心妍個唱加一場 預告歌衫有睇頭
2014年10月10日
關心妍（Jade，見圖）昨日到電台宣傳下月舉行的演唱會，即時宣佈加開一場，她笑言正努力操fit，務求以最佳狀態示人，「歌衫會好有睇頭，其中一Part是C12環節，到時會有辣身舞。（有冇事先講畀老公知？）或者到時蒙住佢對眼，其實我依家夜晚屋企都會化身C12，比較狂野同癲喪。（老公夜晚好開心？）要問佢先知，佢坐定定睇就可以。」Jade又透露10月是拍拖和結婚周年紀念月，但忙於籌備個唱，無暇食飯慶祝，故已送了一個畫有Iron Man公仔的行李箱給老公，但他未回禮，估計老公想給她驚喜。