關心妍懷孕4個多月，今日喺屯門拍攝MV《空心人》，肚子微隆由助手扶著出入，亦帶備輕便消毒器。
上圍升級嘅關心妍笑言：「未見過自己咁震撼，估唔到幾個月已經咁澎湃。」佢又指下月就知道BB性別，但兩公婆比較鍾意生女，預產期就約喺佢嘅生日(7月)，問到佢會唔會剖腹生產？佢表示：「未知，但首先要book床位，聽講都好緊張。」
至於，老公楊長智會唔會有任何獎勵，關心妍稱：「應該係我畀佢，今年係拍拖連結婚10週年，都等咗咁耐先有，已經等咗好耐。」關心妍亦大晒幸福，笑稱自己有老公悉心照顧，唔使工作嗰陣，就留喺屋企，佢稱：「佢好緊張，仲有朋友提我有乜注意。但家中細狗最初知道後，發脾氣亂屙尿，o依家接受咗，我都日日講。」
