2015年7月31日 壹週Plus 36歲生日收香蕉 關心妍被催「招仔」

今日(31日)是關心妍36歲生日,會跟老公和朋友食飯慶祝。而前晚(29日),她就跟粉絲舉行派對預祝,由於她近期愛上《迷你兵團》(Minions),派對以此作主題,粉絲大多送上Minions系列的禮物。但有一個女粉絲卻別出心裁,竟然送了梳香蕉給她,原來是祝她早日招到個仔。關心妍好玩得,索性拎住梳蕉同大家合唱新歌《關家姐》,繼續自抽!

之後粉絲送上公仔生日蛋糕給關心妍,公仔是她開個唱時的pink lady造型,粉絲更預備一個粉紅色假髮給她,讓她即場變身,襯番個蛋糕!

2015年7月27日 頭條日報(即時娛樂) 關心妍唔怕被催生B

已結婚將近6年的關心妍(Jade)到TVB節目《今晚睇李》當嘉賓,坦言不怕被催生BB,因為其新歌<關家姐>成為最近網上潮文,能夠頂一頂,因為話題會吸引過生B。節目開始前,Jade已揚言有心理準備被「玩嘢王」李思捷玩,所以抵死要求唱完歌,才跟思捷做訪問會安樂一點。(攝影:余潤娟)

2015年7月27日   頭條日報(即時娛樂)   關心妍唔怕被催生B

關心妍揚言預了被思捷玩。

 

 

2015年7月27日 東網娛樂

【on.cc東網專訊】 藝人鍾麗緹與男友張倫碩、關心妍、蘇志威等在將軍澳電視城為《今晚睇李》擔任嘉賓,鍾麗緹以性感打扮與張倫碩為內地真人騷節目《如果愛》第二季宣傳。鍾麗緹要求張倫碩唱《月亮代表我的心》給她聽,張倫碩隨即清唱。問鍾麗緹是否冧到爆?她說:「好冧,好感動,等我冧吓先,好舒服、好有安全感。」張倫碩則指看見鍾麗緹就心情緊張,唯有唱歌時才回復正常。

鍾麗緹大讚張倫碩氹小朋叻,問到她三個小朋友可接受她拍拖?鍾麗緹說:「佢哋細個唔知,只係見媽咪好開心,同佢一齊好有family嘅畫面,好甜蜜、感動,見到佢好有家庭感覺。」鍾麗緹表示當年選華姐後未試過拍電視劇,有興趣一試,她說:「聽講拍劇好辛苦,每日得兩個鐘瞓,其實拍真人騷都每日廿幾個鐘,都已經習慣。」

關心妍在節目唱新歌《關家姐》,並表示會與主持李思捷探討「關家姐」這個網上潮文。問關心妍驚唔驚被追問生BB問題?她笑言現在《關家姐》話題應該吸引過生B話題。需要在節目中會飲兩杯的關心妍又自言酒量好,平時會同老公飲番兩杯。

2015年7月27日  東網娛樂a

2015年7月27日  東網娛樂b

2015年7月27日 蘋果日報(即時娛樂) 【點認?】關心妍開生日P 要朋友cosplay「關家姐」

今日關心妍(Jade)去到商台宣傳新歌《關家姐》,關心妍今個星期五就會踏入36歲,結咗婚之後一直都恨做媽媽嘅佢,生日願望除咗係身體健康,最想就緊係生個BB。後日關心妍就會同一班歌迷開生日會慶祝,至於正日就會同一班好朋友開party慶祝。

生日大晒嘅Jade話:「我已經叫咗大家要扮關家姐,一係要着黃色扮minions,因為我好鍾意,迫大家扮吓,唔扮就要罰,要着minions嘅工人褲。」Jade笑言派對當然預埋老公一份,人人有份,還自爆平日都有玩cosplay:「都鍾意0架,冇咁悶,之前玩扮職業。」

2015年7月27日  蘋果日報(即時娛樂)  【點認?】關心妍開生日P 要朋友cosplay「關家姐」a

關心妍(Jade)去到商台宣傳新歌《關家姐》。

關心妍(Jade)去到商台宣傳新歌《關家姐》。