命，就是代替她成為Jade媽媽的一個伴侶。

記者：楊安莉

攝影：孫華中

Jade身邊的兩球白色毛毛團，一球大，一球細，正是Yogi跟Butter兩兄妹。牠們可愛到不得了，而且面對鏡頭都眼仔睩睩，淡定穩妥，攝影師一呼叫名字，就乖乖望鏡頭擺甫士，獲一致好評。15歲的Yogi是牧羊混貴婦狗，Jade初入行時買回來的寶貝，多年來見證過她很多重要時刻，感情非常深厚。她說：「Yogi以前常常陪我接受雜誌訪問，經歷我很多事業上的高低起跌，出碟、演唱會、拍拖、結婚等，所以望到牠就會想起很多很多美好的回憶。」

委派Yogi代女陪母

只有兩歲的Butter是Yogi的延伸，2009年Jade跟楊長智結婚，婚後兩夫妻希望養小生命；後來，老公在某一年的情人節把Butter帶回家，逗得Jade非常開心。茶杯貴婦犬Butter身形嬌滴滴，惹人垂憐，兩夫婦都對牠愛護有加。Jade表示：「結婚之後，我很怕媽媽不習慣自己一個人，所以就派Yogi做大使，代我去陪伴媽咪。我們跟媽咪都住得很近，兩隻小狗很多機會見面。有時候我們去旅行，都會去我媽咪家暫託，非常習慣一齊生活。」

表現忠心老公沒地位

Jade透露由於Yogi是大長輩，Butter所有事都像「跟屁蟲」一樣跟Yogi做，例如Yogi喜歡打側喝水的壞習慣，Butter都要學到足。Jade稱：「平日我比較多時間負責照顧牠們，所以當然是比較嗲我，老公都很惜牠們，但狗仔很忠心，只會選一個人為主人，所以老公在牠們心目中沒有地位。」

Butter膽小很怕人

Jade有空就會教兩隻狗做動作，並即場表演坐下、握手、趴下跟轉身，只要手上有零食，兩隻狗都乖乖就範。Butter由於不太習慣場地的沙發，不肯翻滾，Jade都耐心細語教牠、逗牠；雖然最終Butter未能成功完成任務，但Jade理解牠的心態都不會夾硬逼她，絕對是好主人。她說：「其實Yogi比較親民，所有人都可以摸牠或跟牠玩，有零食的話都會做動作；但Butter膽很小，很怕人，起初來我家，一直都惜我，惜幾分鐘都不停，當我奶嘴般看待，可能是缺乏安全感。有時候唱片公司的工作人員或助手去摸牠，牠都會嚇到震，很怕生保。」Jade表示養寵物就視如子女般看待，可以培養出耐性及愛心，將來有小朋友就同樣會細心去照顧，希望將來不會跟寵小狗一樣寵壞子女。

場地：糖街CEO Neway

服裝：GERMAIN

化妝：Cyrus Lee

髮型：Sev@Hair Culture