關心妍昨日在葵涌出席國際戒毒基金會活動，她表示今次是以一個特別的身份亮相，花了6年時間申請成立的「妍亮生命基金會」，最近終於申請成功，所以自己是以基金主席身份參與活動，她說：「主要係幫戒毒成功嘅年輕人增值自己，或曾迷失過嘅邊青搵番希望同方向。」
心妍指老公楊長智亦有在法律及會計方面提供意見，其他事宜就要親力親為，雖然慈善工作佔據了自己大部份時間，但唱歌工作依然會繼續，希望暑假可以推出新作。
採訪、攝影：王連連 
關心妍表示雖忙於基金會工作，但不會放棄唱歌。
關心妍出席一個慈善活動，她透露自己申請了六年的「妍亮生命基金會」已經成立，之後就會以基金主席身份行善，她指基金會主要是幫助戒毒成功的年輕人或曾經迷失的邊青增值自己，助他們尋回希望和方向，又說正籌備舉行慈善歌唱比賽，希望有別於一平時的慈善晚宴，能以特別的形式舉行，但她直言覺得籌款困難，幸而一直都有在不同慈善機構工作，得到不少經營的經驗，不用麻煩朋友。問她可有就基金會問過老公意見？她表示老公在法律和會計上都有給她意見，其他事就由她親力親為，又說同時忙於籌備新歌錄音，希望暑假可以推出。（攝影：李樹勳）
關心妍今日去祖堯邨出席一個慈善活動，今次佢以特別身份參與，因為佢申請成立嘅妍亮生命基金會，申請咗第六年，依家終於成立喇。
關心妍將以基金主席身份，一齊做慈善，佢話:「主要係幫戒毒成功嘅年輕人增值自己，或曾迷失過嘅邊青，搵番希望同方向。」佢話基金會正籌備舉行慈善歌唱比賽，但形式方面希望特別一啲:「唔想好似平時嘅慈善晚宴咁做。」
由於關心妍凡事親力親為，兼且又要忙於籌備新歌錄音，所以都很忙。咁有冇問老公俾意見呢？佢就話:「佢只係喺法律同會計上俾意見我，其他嘢要自己做。但我都會繼續做唱歌嘅嘢，希望暑假可以推出到。」
關心妍
《東網巨星》可以睇晒娛樂資訊，按入去可以到大事件、獨家新聞，最緊要係睇索女，希望我可以喺呢個欄目出現，能夠做一個純娛樂App一啲都唔易，大家一定要支持《東網巨星》呀！」
【on.cc東網專訊】歌手關心妍（Jade）與同公司藝人齊齊參與唱片公司《Happy Birthday》MV拍攝。關心妍強調公司的「老臣子級歌手」不是自己，而是HotCha；而眾人中入行最耐的是張智霖（Chilam），所以，她叫Chilam做「老爺」。
Jade又指剛和老公去完沖繩參加朋友婚禮，想不到離開沖繩第二日便地震，所以覺得自己很幸運。她透露因婚禮在沙灘舉行，故害怕若發生地震會有海嘯：「本來真係諗住留低玩多幾日，不過，因為公司唔批，要我返嚟拍呢個MV，所以大家都冇留低到。」
今年出行力造人
問到在沖繩可有努力造人？Jade坦言：「呢個係冇間斷過嘅，見我都儲肥咗自己少少，都肥咗五磅，咁身邊朋友都生晒，所以，今年會為呢個大計畀多啲心機。」
訪問影片:http://tv.on.cc/hk/index.html?s=4&i=OEN150421-8524-111M-1900&d=1429623227
關心妍趕返港拍MV避一劫!
因為心妍離開沖繩第二日就地震，所以心妍覺得自己好幸運！
Jade儲肥自己努力造人。
張智霖(ChiLam)、鄭欣宜、關心妍、車婉婉等今日喺清水灣片廠拍攝《Happy Birthday生日快樂》MV，ChiLam表示今日心情好跌盪，因拍完MV之後，要去殯儀館為九十五歲仙遊嘅外婆打點，夜晚再去朋友公司嘅春茗。唔可以推春茗工作﹖ChiLam話：「唔需要，人生就係咁，而且外婆年紀都大，我哋都有心理準備，反而會向個仔講明白人會生老病死。」
關心妍透露早前放假，同老公去沖繩出席朋友婚宴，佢大呼好彩話：「返咗香港，第二日就地震，原本有諗住留多幾日喺沖繩玩，但因為要拍呢個MV，所以先冇留，真係好感恩。」佢又指自己最近肥咗五磅，亦有調理身體，所以今年會繼續進行生B大計。
問到欣宜有冇睇爸爸鄭少秋主演嘅《大時代》﹖佢話好少睇電視，但以前已經睇過，加上自己冇買股票，對數字冇乜緣份。講到欣宜早前表示戶口曾經只得廿六蚊，秋官知道後反問點解欣宜唔搵佢，欣宜話：「我大個女，要識得照顧自己。」秋官話心痛喎﹖欣宜話：「你哋唔話畀佢聽咪得囉，佢之後都有message我，仲畀咗一封大利是我。」問佢依家有收入，會唔會畀家用秋官﹖欣宜笑住話：「係咩﹖要架﹖好呀，食飯囉！」
叫得做潮人當然是快人一步，上月Nike找來日牌Sacai設計師Chitose Abe（阿部千登勢）合作推出NikeLab X Sacai的聯乘作，潮人徐濠縈阿徐和容祖兒未賣已搶先將粉紅色版本着上身。
昨日關心妍就於微博Po新相，原來她去了日本沖繩旅行，大晒藍色版NikeLab X Sacai的聯乘作在沙灘上拍照，特意將背部的百摺細節展現，雖然都跟貼潮流，可惜就遲了足足一個月。
【on.cc東網專訊】 歌手關心妍、周慧敏、森美、陳友和陳明恩等出席音樂布道會，關心妍（Jade）高唱近期熱爆的《Let it go》 帶起氣氛，而周慧敏則公開自己對宗教的感受，並獻唱了新歌《肋骨》及《等一個人咖啡》，讓觀眾十分感動。Jade在後台與周慧敏合照，大讚周慧敏是她心目中的女神。而陳明恩和陳友就分享了自己的經歷。
關心妍（左）封周慧敏是永遠的女神。
關心妍（左）好開心可以在後台集到周慧敏郵。
陳友
林以諾牧師
音樂布道會。
關心妍（Jade）去年底完成個唱後，即陪老公楊長智（Jonas）去大阪，玩盡環球影城新開幕的「哈利波特魔法世界」，同行還有幫手搞演唱會的好友，順道慰勞大家。一行八人除購物外，更食盡米芝蓮餐廳美食。由於時間倉卒，加上一齊住在酒店套房，所以Jade今次「唔方便」造人，但她表示回港後會繼續努力，望生番個羊B。撰文：李佩儀
Jade的老公是哈利波特的超級Fans，不但愛看小說，一系列的電影推出後，更是瘋狂。當知道日本的環球影城開設全亞洲首個「哈利波特魔法世界」，已表示第一時間要去。但因為Jade要準備個唱，故不能飲頭啖湯，「但我應承佢一開完騷會即刻陪佢去，出發前我仲重溫一次所有戲，做足晒功課。」一去到，Jonas除了飲Butter Beer和吃Churros，還買了很多紀念品如頸巾、T恤等，超Enjoy。
唔方便造人
而Jade覺得最好玩是機動遊戲「哈利波特禁忌之旅」，她興奮說：「坐住過山車逐一飛越電影中出現經典場景，好立體，又真實。」原本她也打算去Shopping，但因為不是減價月，所以索性去飲飲食食。先後去了兩間米芝蓮餐廳Fujiya 1935和Bon品嚐創作料理和串燒，但因未來還要到內地和美加開巡迴個唱，故不能放任地食。問結婚五年的她有好消息未？她坦言未有，今次亦無機會造人，她笑言：「因為酒店Book個Apartment同朋友一齊住，所以唔係咁方便，不過我會繼續努力。」
關心妍陪老公遊「哈利波特」，但十分多人，單是買這杯Butter Beer都排了一小時。
※園內有賣糖果和紀念品的商店，關心妍見到這隻大耳仔即表現得很興奮。
※她走到環球影城的芝麻街，見到Moppy與自己的髮色相近，即要合照留念。
※關心妍擲波望贏得Snoopy公仔，失敗後老公買了汽球給她補數。
※今次住在大阪的洲際酒店，當二人見到個美麗景色，即Sweet得來個抱抱。
※三星米芝蓮餐廳Fujiya 1935，全店以木色為主，黑松露海綿包、芝士球和日本藍蟹肉意粉都是關心妍的推介。
關心妍（Jade）去年獲唱片公司支持，又自資製作靚靚MV，有傳鄭融不滿公司資源全部投放在Jade身上，遂決定約滿離巢。Jade表示可惜之餘，也祝福鄭融有新發展。
關心妍、關之琳（之之）及黃伊汶等前晚出席品牌酒會，對於鄭融表示不再續約星娛樂，關心妍回應稱：「每次公司有變動都有不同揣測，但我知道公司好錫佢，可能佢想換新環境，我都會祝福佢嘅。」
Jade其後表示看新聞才知道鄭融離巢，因為近日很忙，沒有時間了解公司發生的事，她希望對方繼續做好音樂。早前鄭融坦言老闆對自己好好，Jade又覺得薛生對她如何？她說：「公司對個個都好，每個人有唔同嘅計劃，時間長咗想要啲新衝擊，我都轉過會，絕對明白。」
