關心妍（Jade）接受訪問時透露懷孕快六個月，每早六時被BB踢醒，又說近日肚子突然大了很多，皮膚撕裂十分痕癢，幸好暫時未有肚紋，但都要努力搽Cream及忍手不可抓。
腹大便便的Jade笑言開始有「論盡」感覺，希望盡快做完手上工作全面停工，不過BB性別要待復活節及清明假期後復工才出報告，心情忐忑不安，她與老公都恨生女，希望開口中。
Daily Archives: 2016-03-31
2016年3月31日 【壹週刊】陀B五個月 關心妍個肚被集郵
關心妍（Jade）幾經辛苦，終於同老公楊長智造人成功，家下腹中塊肉已經五個月大，預產期係七月中，到時將會剖腹生產，喺呢度《壹》仔預祝阿Jade生產順利先。不過講時講，阿Jade個肚仔都開始現形，亦因為咁，成為匪徒目標，sorry係朋友目標至啱，人人都爭住同佢個肚合照。
尋日許廷鏗同欣宜，就喺街捉實阿Jade集郵，而佢哋嘅留言都係圍繞阿Jade肚皮嘅，好似許廷鏗話：「唔係好多時候，個肚仔同我有得揮。」有自知之明。而欣宜也加入自嘲：「第一次同Jade影相係佢個肚大過我。龔（梗）係要chok爆先得啦！」
2016年3月31日 Roadshow 訪問
心妍今天於荔枝角接受 #roadshow紅人館 訪問，大家密切留意播出日期啦❤
2016年3月31日 蘋果日報 (即時娛樂 ) 【每朝被BB踢醒】關心妍懷孕近6個月：點都話係女
關心妍（Jade）今日喺荔枝角接受RoadShow紅人館訪問，懷孕近6個月嘅Jade，表示呢幾日個肚大咗好多，突然倍升，覺得好論盡，每朝6點就會被BB踢醒。知道仔定女？Jade稱要等清明節假期之後，先可以照。覺得係仔定女？佢話：「點都話係女，希望講中啦，因為好恨生女。」
由於個胎大得好快，所以Jade指條腰成日都好攰，不過唔使帶腰封；雖然暫時未有肚紋，但佢已經不時搽cream，佢話：「要忍手唔好『R』，0依家係另一種辛苦。」
問佢係咪買咗BB用品？Jade話：「買咗床仔，因為去甲醛都要3個幾月，所以買得嚟都差唔多，但因為未知BB嘅性別，所以其他嘢、衫褲鞋襪都未買。」Jade仲話佢老公好鍾意女，講笑咁話如果佢今胎生仔就唔會多理。老爺奶奶想唔想要個孫仔？佢稱：「有個孫已經好開心，因為等咗咁多年，所以都唔理性別。」
提到劉德華老婆朱麗倩成功接受人工受孕，問Jade有冇試過？佢講：「有考慮過，但我仲有時間，如果40歲前都冇，就有呢個打算，不過好幸運地，演唱會之後就有咗，其實最重要都係要調理好身體，身體唔好做乜都好難。」
2016年3月31日 On.cc東網 懷胎六月 關心妍爆BB每朝六點做晨操
【on.cc東網專訊】 已懷胎六個月身孕的歌手關心妍（Jade）接受訪問，穿上黑色衫的她明顯「肚凸凸」，Jade坦言這幾天肚圍明顯幾倍數急升，令她感到有點「論盡」，而近日更開始不夠瞓，因每朝六時就被BB在肚內踢醒，BB不停動踢，像在做「晨操」。
兩公婆渴望生女
問是否已知BB性別？Jade謂：「未知，仲係復活節假同清明假，要過晒工作日先有報告出。」感覺是男還是女？她笑言：「點都話係女，希望可以話中，因為我同老公都恨女，女仔顧家啲，不過，因為肚愈嚟愈大，都開始腰痛。（帶孕婦腰封？）未需要帶住，因為我之前肚度冇乜脂肪，所以當佢漲起嚟先拉到好痛。」可有肚紋出現？Jade謂：「暫時未有，都多謝好多贊助商送嚟護膚油同cream畀我，我亦好努力搽，好痕都忍住手。」
曾考慮人工受孕
講到日前被拍到買BB床？Jade謂：「因未知性別，所以只係買咗張BB床，其他衫同奶樽都未買得住。」講到兩公婆恨生女，問是否已過奶奶一關？Jade謂：「佢有孫抱已經好開心，等咗咁耐！（之前咁耐未有，有冇諗過人工受孕？）都有考慮過，但覺得仲有時間自己試，如果四十歲前都未有就會試，好彩做完演唱會冇幾耐就有，不過，用乜嘢方法都好，調理好身體先係最緊要。」
懷胎六月的關心妍大談孕婦心情。
講起肚入面阿B就開心。
關心妍表示仍未知BB性別。
2016年3月31日 星島日報 關心妍懷胎6月覺論盡 望早日停工安胎
關心妍（Jade）接受訪問，她透露懷孕快6個月，每朝6時被BB踢醒，發覺近日個肚突然大了很多，皮膚撕裂十分痕癢，幸好暫時未有肚紋，但都要努力搽Cream及忍手不可抓。
腹大便便的Jade笑言，開始有「論盡」感覺，希望盡快做完手上工作全面停工。至於BB的性别？她稱要過了復活節及清明假期回復工作日才出報告，故還未知道，令她心情忐忑不安，她與老公都恨生女，望開口中。（攝影：余潤娟）
Jade未知BB性別但坦言明恨生女。