2016年2月24日 東方日報 關心妍佗B升Cup:未見過咁震撼

早前宣布有喜的歌手關心妍(Jade)昨日為新歌《空心人》拍MV,更特別帶備消毒機到拍攝場地。因佗B令身材急速「升Cup」,Jade不禁自誇「好震撼,好澎湃」,透露下個月便得悉BB性別,預產期好有可能於她七月的生日周出世。

Jade懷有身孕後首度公開露面,為新歌拍MV,因在廢置廠房內拍攝,Jade特別帶備消毒機在身邊,Jade為保身子而穿上黑色大長褸及波鞋,明顯肚凸凸的Jade表示已懷孕四個多月,初期都有又嘔又暈,現在都沒有了,所以BB都好乖好錫媽媽。

老公鍾意女
講到BB性別,Jade謂:「下個月就知喇,我同老公都鍾意女,而公司同事都有開盤估我生仔定生女。」問她上圍是否明顯升Cup?Jade笑言:「一生人未見過咁震撼嘅畫面,冇諗過幾個月已經咁澎湃,未試過咁形容自己,都未到一半時間,遲啲唔知點算。」Jade承認初期都有狂食,一個月已肥了10磅,現已減少亂吃及多注重營養食物。Jade笑指身邊的朋友都變了「懷孕警察」,不時提她這個不能吃,那個又不能做,現除工作外已足不出戶。

仲未有床位
Jade又表示老公現在已好緊張,對於是否自然分娩?Jade稱很大機會在她生日周出世,但如果擇日開刀就要早少少,她大呼:「最緊要Book到醫院床位先,仲未有。」而Jade一向有養狗,問她可有因有BB棄養?Jade即言:「冇呀,不過細嗰隻呷醋,初頭係咁喺梳化同枱底屙尿,我後尾同佢講媽咪有咗BB,又畀佢伏喺我肚度,之後佢就冇嘢,所以狗係好有靈性。」

文:音樂組

懷孕四個多月的關心妍表示鍾意B女,而下個月就會知道BB的性別。

懷孕四個多月的關心妍表示鍾意B女,而下個月就會知道BB的性別。

關心妍由工作人員扶着到場,並帶備消毒機(小圖)。

關心妍由工作人員扶着到場,並帶備消毒機(小圖)。

關心妍現在已沒有孕吐,可以投入拍攝MV。

關心妍現在已沒有孕吐,可以投入拍攝MV。

Comments are closed