Author Archives: Veronica

關心妍懷孕4個多月，今日喺屯門拍攝MV《空心人》，肚子微隆由助手扶著出入，亦帶備輕便消毒器。

上圍升級嘅關心妍笑言：「未見過自己咁震撼，估唔到幾個月已經咁澎湃。」佢又指下月就知道BB性別，但兩公婆比較鍾意生女，預產期就約喺佢嘅生日(7月)，問到佢會唔會剖腹生產？佢表示：「未知，但首先要book床位，聽講都好緊張。」

至於，老公楊長智會唔會有任何獎勵，關心妍稱：「應該係我畀佢，今年係拍拖連結婚10週年，都等咗咁耐先有，已經等咗好耐。」關心妍亦大晒幸福，笑稱自己有老公悉心照顧，唔使工作嗰陣，就留喺屋企，佢稱：「佢好緊張，仲有朋友提我有乜注意。但家中細狗最初知道後，發脾氣亂屙尿，o依家接受咗，我都日日講。」

【on.cc東網專訊】 早前宣布有喜的關心妍（Jade）今日為新歌《空心人》拍MV，因在廢置的廠房拍攝，Jade特別帶備了消毒機在身邊，而Jade為保身子穿上黑色大長褸配上黑色波鞋，Jade明顯肚凸凸，表示已懷孕四個多月，初期亦有又嘔又暈，現在就沒有了，所以BB都好乖好錫媽媽。

狂食一個月肥10磅

講到BB性別？Jade謂：「下個月就知嘞，但我都老公都鍾意女，而公司同事都有開盤估我生仔生女。」講到上圍已明顯升級？Jade笑言：「一世人未見過咁震撼嘅畫面，冇諗過幾個月已經咁澎湃，未試過咁形容自己，依家都未到一半時間，遲啲唔知點算。」Jade承認初期都有狂食，所以一個月已肥了10磅，現已減少亂食，會注重營養。問到可有轉飲食口味？Jade謂：「鍾意食點心，所以咁快就肥咗6，7磅，依家就穩定番。（有冇凌晨突然想食嘢要老公去買？）又冇，冇咁陰功。」Jade笑言身邊朋友們都變了「懷孕警察」，不時提她這不能用，那個又不能做，而她除工作外，已經禁足不能外出，因她本身有藥物敏感，所以不能病，怕病了不能服藥。

懷孕令愛犬呷醋

問到老公是否變得好緊張？Jade表示：「佢本身係緊張嘅人，所以仲緊張。」而Jade一向有養狗狗，問可有因有BB而棄養？Jade即言：「冇呀，反而隻細狗Butter喺我有咗1、2個月時，佢好似知道我有咗，平時好聽話嘅佢就竟然亂咁喺梳化同枱底屙尿，佢應該係呷醋，我後尾同佢講媽咪有咗BB！又畀佢伏喺我肚度，之後佢就冇嘢，所以狗係好有靈性。」

關心妍為新歌《空心人》拍MV。

關心妍心情大靚。

關心妍帶埋消毒機現身。

關心妍認佗B升Cup，仲話一世人未見過咁震撼嘅畫面。

關心妍現時佗B四個幾月，着波鞋拍MV，咁就乖喇！

Jade去邊，都有扶實！

Jade透露因為懷孕初期狂食，令佢一個月肥10磅。

Jade明顯肚凸凸。

Jade透露下個月就知BB性別！

愛狗之人的關心妍（Jade），與老公楊長智視愛犬Butter和Yogi如子女看待。農曆新年前夕Jade宣布懷有身孕，終於成功造人孕育自己的孩兒，卻被老公嘲笑她會將愛犬打入冷宮。Jade揚言對愛犬不離不棄，不會因為BB而分薄對牠們的愛，因Butter和Yogi帶給她很多開心時刻與回憶。

柔弱寶貝

Jade的愛犬Butter是日本品種的迷你茶杯貴婦犬，現年三歲，體形嬌小，眼仔圓碌碌惹人憐愛。膽小的Butter面對陌生人會害怕得騰騰震，躲在Jade懷中，但一見到愛吃的狗餅，即變了另一個樣，乖巧兼有求必應，聽從Jade做出多個動作，包括：握手、坐下、站立、轉身、趴下滾動、扮睡覺，非常趣緻，亦可見Jade平日用心教導。

另一隻比熊犬Yogi，是Jade入行時買來陪伴母親，嫁作人妻後便讓Yogi跟隨媽咪，但沒Yogi在身邊卻有點不慣，老公在2013年情人節送了Butter給她作禮物。回想起在寵物店第一眼覺得Butter有點醜樣，店員介紹她買Butter的細佬，但Jade覺得太過精靈，反而比較喜歡Butter那種茫然，看似很多心事，於是最終決定收養Butter回家。

由於Butter體形太過嬌小，Jade最初也擔心弄傷Butter，凡事都很小心，為免Butter跌傷不會放牠在高處，家中的沙發也很矮。她與老公不會跟貼Butter而行，避免踢傷。Jade放很多心機和耐性教導Butter，教得Butter非常乖巧，且十分聽從指令。她不讓愛犬吃人的食物，食飯的時候Butter就不會在身邊煩擾，她指媽咪給Yogi吃麵包，所以Yogi到食飯時間會撲上來纏擾。Butter亦不會亂吠，門口有人都只會像烏鴉般「吖吖！」叫。

不過Butter左後腳天生有膝蓋移位的問題，不能吃太飽過重，要揀選不致肥及對關節好的狗糧，每日三餐，每餐限吃四十粒，間中會給Butter吃香蕉或蘋果乾，並要游水做運動控制體重，讓Butter在家中浴缸游水半小時。

汪星影后

Jade笑指Butter有潔癖之外，亦是個「戲子」，愛引人注意，好戲得像個影后。牠又相當古惑，最鍾意「交屎交尿」，因最初訓練Butter如廁，如能在指定範圍內解決便有狗餅作獎勵，自此Butter就不時趁她與老公回家時，即在他們面前尿尿或便便博獎賞。談到Butter頑皮事，Jade指Butter不會咬爛主人物品，但卻喜歡咬牆角，有日見到Butter滿口粉，原來某處牆角被牠咬爛一大塊，修補後要貼膠防再咬爛。Jade表示不可以打Butter作懲罰，若隨處痾只會訓話，Butter見Jade抹地亦知衰，在狗屋內不敢出來，Jade會罰Butter坐在犯錯原地片刻。

愛B也可愛狗

Butter與Yogi年紀相差大，相處不太合得來，媽咪去旅行時，Jade會接Yogi回來，Jade指Butter不喜歡Yogi，因Yogi喜歡捉住Butter錫錫，Butter即扮死狗不動。當Yogi返回媽咪家，Butter就開心得四圍走。Yogi今年十五歲，Jade很擔心Yogi離去的一日，因牠之前試過中風抽筋，故她已有心理準備，但媽咪卻不肯面對：「我叫媽咪領養一隻，但媽咪說不，指Yogi長命百歲，會有二十歲命，我也擔心到這一日媽咪接受不來。但我亦不可將Butter寄養，所以我們不再談及此話題。」

Jade待愛犬如子女般，最近Jade向大家宣布喜訊，與老公終於成功造人懷猴B，Jade指老公笑她會將愛犬打入冷宮，她表示有BB也會繼續養狗，將愛分配給她所愛。問她會否為Butter找個伴？Jade指Butter在家不會悶，貪吃貪玩，又要做戲扮 ，得閒會咬牆，兼要游水減肥，加上Butter已絕育，因為腳天生問題，故不會讓牠配種。

資料來源 : 星島日報

Jade指即使家中會添 新成員，但也不會分 薄她對Butter的愛。

面對陌生人甚怕醜的Butter，卻非常乖巧，主人的指令一一照做。

面對陌生人甚怕醜的Butter，卻非常乖巧，主人的指令一一照做。

.Jade待Butter如自己子女般愛錫。

生得嬌小可愛的Butter是天生影后。

【on.cc東網專訊】 關心妍（Jade）在電台錄訪問中暢談入行逾12年，經歷過事業的高低起跌，自幼熱愛音樂的Jade，先後參加過加拿大電台舉辦的作曲比賽，她說：「攞過季軍，之後又參加咗新秀歌唱大賽加拿大總決賽，攞到冠軍。」本以為獲獎後便會順理成章的獲唱片公司賞識，繼而為她打開進入娛樂圈的大門，但Jade憶述：「當時嘅我又肥又唔靚，所以無公司肯簽我。」其後，她來港尋找機會，將錄有自己歌聲的錄音帶寄到大大小小的唱片公司，可惜皆石沉大海。

原來關心妍之所以能成為歌手，全靠關母，話說當年，關母把女兒的履歷表交到其髮型師手上，再由他轉交予行內某監製，這為Jade帶來一個真正機會，Jade說：「喺娛樂圈12年嘅經歷讓，到今天她明白到要全情投入、好好享受工作，先唔會不枉此生。」

關心妍入行12年經歷過事業高低潮。（資料圖片）

【on.cc東網專訊】 歌手關心妍（Jade）一向很喜歡農曆新年，因為有感新年氣氛很好，更可以一家人聚首一堂過節。Jade表示今年農曆新年是最特別的一年，皆因會佗住BB齊齊過猴年。

Jade表示喜歡農曆新年的原因，是可以買新衫，更可以瘋狂任食，但今年因為佗住BB而要戒口，她呻爆謂：「有好多嘢都唔可以食太多，例如自己最鍾意食蘿蔔糕，但係白蘿蔔比較涼，所以好多人都叫我一嚿起兩嚿止，惟有食年糕，但糯米又唔食得，茶又唔飲得，所以今年新年嘅賀年食品就冇得食咁多。」Jade又指成為媽咪感覺好奇妙，更覺得身邊充滿愛，她笑言：「出到街又好多人都恭喜我，好戥我開心！」

堅持下廚

Jade透露過往新年都會擔任大廚，雖然今年佗B比較累，亦不能站太久，但她仍堅持親自下廚，她說：「個個都叫我唔好咁操勞，但我就好想煮畀家人食，希望呢份心意家人感受到之餘，BB大個咗之後都可以好似我咁煮番畀我食！」

認真調理身體

談到BB性別，Jade不想透露，但她直言自己跟老公都較喜歡生女，因為可以幫囡囡扮靚。另外，她亦透露自己有keep住食花膠和喝紅棗水，幫助血氣運行，並堅持每晚泡腳，好好照料身體，生個肥肥白白的猴B。

Make up: Cyrus Lee
Hair: Angus @ Hip Hair Culture
Outfit: MOISELLE

關心妍呢個新年要忍口，真係陰公豬。

佢話唔食得蘿蔔糕。

又唔飲得茶。

糯米又唔食得。

母愛真係好偉大呀！

關心妍雖然咁緊張個B，但佢依然頂硬上為屋企人煮新年大餐，好好呀！

關心妍話有keep住食花膠同飲紅棗水，另外仲堅持泡腳調理身體。

關心妍話呢個新年充滿愛呀！

關心妍煮嘅鮑魚，個個都話好食。