今個月是關心妍Jade和老公楊長智結婚九周年，Jade一早就在Ig post與老公頭貼頭合照放閃，當然唔少得可愛囡囡楊榮心，Jade寫道：「我們還有說不盡的話題，因為我們還在熱戀中，感謝你！愛你！」吳雨霏、欣宜等好友都留言祝福。
而楊長智就post出，○九年兩人在峇里的婚紗照，Jade接受電話訪問說︰「每年都唔少得跟蔡一智夫婦一起慶祝，因為他們是媒人，是他們介紹我們認識，同老公慶祝就好簡單，今日一齊送囡囡返學已經當慶祝了，前幾日和心心造了兩個蛋糕送給他！」
圖片來源：關心妍@Instagram
Daily Archives: 2018-10-24
2018年10月24日 蘋果日報(即時娛樂) 【生定唔生你話事】結婚9周年 關心妍預告冇時間再造人
39歲關心妍（Jade)前年由「關家姐」變為「關人母」，為老公楊長智（Jonas）生咗個得意囡囡楊榮心，今日係Jade同老公結婚九周年——即陶婚，佢一早就喺Ig上載同老公頭貼頭合照放閃，多謝老公愛錫佢，Jade除咗加咗兩個心心喺張相，又寫道：「我們還有說不盡的話題，因為我們還在熱戀中，感謝你！愛你！」
Jade接受《蘋果》訪問話：「今年唔會有乜嘢特別慶祝，都係同朋友食吓飯，希望下個月有機會同老公出走幾日，過吓二人世界。」
問老公送咗乜嘢結婚周年禮物呢？Jade話禮物係佢一直想要嘅耳機：「我同老公講，唔使搞乜嘢花巧嘢，如果送禮物俾我，就買啲實用啲，所以提議買耳機，因為教唱歌同演出我都用得著。」佢就同囡囡合作整咗兩個蛋糕，送俾老公：「一個係囡囡心心話送俾我同老公嘅，另一個就係我送俾老公嘅。」
Jade當年結婚話要生夠兩個，問佢今年會唔會努力追多個？佢就話依家太忙，囡囡又啱啱返學，加上佢又要忙慈善基金嘅嘢，所以要追都過多兩年先！
今日係關心妍同老公結婚九周年。
關心妍預告最快要兩年後先「造」人。
囡囡同佢一齊整蛋糕。
老公送耳機作為結婚9周年禮物。
https://hk.entertainment.appledaily.com/enews/realtime/article/20181024/58829309
2018年10月24日 星島日報 結婚9周年 關心妍冧豬放閃：我們還在熱戀中
關心妍與老公楊長智結婚9周年，育有兩歲可愛囡囡楊榮心，一家三口非常溫馨。趁結婚周年紀念日，關心妍在社交平台上戴與老公的頭貼頭合照放閃，甜蜜留言：「我們還有説不盡的話題，因為我們還在熱戀中❤感謝你，愛你 」，認真骨痹！
關心妍受訪時表示會搵埋朋友齊齊食飯慶祝，計劃下月同老公去旅行過二人世界，現階段亦太忙碌，過多兩年先追生B。
關心妍結婚9年，自覺仍在熱戀。（ig圖片）
（ig圖片）
（ig圖片）