2022年5月9日 TVB 娛樂新聞台 [獨家]一個月內由零到舞台 關心妍綵排個唱想請菊姐

關心妍 早前突然宣佈即將會喺紅館舉辦演唱會,呢個「即將」真係快到眨吓眼就過,由決定到正式上台得短短一個月時間,阿Jade亦都可以話為咗今次個唱廢寢忘餐去日夜準備喇。呢日佢帶我哋去偷偷睇吓排練過程,而屋企人亦都貼心支持,陪住督促練習呀。

除咗佢自己認為唔係好擅長嘅跳舞,阿Jade今次可以話出盡法寶,歌單迫爆之外,就連彈琴同色士風都出動埋,咁就即係又多幾樣嘢要練喇。除咗表演之外,香港歌迷最期待嘅畫面,就梗係佢同 #關菊英 同台啦,而阿Jade就真係有提出邀請,雖然唔一定請得到,大家一於一齊Figercross睇吓到時見唔見到呢個世紀畫面啦。

#關心妍 #綵排 #紅館 #個唱 #關菊英 #關家姐

2022年5月5日 約 (20週年演唱會主題曲)

280373236_10159557992243941_6995267765664487523_n

曾遇到多少「失約」而苦思憂慮「失眠」
曾留低多少「感慨」而講過別離「感言」
曾因有多少「牽掛」而心裡互相「牽連」

《約》是關心妍20週年演唱會2022 主題曲,Jade把內心感覺和監制”周錫漢”及填詞人”陳耀森”分享 。之後便描寫出道以來的心路歷程及與歌迷的約定情感,亦為這紛亂、變幻無常的世代增添一份感觸共鳴。「約定某天 某月某年 某落腳點 再遇見」簡單的一句下次見,只能變成某月及某年,甚至乎相隔天地,一切都不能預料,但在逆境中只要我們守著約定,努力活著,空盼未必未能成真,我們終會在未來再相見。

2012年1月20日 至 2022年6月4 相隔3788天的紅館約定。
將「約」化成一種無悔無懼的堅定信念!

曲:關心妍
詞:陳耀森 @yiusumlyrics
編:周錫漢/黃兆銘 @nickwong96
監:周錫漢 @mankeungchow

茫茫人生兜轉走到了目前
遺忘途經多少失約或失眠
偶爾在心中憶起某諾言 已事隔多年

人人求生追趕總各自發展
回頭留低多少感慨或感言
信約願一天可實踐兌現 言猶在耳邊

約定某天 某月某年
某落腳點 再遇見
彼此境況就算改變 連習慣也改變
祈望你笑臉再多點
記住某天 某月某年
某落腳點 約定見
彼此之間感覺未變 頻率也未變
誰怪你眼淺 放下身經百戰

無常人生穿梭轉眼數十年
沿途延伸多少牽掛或牽連
記掛在當天可實體碰面 無事亦相見

約定某天 某月某年
某落腳點 再遇見
彼此境況就算改變 連習慣也改變
祈望你笑臉再多點
記住某天 某月某年
某落腳點 約定見
彼此之間感覺未變 頻率也未變
誰怪你眼淺 放下身經百戰

若患難當前 若事事阻延 約仍然不變
明天~ 仍要無悔開展~~

約定某天 某月某年
某落腳點 再遇見
身邊一切就算改變 連道理也改變
和你~不變
寄望有天 美夢重演
雨後晴天~再沒風~險
聽到你聲線 平伏了我膽顫
明天~ 當想見面總可約見

「明天見~」
祈望兌現~

http://metroradio.com.hk/997/Program/NewSong/music.aspx?m=4191&song=%E7%B4%84%20(20%E9%80%B1%E5%B9%B4%E6%BC%94%E5%94%B1%E6%9C%83%E4%B8%BB%E9%A1%8C%E6%9B%B2)&fbclid=IwAR2a4N46u6oxMx_eI03-SbFWcEgQxmnZlpZ8SiWQSNnfZHxz8gGQKvp4NyA

活動公布:2019年7月6日 音樂·治療·多面睇(講座)

關心妍國際歌迷會:

活  動:音樂·治療·多面睇(講座)
日  期:2019年7月6日(六)
集合時間:2:15pm
活動時間:2:30pm
地  點:明愛專上學院及明愛白英奇專業學校(將軍澳翠嶺里2號,港鐵調景嶺站B出口)
名  額:10位
報名方法:於6月26日(三)或之前聯絡會長廉(6137 3107)
心妍會出席該活動,但並不是主講者。

http://www.jadekwan.club/zh-hk/?p=6295

IMG-20190623-WA0006

2018年9月6日 東方日報 金鈴捐30萬助「交租」關心妍激動打冷震

歌手關心妍(Jade)、鄺美雲、歐陽妙芝、黃又南及張文慈等,昨日出席《金鈴「羽化成蝶系列」萬希泉陀飛輪》發布會,中國首位「金錘」拍賣官金鈴、萬希泉創辦人及總裁沈慧林宣布腕錶部分收益撥捐Jade的「妍亮生命慈善基金」,兩人隨即將30萬支票交給Jade。

Jade表示:「好感恩,聽到有30萬善款立即打冷震,夠我交一年學校租金。舊年為學校搞籌款,但成效唔理想,嗰次只夠我營運年半。」又指現於慈善基金的音樂治療學院義教弱勢社群唱歌,每日教5小時,晚上就陪囡囡。問到可有被老公投訴?她笑說:「我有煮一餐飯佢食,因為佢要幫我做粗重嘢。」而首任腕錶設計師的金鈴表示,花了年半時間設計,覺得最困難是控制腕錶成本。

金玲(左)讚關心妍人美心善。

金玲(左)讚關心妍人美心善。

鄺美雲打扮端莊出席發布會。

鄺美雲打扮端莊出席發布會。

關心妍(中)感激沈慧林和金鈴的支持。

關心妍(中)感激沈慧林和金鈴的支持。

http://orientaldaily.on.cc/cnt/entertainment/20180906/mobile/odn-20180906-0906_00282_030.html

2017年10月27日 Easy PaMa 關心妍 (下) : 女仔矝貴發自內心

2017年10月26日 Easy PaMa 關心妍 (上) : 我唔需要佢係perfect
http://www.jadekwan.club/zh-hk/?p=5260

2017年10月27日 Easy PaMa 關心妍女仔矝貴發自內心a

關心妍從小父母離異,母親忙於賺錢養家,中學就把她和哥哥送到加拿大升學,兩兄妹起居飲食都是靠自己,所以練就關心妍性格獨立,並且煮得一手好菜,甚麼家務都難不倒她。女兒心心出世後,雖然萬千寵愛集一身,關心妍說還是要培養女兒學會做飯做家務、要懂自己照顧自己:「我覺得無論咩年代都係,小朋友都唔應該習慣被人服侍,其實識得服侍人都係一種美德。」

2017年10月27日 Easy PaMa 關心妍女仔矝貴發自內心b

愛心包點無糖有機 日日新鮮出爐
雖然家裡有外傭幫忙做家務,關心妍婚後還是堅持每天包辦老公早午晚三餐,並且享受其中以此為樂。以前閒時愛焗蛋糕曲奇,心心開始轉固後,關心妍再添置面包機,每天親自研究食譜給女兒泡製茶點:「買俾囡囡啲材料仲靚過我哋兩公婆,面粉係有機、酵母都係天然,每日會變住花款咁香蕉蛋糕、蕃薯面包,下午茶有時會煮蕃茄蓉或者南瓜蓉通粉俾佢食,又再加啲BB芝士,次次佢都食得好開心清晒底。我成日聽人講養女要養得矝貴,我又覺得女性嘅矜貴係由內而生,有學識、有能力、見識多就自然矝貴。等佢大啲,我希望佢都會學識煮食、抹地、做家務,我好傳統,女仔應該要識嘅嘢我全部都會慢慢教佢。」

2017年10月27日 Easy PaMa 關心妍女仔矝貴發自內心c

由慌失失到淡淡定 做媽媽要摸索
現在15個月大的心心乖巧愛笑有堅持,每天要聽十五次最愛兒歌《太陽伯伯》至安心,回味過去十五個月,關心妍說每一天都在探索,都是學習:「我哋兩公婆都係第一次做父母,第一次遇着心心出疹、發燒,兩個都又擔心又心痛,覺得好大件事。呢啲嘢要學嘅,慢慢知道唔同情況應該點面對,最緊要唔好兩個一齊慌失失!心心好易湊,一出世已經一覺瞓到朝早六點唔使飲夜奶。點知最近突然每晚定時定候會責性坐喺張床度玩,困擾咗兩哋兩公婆幾個星期。其實做父母就係咁,好多嘢都係全新體驗要摸索,依家知佢覺得瞓夠起身自己玩陣又會瞓番,就知道其實冇嘢需要擔心。有時睇住佢大,我深深體會到佢嘅成長係我責任,陪佢長大之餘,其實我哋都學習鍛鍊,亦都係一種成長。」

2017年10月27日 Easy PaMa 關心妍女仔矝貴發自內心d

2017年3月12日 星島日報 關心妍幫囡囡諗定學校一條龍

【星島日報報道】關心妍(Jade)和周慧敏前晚出席《愛臨香江拉闊金曲開心夜》慈善音樂會,周慧敏因身體不適未有接受訪問,Jade則透露今次的活動是為了年尾的7場布道會籌募經費,之後亦會有一連串籌款活動,目標籌2千萬元。

  Jade稱最近忙於為8個月大的囡囡楊榮心報Playgroup,Jade表示聽了不少家長意見,指很多學校都行一條龍政策,由playgroup讀起,之後讀幼稚園時才更容易有學位,她否認是怪獸家長,只是配合環境,問她可覺得香港教育制度有問題?她話:「我只求囡囡開開心心,知道學生有不同的壓力,做了媽媽之後,開始更加明白,不過大環境是這樣都沒有辦法,有些學校是商業掛帥。」又說希望囡囡學好中文,首選是本地學校,如果她將來覺得辛苦,會考慮送她出國升學。

文:黃佩麗 圖:李樹勳

關心妍否認是怪獸家長,但卻又勁緊張女兒未來的學位。

關心妍否認是怪獸家長,但卻又勁緊張女兒未來的學位。