網台ChillGOOD ，最近推出新節目《靚媽圍爐》，邀請關心妍（Jade）、孫慧雪（阿雪）以及張美妮三位星級靚媽 一同任主持，每集均在影片內分享當人妻人母後的苦與樂，分享育兒資訊及心得，三人準備由修身扮靚、養生補身、生仔秘方、湊仔苦與樂、選校資訊、面試心得以至婆媳關係，都會在這個節目中一一跟大家分享。
何解這三位大纜都扯唔埋的靚媽，會合作拍《靚媽圍爐》？Jade說：「我哋做《靚媽圍爐》因為我哋都係媽媽，小朋友的年紀又相近，正好透過節目與大家分享我們的經驗，而觀眾又可以留言俾我哋互相交流心得，我覺得好好呀。」
而育有1歲半女兒的美妮虛心表示，自從懷孕後渴望在網上平台找育兒資訊，遇上《靚媽圍爐》覺得像明燈一樣，做了這個節目之後，自己更獲益良多，希望日後可以與媽媽觀眾們一起開心share ，互相幫助下揍仔更得心應手。
在facebook和instagram擁有近50萬粉絲的阿雪，2017年由宅男女神搖身一變賢妻良母，從此事業湊B兩兼顧，接拍《靚媽圍爐》阿雪笑言：「我好鍾意講嘢，又唔好意思唔湊仔，拍《靚媽圍爐》啱晒，我同老公講我去拍節目你湊仔！」
首兩集節目，美妮坦白大爆餵人奶經歷，自己如何發生噴射式人奶噴上天花版瘀事，三人又會向觀眾分享，有錢請陪月都要點小心，更因為講得太開心，連求子期老公瘀事、各種閨房招式，如何迫老公進補等等，所以三人均異口同聲說，「個節目我希望我老公同奶奶都唔好睇，哈哈！」