2022年5月4日 頭條娛樂 (星島) 獨家丨關心妍力邀關菊英做嘉賓 欣宜MIRROR夾攻唔擔心紅館票房

2022年5月4日 頭條娛樂星島 獨家 關心妍力邀關菊英做嘉賓 欣宜MIRROR夾攻唔擔心紅館票房a

關心妍力邀關菊英做她入行20周年個唱嘉賓。

入行20年的關心妍(Jade)回顧「人生大事」,除咗結婚生女,一定要數到2009年喺TVB《2008年度十大勁歌金曲頒獎典禮》中攞錯關菊英獎項事件,將於6月4日及5日在紅館舉行《“約”20周年演唱會》的Jade望能徇眾要求請得菊姐出山做表演嘉賓:「唔使重提攞錯事件都夠爆,我覺得係人生中嘅烙印!」

採訪:方騫平 攝影:沈健程 化妝:Cyrus Lee 髮型:Adrian Au @ Salon Chemistry 服裝:Marella 形象:HY @V Chapter 場地:Pier 1929

關心妍和歌迷都成長咗,希望喺個唱上開心聚舊。

關心妍和歌迷都成長咗,希望喺個唱上開心聚舊。

疫情緩和,關心妍希望同歌迷見吓面。

疫情緩和,關心妍希望同歌迷見吓面。

關心妍出道4年即登上紅館開處女個唱,而第2次嘅紅館show喺10年前,今次係第3次,亦係首次嘗試做四面台,所以心情都特別興奮:「做一個演唱會要好努力同埋好堅持,做完今次之後都唔知幾時可以再成就到一個個唱,尤其四面台演唱會係香港獨有嘅嘢,作為一個唱咗20年歌嘅香港歌手,置身其中經已了咗心願,人生真係冇遺憾。」

雖然個唱籌備時間倉促,但關心妍諗起開到四面台都好興奮。

雖然個唱籌備時間倉促,但關心妍諗起開到四面台都好興奮。

關心妍出道第2年經已舉行迷你音樂會,感動到喊。

關心妍出道第2年經已舉行迷你音樂會,感動到喊。

18年前首次紅館個唱以性感tube top示人。

18年前首次紅館個唱以性感tube top示人。

對上一次個唱係7年多前喺九展開show。

對上一次個唱係7年多前喺九展開show。

入行最遺憾事件

講到入行後最遺憾嘅事,唔使講都估到係「攞錯獎事件」,Jade仍帶點耿耿於懷說:「呢個唔止係笑料,更加係烙印!但按觀眾民意,今次演唱會最想睇到菊姐,其次先到我囡囡心心,惟有順應民意。其實過時過節,我都會傳短訊畀菊姐,不過,暫時未搵到佢,聽聞佢唔喺香港,o依 家努力聯絡中。至於6歲心心未知會唔會上台唱歌,佢最想係表演我做唔到,而佢做到似模似樣嘅翻筋斗,但我要佢向爸爸申請,未知舞台能否配合所以唔敢答應佢住。而老公楊長智(Jonas)會負責迎賓及票務,因為得一個月籌備,時間緊迫要分工合作。」

關心妍攞錯獎事件被笑足13年。

關心妍攞錯獎事件被笑足13年。

關心妍囡囡最想喺紅館舞台表演強項翻筋斗。

關心妍囡囡最想喺紅館舞台表演強項翻筋斗。

關心妍最開心係建立咗個幸福家庭。

關心妍最開心係建立咗個幸福家庭。

唔蝕本已經好好

Jade感慨20年時間飛逝,疫情下所有嘢都唔同晒:「今次開兩場唔蝕本已經好好,既然投資者對我有信心,唔介意場館入座率限一半,所以決定唔好理咁多,做啦!20周年係個里程碑,趁住疫情緩和可以出到街,希望大家開開心心gathering。」提到被張敬軒、鄭欣宜、馮允謙、人氣男團MIRROR等夾住開Show,問到可會擔心票房問題?Jade坦言事前真係唔知係咁:「因為件事嚟得太急,唔要就冇期,20周年就冇得開…咁前後有晒人都幾熱鬧呀,希望啲人出返嚟睇show會有返啲信心。」而她為配合演唱會做新歌《約》送畀歌迷,歌曲會探討人生,疫情下可以約會已變成奢侈品,大家要好好珍惜。

MIRROR緊貼關心妍開show,佢話唔擔心得咁多。

MIRROR緊貼關心妍開show,佢話唔擔心得咁多。

關心妍將以湖水藍造型現身個唱。

關心妍將以湖水藍造型現身個唱。

關心妍下一個目標,會喺創辦嘅「妍亮生命慈善基金」加強發展兒童教育。

關心妍下一個目標,會喺創辦嘅「妍亮生命慈善基金」加強發展兒童教育。

https://std.stheadline.com/realtime/article/1834275/%E5%8D%B3%E6%99%82-%E5%A8%9B%E6%A8%82-%E7%8D%A8%E5%AE%B6%E4%B8%A8%E9%97%9C%E5%BF%83%E5%A6%8D%E5%8A%9B%E9%82%80%E9%97%9C%E8%8F%8A%E8%8B%B1%E5%81%9A%E5%98%89%E8%B3%93-%E6%AC%A3%E5%AE%9CMIRROR%E5%A4%BE%E6%94%BB%E5%94%94%E6%93%94%E5%BF%83%E7%B4%85%E9%A4%A8%E7%A5%A8%E6%88%BF?fbclid=IwAR0Ro-HfVn5xV3H7WfWWUMH2vhL_WYYhnXpUCt5CD7mcNjjSNzigL2FJ5pI

2021年12月20日 巴士的報 關心妍出道廿周年壓軸歌曲 忠實歌迷自薦填詞

2021年12月20日 巴士的報 關心妍出道廿周年壓軸歌曲 忠實歌迷自薦填詞a

Jade表示收到歌之後感動落淚。

關心妍(Jade)剛推出療癒專輯《Emergence》,收錄《腍》、《愛的告別式》、《原諒的力量》,更有20周年壓軸傷情歌《那些傷我也有過》。專輯名《Emergence》,Jade認為非常有意思,「這個字意思是『從困境中走出來』,可能平時比較少用,但幾貼近專輯概念。我相信,音樂有治癒人心的力量。」

Jade在唱片封面拍攝,嘗試了不少造型。

Jade在唱片封面拍攝,嘗試了不少造型。

攝影師在影樓用鮮花及沙泥搭建一個小山丘讓Jade拍攝。

攝影師在影樓用鮮花及沙泥搭建一個小山丘讓Jade拍攝。

作為Jade明年2022年出道 20周年的預告,《那些傷我也有過》由《腍》新晉作曲人彭嘉維首次填詞,羅力威作曲,身為Jade歌迷的彭嘉維,得知明年是Jade出道20周年,自薦寫下這首歌。Jade說:「我在車收到這首歌,一聽眼淚就忍唔住流出來,除咗歌詞,編曲亦充滿回憶,彭嘉維話『邊個失戀冇聽過關心妍?』我都係全靠這些經歷才唱到咁多慘情歌,呢首歌係大家嘅回憶,大家需要拿出勇氣面對過去和傷痛,亦係三步曲之後完美嘅總結。」

拍攝時,Jade要扭動身體動作,就像做瑜伽。

拍攝時,Jade要扭動身體動作,就像做瑜伽。

Jade很喜歡今次封套的照片。

Jade很喜歡今次封套的照片。

Jade拍攝唱片封面同樣一絲不苟,攝影師在影樓用鮮花及沙泥搭建一個小山丘,前方還有一個小水池,配合昏暗的燈光,像置身黑夜中的孤島。Jade說:「很喜歡攝影師這個設計,與我新專輯整體構思互相呼應,當你走不出感情的傷痛,猶如置身孤島上。雖然影出來好像很輕鬆,但拍攝期間我一點都不好受,要應攝影師要求做出一些扭動身體動作,感覺像做瑜伽。之後另一輯相,我要向前彎腰,雙手撐在一個透明水盆上,少點腰力也招架不來。」

關心妍推20周年壓軸歌曲 歌迷自薦填詞

關心妍推20周年壓軸歌曲 歌迷自薦填詞

https://www.bastillepost.com/hongkong/article/9840347/

2021年12月20日 頭條日報 關心妍推20周年壓軸歌曲 歌迷自薦填詞

關心妍(Jade)剛推出療癒專輯《Emergence》,收錄《腍》、《愛的告別式》、《原諒的力量》,更有20周年壓軸傷情歌《那些傷我也有過》。專輯名《Emergence》,Jade認為非常有意思,「這個字意思是『從困境中走出來』,可能平時比較少用,但幾貼近專輯概念。我相信,音樂有治癒人心的力量。」

拍攝時,Jade要扭動身體動作,就像做瑜伽。

拍攝時,Jade要扭動身體動作,就像做瑜伽。

Jade很喜歡今次封套的照片。

Jade很喜歡今次封套的照片。

作為Jade明年2022年出道 20周年的預告,《那些傷我也有過》由《腍》新晉作曲人彭嘉維首次填詞,羅力威作曲,身為Jade歌迷的彭嘉維,得知明年是Jade出道20周年,自薦寫下這首歌。Jade說:「我在車收到這首歌,一聽眼淚就忍唔住流出來,除咗歌詞,編曲亦充滿回憶,彭嘉維話『邊個失戀冇聽過關心妍?』我都係全靠這些經歷才唱到咁多慘情歌,呢首歌係大家嘅回憶,大家需要拿出勇氣面對過去和傷痛,亦係三步曲之後完美嘅總結。」

Jade在唱片封面拍攝,嘗試了不少造型。

Jade在唱片封面拍攝,嘗試了不少造型。

Jade拍攝唱片封面同樣一絲不苟,攝影師在影樓用鮮花及沙泥搭建一個小山丘,前方還有一個小水池,配合昏暗的燈光,像置身黑夜中的孤島。Jade說:「很喜歡攝影師這個設計,與我新專輯整體構思互相呼應,當你走不出感情的傷痛,猶如置身孤島上。雖然影出來好像很輕鬆,但拍攝期間我一點都不好受,要應攝影師要求做出一些扭動身體動作,感覺像做瑜伽。之後另一輯相,我要向前彎腰,雙手撐在一個透明水盆上,少點腰力也招架不來。」

https://hd.stheadline.com/life/ent/realtime/2289637/%E5%8D%B3%E6%99%82-%E5%A8%9B%E6%A8%82-%E9%97%9C%E5%BF%83%E5%A6%8D%E6%8E%A820%E5%91%A8%E5%B9%B4%E5%A3%93%E8%BB%B8%E6%AD%8C%E6%9B%B2-%E6%AD%8C%E8%BF%B7%E8%87%AA%E8%96%A6%E5%A1%AB%E8%A9%9E?fbclid=IwAR26AHISY_qQWA1DK_EZhpWUdV5vDDeL2MFj7umFRUshsgD6fAs0mqF2hvY

2021年10月6日 星島網 關心妍撐成立文化局:有資源才有更多好音樂及作品

關心妍今日出席活動時表示,每日都會潔面及敷面膜,而且會試用過產品才在個人頻道分享,自從她主持網上清談節目後,發覺自己的口才比之前好,笑言現時說話多過唱歌,她要訪問人才知不容易。

關心妍自從主持網上清談節目後,笑言現時說話多過唱歌。

關心妍自從主持網上清談節目後,笑言現時說話多過唱歌。

唐詩詠、關心妍、泳兒都愛美。

唐詩詠、關心妍、泳兒都愛美。

談及施政報告加強醫療及房屋資源,她說是好事,她也有幫助低收入家庭,成立慈善基金會幫助自閉症兒童接受音樂治療,有時還送食物及車費。至於研究成立新的文化體育及旅遊局,她指文化和體育好重要,有更多資源可幫助運動員衝出香港;娛樂文化有資源才有更多好音樂及作品。

唐詩詠、關心妍、泳兒出席活動。

唐詩詠、關心妍、泳兒出席活動。

關心妍成立慈善基金會幫助自閉症兒童接受音樂治療。

關心妍成立慈善基金會幫助自閉症兒童接受音樂治療。

https://std.stheadline.com/realtime/article/1755251/%E5%8D%B3%E6%99%82-%E5%A8%9B%E6%A8%82-%E9%97%9C%E5%BF%83%E5%A6%8D%E6%92%90%E6%88%90%E7%AB%8B%E6%96%87%E5%8C%96%E5%B1%80-%E6%9C%89%E8%B3%87%E6%BA%90%E6%89%8D%E6%9C%89%E6%9B%B4%E5%A4%9A%E5%A5%BD%E9%9F%B3%E6%A8%82%E5%8F%8A%E4%BD%9C%E5%93%81?fbclid=IwAR3W3ZLbYT30ulRp3ylV5oaC5rAXVAnkTJU_LKXvPikvX-QJsojz5p1zZ84

2021年8月31日 明報娛樂 跟關心妍一拍即合 唐貝詩自家品牌口罩售出2000盒

唐貝詩(Lydia)與模特兒好友陳詠斯(Phoebe)和藝人之家牧師,推出以「我永不會離棄你」為主題的型格口罩,兩個月賣出2000盒,成為不少藝人的潮流用品。唐貝詩與好友籌辦的慈善活動,已經開始了兩個月,她們設計的口罩部分收益,將會撥捐給關心妍(Jade)的「妍亮生命慈善基金」。

早前她們相約Jade拍攝宣傳照,Jade感激她們選擇她的基金作為受惠機構。她說:「最初認識了藝人之家的牧師,他知道我有慈善基金,剛巧他正籌備這個項目。我看到他們的口罩設計後,覺得好靚,當中亦帶出愛、神永不會離棄你的信息,成件事好有意義,所以便一拍即合。」

她透露為了營運基金,每星期抽出3天時間教唱歌,更是一日教足9小時。她把掙得款項邀請註冊的音樂治療師,教導心理有障礙、低收入家庭的小朋友。她說:「3年前基金曾經舉辦慈善晚宴,但實在太困難,所以寧願教唱歌。全家人都很支持我,幫手湊女,不過星期日我一定會陪家人。」

不少藝人包括徐㴓喬、李亞男、森美和張彥博等,都戴上該款口罩,Lydia笑說:「見到好多朋友會買和會戴真的很開心,知道他們喜歡,既可以宣揚愛又可以做善事。」

關心妍和唐貝詩合作愉快。(大會提供)

關心妍和唐貝詩合作愉快。(大會提供)

徐㴓喬(左起)、李亞男和張彥博都有戴該款口罩。(大會提供)

徐㴓喬(左起)、李亞男和張彥博都有戴該款口罩。(大會提供)

https://ol.mingpao.com/ldy/showbiz/latest/20210831/1630406179483

2021年8月31日 on.cc 東網 唐貝詩為慈善出口罩 搵埋佢哋幫拖

2021年8月31日 on.cc 東網 唐貝詩為慈善出口罩 搵埋佢哋幫拖a

唐貝詩(Lydia)與模特兒好友陳詠斯(Phoebe)和藝人之家牧師推出以「我永不會離棄你」為主題的型格口罩,而受惠機構的負責人關心妍(Jade)受邀齊拍攝宣傳照,她說:「最初認識了藝人之家的牧師,知道我有一個慈善基金,剛巧他正籌備這個慈善口罩項目。我看到他們的口罩設計覺得好靚,當中亦帶出愛、神永不會離棄你的訊息,成件事都好有意義,所以大家便一拍即合。」

唐貝詩真係好有心。

唐貝詩真係好有心。

陳詠斯(左起)、關心妍、唐貝詩為慈善出一分力。

陳詠斯(左起)、關心妍、唐貝詩為慈善出一分力。

李亞男力撐。

李亞男力撐。

Jade透露為了營運其慈善基金,每周抽出3日時間教唱歌,更教足9小時,將賺得的款項邀請註冊的音樂治療師,教導心理有障礙、低收入家庭的小朋友:「3年前基金曾經舉辦慈善晚宴,但實在太困難,所以寧願教唱歌。全家人都很支持我,幫手湊女。不過星期日我都一定會陪家人。」她透露除了教唱歌外,下半年都非常忙碌,要推出新歌,又與張美妮和孫慧雪亦主持網上《靚媽圍爐》節目,介紹一個做靚媽的心得。另外不少藝人徐㴓喬、李亞男、森美和張彥博拍片支持慈善活動。

https://hk.on.cc/hk/bkn/cnt/entertainment/20210831/bkn-20210831180438710-0831_00862_001.html?fbclid=IwAR0VVeclNHH88bGDCzjPVDgkvvXMthoa22oMitUYXQrJr4STtFCHSMU56yU

2021年8月2日 明報娛樂 露背又騷腰|關心妍喼靚身形拍廣告 冧爆稱老公愛咀嘴

關心妍(Jade)最近忙個不停,除了宣傳歌曲外,又準備明年的紅館個唱,加上拍攝節目《靚媽圍爐》,吸引不少媽咪級的觀眾;最近她更成為新一代逆齡美魔女,代言美容廣告。

為了這個廣告,Jade非常緊張keep好靚身形,接拍之前亦已向老公報告,得到老公批准才做,她說:「因為講美容及瘦身,要騷少少身材,咁我都要尊重老公嘅,第一個問咗佢先,佢睇過啲衫,覺得都OK我先接。」

廣告中Jade的服裝要露背露腰,她表示為穿上靚衫,整個星期都少吃東西,又去美容院勤做機,她說:「因為拍電視廣告,上鏡個人會再肥一個碼,所以真係要好勤力減㗎,但做機又真係幫得手,除咗自己減磅,做運動,就靠做機去令肌膚緊緻。」

Jade現時仍保持纖腰,她笑言非常艱苦才有,不單要控制飲食,還靠做運動及做機幫忙。問到老公最欣賞她哪部位?她笑稱:「佢呀…佢最鍾意我個嘴,佢話我嘴尖尖似隻貓,又鍾意我下巴,話似蝦餃喎,所以我keep住自己個嘴好潤囉,佢成日惜我個嘴嘛。」

女兒見媽咪拍的廣告照片,嘩嘩聲讚媽咪似公主,「個女已經識貪靚㗎啦,見到我著衫,都會話我又想試,成日著我啲高跟鞋話留畀佢大個著呀,好搞笑」。

關心妍現時仍保持纖腰, 全靠控制飲食及勤做運動。 (大會提供)

關心妍現時仍保持纖腰, 全靠控制飲食及勤做運動。 (大會提供)

https://ol.mingpao.com/ldy/showbiz/latest/20210802/1627904467019

2021年7月12日 on.cc 東網 關心妍受囡囡啟發 炮製療愈3部曲

2021年7月12日 on.cc 東網 關心妍受囡囡啟發 炮製療愈3部曲a

5年前淡出幕前的歌手關心妍(Jade),適逢明年入行20周年,決定「重出江湖」打頭陣推出「療愈三部曲」《腍》、《愛的告別式》及《原諒的力量》,她透露作品計劃「發起人」竟是只有5歲大的愛女楊榮心︰「呢幾年多咗時間同佢相處,喺佢身上我得到療愈,我細個時,媽咪要做嘢,冇時間陪我哋,依家見到個女同媽咪玩嗰陣,就好似見番我細個咁,彌補童年失去嘅時光。」講到小時候缺乏父愛,現可從囡囡跟老公互動之間得到一點甜︰「原來爸爸會咁樣錫、照顧個女,呢個小朋友令我生命更完整,就喺度諗點樣可以喺唱歌嘅時候療愈到人哋個心。」

其中第2首歌《愛的告別式》由她親自監製及作曲,雖然近年少「蒲頭」,但她並沒有跟樂壇脫節,創作緊貼現今流行曲趨勢:「好開心Fans留意到我有新曲風、新唱腔,呢啲冇得呃,感謝佢哋知道我花好多心機造歌,一齊集氣拎紅館期開4面台回饋番佢哋。」她續笑說此曲功勞同樣歸功於囡囡:「首歌係我望住佢玩嗰陣,突然靈感湧現寫嘅,以前一創作我就會諗好多苦、好痛嘅嘢,依家佢畀我感受到嘅係先苦後甜,今次帶出個訊息,係大家要識得告別傷痛。」

即將邁進入行20周年,Jade今年全面回歸樂壇。

即將邁進入行20周年,Jade今年全面回歸樂壇。

Jade受囡囡「啟發」,創作的曲目多了一份甜。

Jade受囡囡「啟發」,創作的曲目多了一份甜。

孖學生CY合唱 最愛Edan

再次活躍歌壇的她,坦言有留意新一代歌手動向,「頭啖湯」合作機會落於學生CY(陳澤言)手中,師生演繹《腍》的合唱版,外界反應一致好評,Jade續點名欣賞唱作人林家謙、Serrini、陳蕾等,還自揭最冧人氣男團MIRROR的成員Edan(呂爵安):「好多朋友都知我好鍾意佢,覺得佢喺台上彈琴好迷人,又鍾意睇佢演戲,鍾意啲搞笑啲嘅!」

撇除歌手身份,Jade自爆為愛女「升呢」做「超人媽媽」,拋開歌手包袱180度大變身,由「鵪鶉」進化做「開籠雀」︰「連老公都話我唔同咗,以前同心心返學我好怕醜,未必會走去同其他媽咪傾偈,佢哋可能會覺得我係歌手好Cool,但其實我只係唔知點開口,相反依家變得好勇敢,會主動問參加咩課外活動好,開始融入佢哋嘅世界,呢個對我嚟講係個好大嘅突破。」

Jade與其歌唱學生CY合唱《腍》,大獲好評!

Jade與其歌唱學生CY合唱《腍》,大獲好評!

Jade自揭最冧MIRROR成員Edan。

Jade自揭最冧MIRROR成員Edan。

Edan

Edan

另外,最近Jade更自我挑機,繼剛出道做過電視節目主持後,事隔十多年擔任網上節目《靚媽圍爐》主持,偕張美妮及孫慧雪齊齊開Live大談「媽媽經」,為了復出,她努力收身操弗,不忘分享在美容扮靚及育兒方面的經驗,她坦言最初接下這個重任時,曾一度怕難以勝任而甚感壓力,後期愈做愈好,釋除疑慮豁出去。

Jade與孫慧雪及張美妮開LIVE大談媽媽經。

Jade與孫慧雪及張美妮開LIVE大談媽媽經。

https://hk.on.cc/hk/bkn/cnt/entertainment/20210712/bkn-20210712220532401-0712_00862_001.html

2021年7月6日 星島娛樂 關心妍首為網台做主持 李幸倪指炎明熹乜都搵佢如教女

關心妍(Jade)、Gin Lee(李幸倪)及何依婷等今日出席TVB《明愛暖萬心》記者會,Jade及Gin Lee當晚將會跟中樂團合作,分別唱出梅艷芳的《似是故人來》及鄧麗君的《我只在乎你》,由於兩首名曲皆耳熟能詳,所以兩人都有一定壓力,Gin表示會用自己的方式演譯。Jade指為了更明白歌詞,事前會重温電影。

另外,Jade將會為古巨基太太的網台主持直播節目,她說是新嘗試,希望幫到新手媽媽,第一集嘉賓是古巨基,還會碌人情咭邀請重量級嘉賓,事前要做好多功課,有機會都想同Gin合作。Gin是《星夢傳奇》的導師,問睇好哪位學員?她表示開始不捨得,及替學員緊張,覺得他們備戰好辛苦,但備戰與臨場表現往往是兩回事。談及大熱炎明熹(Gigi)聲帶不適令表現失準,Gin指對方很可愛,無論襯衫、失眠也會請教她,笑言有如教女。

關心妍為網台擔任主持,而Gin就開始不捨《星夢》學員。

關心妍為網台擔任主持,而Gin就開始不捨《星夢》學員。

網台主持首集嘉賓就係古巨基。

網台主持首集嘉賓就係古巨基。

星島新聞連結:
https://std.stheadline.com/realtime/article/1623145

2021年4月26日 蘋果日報 娛樂 專訪 關心妍曾怨父親拋妻棄女 27年後再見已是最後一面

女兒是父親的前世情人——這句話套用在關心妍身上,只有諷刺!在單親家庭長大的關心妍,父親在她6、7歲時拋妻棄女,兩父女20多年沒見面,直至2014年才再見,怎知已是最後一面!

關心妍自小失去父愛。

關心妍自小失去父愛。

曾經渴望了7年才成功懷孕,關心妍於2016年生了女兒楊榮心(心心),做了媽咪的她專心湊女,在女兒的身上,見到老公對心心的愛,才令她體會到爸爸的偉大。「我好細個,爸爸就離開咗屋企,其實20幾、30年冇聯絡,再聯絡時佢已經有病,好快就走咗。呢件係我一生人最難擺低嘅事,亦冇得去挽救。」

當年父母離婚,關心妍和哥哥跟媽咪移民,雙方沒有再聯絡,「佢同媽咪離婚,當中可能好多原因,我哋只聽媽媽一面,爸爸嗰面未聽過,佢有冇第三、四者我唔知,因為冇聯絡,根本唔知佢去咗邊,對自己嚟講,有冇勇氣搵返佢?點樣相處返?呢樣我已經冇得諗。」人生如戲,20多年後關心妍再見爸爸,是因為收到醫院的電話,「我喺醫院見返佢,因為佢中風加心臟病,真係要搵親屬,成件事好似電視劇。」

關心妍在6、7歲時父母離婚,自此與父親失去聯絡。(受訪者提供)

關心妍在6、7歲時父母離婚,自此與父親失去聯絡。(受訪者提供)

關心妍和哥哥由媽咪湊大,在爸爸臨終時,一家人終原諒他。(受訪者提供)

關心妍和哥哥由媽咪湊大,在爸爸臨終時,一家人終原諒他。(受訪者提供)

原諒臨終父親

去到醫院,關心妍見到陌生的爸爸,感覺好矛盾,「其實好驚,咁耐冇見,見到佢好老,佢已經昏迷講唔到嘢,我即刻通知喺美國嘅哥哥返嚟,媽咪都冇見佢好多年,然後我哋同佢講原諒佢,同佢決志,其實都唔知佢聽唔聽到,我希望佢聽到,將來我哋可以天家再見,但一切都好遲,可以做嘅都好遲,嗰刻好似夢咁,我以為有一世時間可以再諗吓點行,但得返嘅回憶係咁少,見返佢嗰下,其實係後悔,後悔愛得太遲,冇得再返轉頭。」直至臨終前,關父都沒有清醒,不能再見子女一面,「佢一直昏迷狀態,醫生話佢可能變植物人,我都有心理準備,如果佢變植物人,我會照顧佢,但係我冇諗過,醫生講完隔咗兩日佢就走,其實見返只係前後4日時間。」

爸爸走了7年,隨着時間的過去,關心妍亦釋懷了,自從女兒出世後,她在丈夫的身上,看到他對女兒的愛,感受到爸爸的偉大;現在女兒已5歲,關家姐歸位重返樂壇,將自己對父親的恩怨情仇,憑歌寄意放在新歌三部曲上,分別是《腍》、《愛的告別式》和《原諒的力量》,「細個好渴望擁有嘅love,我覺得我嘅唔完全,喺老公對個女身上,我睇到原來係咁好,所以想唱父親呢個主題,明白自己長大過程,由於缺乏咗爸爸,好多嘢都扭曲咗,做完呢個新歌計劃之後,我走過呢段路,發覺我可以行得過,我可以擺低,我可以原諒,希望同大家分享,所以做咗自療三部曲。」

關心妍在老公的身上,看到他對女兒的父愛。(網上圖片)

關心妍在老公的身上,看到他對女兒的父愛。(網上圖片)

在父親死後7年,關心妍終於釋懷,推出新歌自療三部曲,《原諒的力量》是講父女關係。

在父親死後7年,關心妍終於釋懷,推出新歌自療三部曲,《原諒的力量》是講父女關係。

鞭策自己與時並進

而第一首派台歌《腍》,是 Wyman為她度身訂做,「可能呢幾年間相處,佢摸到我內心性格,大家唔會諗到呢個字喺我身上,大家可能覺得關心妍咪關家姐囉,好寸呀、好強悍,但我真實特質係咁腍,我收歌詞都震一震,每句都咁到肉。」5年沒出新歌,當年要為事業衝刺時,她卻去大肚生女,不擔心長江後浪推前浪,「反而好珍惜而家唱歌機會,做到幾多咪幾多,分享音樂。」

今年11月,就是關心妍入行20周年,她笑着慨嘆青春不再,「好恐怖,由20幾歲變42歲,好感恩20年之後依然可以唱歌,繼續做音樂,感謝支持嘅歌迷、我嘅團隊同屋企人,而家唱歌同以前年代唔同,自己都學習做live,我哋呢代人適應要花時間,冇得唔學,我會鞭策自己,一定要與時並進,要花好多心力接軌。」

關家姐沒有脫軌,一直很留意香港樂壇,還是《全民造星》的fans,「我睇晒全部節目,睇完自己團火更撻得着,我鍾意 ANSONBEAN好可愛,唱歌就鍾意CY,佢唱得好好,女仔揀Alina跳舞吸引。」她更分享樂壇生存法則,「你要有關家姐精神,唔可以太care,以前年代係明星,但而家年代唔同,無時無刻被人評論,EQ要高,唔可以咁容易上火,所以我覺得要有關家姐精神,否認不堪一擊,十幾年前已經死咗,話你難聽醜樣就信,咁會冇得做,鍾意音樂要有份精神,唔可以咁易氣餒同介意。」

撰文:余燕儀
攝影:add
攝錄:沈健程
化妝:Cyrus Lee
髮型:HY@Vchapter_

關心妍認為樂壇生存法則,就是要有關家姐精神。

關心妍認為樂壇生存法則,就是要有關家姐精神。

今年11月是關心妍入行20周年,笑言青春不再。

今年11月是關心妍入行20周年,笑言青春不再。

快踏入42歲的關心妍,揚言要鞭策自己,與時並進。

快踏入42歲的關心妍,揚言要鞭策自己,與時並進。

關心妍生女後終於復出,推出新歌《腍》。(網上圖片)

關心妍生女後終於復出,推出新歌《腍》。(網上圖片)

關心妍讚CY唱歌好聽(資料圖片)

關心妍讚CY唱歌好聽(資料圖片)

https://hk.appledaily.com/entertainment/20210426/DTZBYKRW4NA2HBVDEOP2N4I4PQ/?fbclid=IwAR0aA1pBxG5mkqWn95ODXNigjXNINXi449XBluM0TTUK5cTUC4CvDgjP0pA