【on.cc東網專訊】 歌手關心妍（Jade）有份出席電台台慶音樂會表演，身穿黃色連身裙加黃色高踭鞋的她與動畫電影《玩轉腦朋友》的角色「阿樂」近似，她表示：「關家姐係開心嘛，阿樂又係黃色，想睇吓大家睇唔睇得出，依家市道唔樂觀都想帶歡樂畀大家，所以都唱啲輕快嘅歌，希望觀眾帶住開心走。」
近日股市動盪，她指有朋友陷入股災中，她則希望大家樂觀面對：「我經歷過咁多搞笑嘢，有乜慘得過我。」Jade表示家人都有買股票，問自己有否受影響？她說幸好因要調動資金，於早前已出售股票，她亦跟朋友說笑指近日不要看股市，股市總會回升，至於有朋友向她借錢求助？她表示：「暫時未有，但朋友問到會借，雪中送炭好重要，萬大事都會過。」
另問到有否連帶影響工作量？她坦言歌手市道一直不太好，雖然一直有工作，但亦是大陸或海外工作，她表示大多數時間都花在自己創立的基金，與社企合作，幫青年人創業：「咁做唔係為賺錢，但我唔識，未請到人，要再了解多啲，始終自己創業嘅話租舖都好貴，賺錢好難，所以希望畀筆錢青年人，點樣將錢運用去搵佢哋夢想，我想花時間同心機去社會上面，幫年青人仲有用過搵錢。」
關心妍創立基金與社企合作，助年青人圓創業夢。
近日股市波動，關心妍表示因早前要資金周轉，已經放晒手頭上的股票，所以未出現損手的情況。
關心妍希望帶歡樂畀大家。