【on.cc東網專訊】 歌手關心妍（Jade）於7月誕下囡囡後，話咁快已經3個多月喇，今日Jade與老公楊長智就在中環一酒店為愛女楊榮心（Jovia）舉行百日宴，現場布置充滿童真，以白色及粉紅色為主，中間有巨型吹氣熊仔，旁邊有勁多心心氣球，睇嚟Jade落重本搞呢個百日宴，Jade仲貼心將百日宴分兩場舉行，先有自助午餐宴請親友，下午則以酒會形式招待好友，見Jade抱住囡囡同老公一齊切蛋糕，Jovia眼仔睩睩嘴嘟嘟十分可愛，一家三口十分幸福。
Jovia好合作冇瞓覺豬呀！
個巨型吹氣熊仔勁搶鏡。
Jovia眼仔睩睩好可愛。
一齊切蛋糕，場面溫馨。