2016年10月19日 On.cc 東網 關心妍帶囡囡打針　網友大讚精靈可愛

【on.cc東網專訊】 歌手關心妍（Jade）今年七月誕下愛女楊榮心，升呢人母嘅佢最近停工照顧囡囡，但亦不忘喺網上分享湊女嘅幸福點滴。Jade呢日喺社交網分享帶囡囡打針，仲自爆當時囡囡好乖冇扭計好叻叻，Jade留言話：「打針都算好冷靜，媽咪就放心哂（晒）。」唔少網友見到後大讚Jade嘅囡囡好乖巧，仲話佢只係約三個月大，頭髮已經生得勁濃密，而且眼仔睩睩好精靈，認真CUTE爆！

媽咪抱抱！

B女3個月大已經超多頭髮！