2017年10月26日 《100毛》第239期封面專題 【今次得獎嘅真係你呀!!關心妍!!】

今次得獎者係……關、心、妍!
真係你,恭喜晒!

由拎錯獎到真係拎獎,關心妍憑嘅,就係一股「冇人嗌,都衝出嚟」嘅熱血精神。冇人嗌,就主動去唔同學校分享瘀爆經歷鼓勵年青人;冇人嗌,就主動去唔同機構幫助戒毒者同更生人士;冇人嗌,就主動成立「妍亮生命基金」,籌款幫助基層家庭小朋友。
點解要咁踴躍跑出嚟?答案好簡單,就係想幫助社會每一個有需要嘅人。
因為,冇一個人係冇用嘅。

聽關心妍分享,你會學到跌低之後應該點樣企返起身。
而當你畀人笑畀人鬧覺得自己好冇用嘅時候,你試下去做義工幫助身邊有需要嘅人,你就會發覺,世上每一個人都係有用嘅。
唔一定大家都要姓關,你都可以同關心妍一樣,用自己去燃亮他人。關鍵係,你肯唔肯付出你嘅時間同埋愛心。
義工,你今日做咗未?

封面攝影:Deric Wong Photography
髮型:Angus @hip Hair culture
化妝:Cyrus Lee

Agency for Volunteer Service 義務工作發展局

22712400_1389023021225341_7900794133807829895_o

untitled

學Jade Kwan 關心妍 Official Page話齋,原來你有心,都仲係未夠㗎,想做義工幫下人,最簡單直接嘅方法就梗係裝「義務工作發展局 AVS」呢個App啦~

傳送門: 義務工作發展局 Facebook
https://www.facebook.com/AVSHongKong/photos/a.535171546523441.120070.181161158591150/1894839500556632/?type=3&theater

2017年9月1日 on.cc東網 (即時娛樂) 關心妍唔使囡囡讀名校:最好可以行返學

歌手關心妍(Jade)出席歌唱比賽活動,問到愛女楊榮心(心心)是否已上學?Jade說:「未,只係返Playgroup。」隨即自封是「懵盛盛」家長,Jade說:「朋友話我知心心今年9月要報學前班,我真係唔知,所以唔會係怪獸家長。(讀名校?)唔使,近屋企就得喇,最好可以行返學。」Jade否認住半山,被問到是否搬到山頂?她說:「香港區啦,附近有女校同埋有一條龍升學嘅學校,自己唔太擔心,等上帝安排。」

Jade表示沒有逼女兒睇圖書及背數字,她說:「反而日日帶佢去玩,教佢禮貌同叫人,品德緊要,依家佢識Thank You,數字1至10佢遲早會識。」由於心心是Jade的心肝寶貝,身為人母的她自爆日夜抱女搞到整傷手,Jade說:「成日抱搞到扭親兩邊手,去睇醫生按到隻手瘀晒。」隨即打爛醋埕表示愛女只懂叫爸爸,Jade說:「對住我叫爸爸,我教佢叫媽媽,佢都係叫爸爸,冇辦法,仲未識叫。」

加盟Neway不久即大肚的Jade坦言與公司合約一而再、再而三延期,她說:「仲有兩年幾,其實同Neway嘅關係一直都好好,已經唔係合唔合約。」另外,同場的葉家寶講解是次唱歌比賽詳情,透露18個參賽者有12位唱英文歌,奪冠者將代表香港出席10月於緬甸舉行的世界賽。

Jade唔太擔心囡囡就學問題,表示等上帝安排。

Jade唔太擔心囡囡就學問題,表示等上帝安排。

囡囡現只懂叫爸爸令Jade醋意大發。

囡囡現只懂叫爸爸令Jade醋意大發。

Jade拒做怪獸家長。

Jade拒做怪獸家長。

愛女如命嘅Jade湊女時扭傷手。

愛女如命嘅Jade湊女時扭傷手。

葉家寶

葉家寶

2017年9月1日 on.cc東網 (即時娛樂) 關心妍唔使囡囡讀名校:最好可以行返學f

2017年7月23日 on.cc東網 囡囡1歲生日!關心妍開心到喊:感謝主

歌手關心妍(Jade)自從去年七月生咗囡囡楊榮心之後,周不時會喺社交網站上載囡囡嘅萌照,紀錄低心心嘅成長過程。

話咁快就已經一年,之前心心嘅契媽周雪芳就同心心預祝咗1歲生日,而今日就係心心嘅正日生日,Jade就喺社交網站上載咗佢哋一家三口嘅合照。身穿彩色長裙嘅心心,咬住自己嘅手指,好乖咁畀媽咪抱住,而且仲眼定定望住鏡頭,認真可愛!

Jade留言:「Happy birthday #joviayang 1歲生日快樂!今朝攬住你媽咪喜極而泣因為你轉眼一歲。感謝主賜這可愛小天使給我! #mummylovesyou #godbless #沖繩 #uzaterracebeachclubvillas #就地取材自己佈置花backdrop @yangjonas」見到囡囡開開心心咁成長,真係為人父母嘅先知道呢份開心同感動。

去旅行慶祝 

而Jade亦透露佢同老公帶埋囡囡到日本沖繩慶祝生日,Jade越洋接受東網訪問指:「特別帶囡囡去旅行,上飛機時都有擔心,因為佢係第一次坐飛機,好多父母都驚BB上機、落機啲氣壓問題。而我就特登畀佢飲奶,好感恩佢飲咗奶好快就瞓咗9個字,喺飛行途中都OK,到準備落機時我又畀奶佢飲、畀啲嘢佢玩,佢都冇扭計、冇喊。」 

到咗沖繩後,Jade本來諗住帶囡囡去沙灘,點知沖繩太熱,去到夜晚7、8點先日落,因為太陽好猛嘅關係,所以Jade最後都冇帶佢去沙灘,佢話:「帶佢出去有啲難度,因為驚佢曬親,最後只好帶佢去泳池游水,但佢都好開心,見到每樣嘢佢都係咁叫,好多嘢佢都未見過,見到佢咁嘅樣,自己都好開心。」 

Jade笑言預備咗好多浮床同囡囡玩,本來想拎去沙灘,最後拎晒落泳池同佢玩,好彩心心都玩得好開心,Jade表示:「佢一樣咁開心,囡囡喺香港都練過一陣水先過嚟,所以佢嚟到喺泳池游水都習慣。」

生日快樂呀心心。

生日快樂呀心心。

關心妍仲開心到喊添。

關心妍仲開心到喊添。

見到BB健康咁長大其實係最好嘅禮物。

見到BB健康咁長大其實係最好嘅禮物。

心心白雪雪似足媽媽。

心心白雪雪似足媽媽。

關心妍IG

關心妍IG

佢哋一家人仲去咗旅行!

佢哋一家人仲去咗旅行!

囡囡好Cute cute呀。

囡囡好Cute cute呀。

仲有玩水嘅相添!

仲有玩水嘅相添!

2017年7月23日 明周娛樂 關心妍替女兒拍寫真 「友誼小姐」招呼歌迷

自從誕下女兒楊榮心後,關心妍Jade全心湊女,本月二十三日便是心心一歲生日,Jade和老公楊長智一家三口到沖繩慶祝女兒第一個生日。

已有差不多兩年沒有錄新歌的Jade,趁出發時與歌迷小聚會,Jade的生日跟女兒只相差數天,歌迷為兩母女一起慶祝,只有一歲的心心,剪了冬菇頭亮相,皮膚白皙十足公仔一樣,非常可愛。

每年生日都會跟歌迷見面的Jade,自懷孕到心心出世,都未有再辦歌迷聚會,本月心心剛好一歲,Jade決定帶女兒跟歌迷見面。五十位歌迷一早就到場佈置,見到Jade抱住心心進來,大家都十分驚喜,見到很多哥哥姐姐,心心一臉茫然,Jade抱住心心和歌迷逐一say hello,Jade說:「差不多有兩年沒有見歌迷了,他們很多都未見過心心,今次就帶她讓大家見面,心心好似『友誼小姐』滿場飛,一直都很冷靜,直到切蛋糕,可能被大家的拍手聲嚇親,心心就喊了幾聲,不過面對五六十人,心心的表現算幾叻了。」

心心幫忙揀歌

在場歌迷,很多都是跟住Jade出道,十多年感情,大家就好像朋友,Jade亦不時在網上跟歌迷update近況,大家知道Jade做了媽媽後,放了不少時間在家庭,尤其是專注湊女兒,都沒有催Jade出新歌,但今次見到心心開始長大,大家開始有「牢騷」,Jade說:「其實一直都有音樂人寄demo給我,有時在屋企和心心一起聽,她對音樂很敏感,我會問她『這首好唔好?』但她每一首都笑笑口,哈哈!」有歌迷拿出Jade出道時推出過的卡式帶,Jade一見就喊,「嘩!真的很感動,其實大部分歌迷都是由出道認識,到我結婚、生BB,大家見證大家的成長,我都估不到自己會喊,最感動是他們找到我出過的卡式帶,是頭幾張專輯推出的,我自己都沒有,真的好珍惜。」
心心第一個生日,Jade和老公早在幾個月前已計劃要到沖繩慶祝,讓心心感受一下陽光海灘,始終第一次帶女兒旅行,Jade都做足準備,反而自己的行裝就非常簡單,出發前更幫心心買了幾套小泳衣,Jade說:「心態真的不同了,以前叫老公幫我影相,現在我們做了攝影師,整個電話裏都是心心的寫真。」

■ 撰文:劉家倫 部分圖片來源:關心妍facebook

歌迷準備了Jade鍾意的Melody蛋糕,和一個母女造型蛋糕,被眾人圍住的心心,初時還表現冷靜,後來被掌聲嚇親。

歌迷準備了Jade鍾意的Melody蛋糕,和一個母女造型蛋糕,被眾人圍住的心心,初時還表現冷靜,後來被掌聲嚇親。

兩年沒有見歌迷,聚會有一半時間都是拍照,Jade當然不會介意,這邊Jade影相、那邊有人抱住心心做「佈景板」,滿足歌迷。

兩年沒有見歌迷,聚會有一半時間都是拍照,Jade當然不會介意,這邊Jade影相、那邊有人抱住心心做「佈景板」,滿足歌迷。

一家三口出發到沖繩慶祝,期待穿水著的心心寫真呢!

一家三口出發到沖繩慶祝,期待穿水著的心心寫真呢!

Untitled-collage-15-5-1024x536

Untitled-collage-16-5-1024x536

Untitled-collage-17-4-1024x536

2017年7月16日 心妍生日會2017

心妍生日會已於7月16日於葵芳 Comfortland Party Room舉行, 當日心妍更帶同囡囡心心ㄧ齊到來, 妍迷都好高興第ㄧ次見到心心, 妍迷亦送上以心妍同心心為主題造型蛋糕, 當然不少得 Melody 蛋糕,心妍亦為大家獻唱多首歌曲。 以下送上當日部份活動花絮片段:

( 鳴謝幹事 立 及 妍迷 陸兆明 協助拍攝 )

Source : Jade Kwan 關心妍 Official Facebook Page

活動公布:2017年7月16日 心妍生日會2017

關心妍國際歌迷會:

活  動:心妍生日會2017
日  期:2017年7月16日 (星期日)
集合時間:1:30pm
集合地點:港鐵葵芳站A出口
時  間:2:00pm-5:30pm
地  點:葵芳某大廈的派對房(交了生日會費用後會收到確實地址)
名  額:50人(如果報名人數多於50人,會優先把名額給予多參與歌迷會工作和活動的歌迷)
費  用:每人$220
報  名:聯絡會長廉(6137 3107)
報名日期:6月25日星期日或之前

jadebparty2017