2022年5月7日 香港01 眾樂迷 關心妍有心理準備蝕住開20周年紅館騷:只係抱住個「勇」字

撰文:劉傳謙

2022年5月7日 香港01 眾樂迷 關心妍有心理準備蝕住開20周年紅館騷:只係抱住個「勇」字 a

記得關心妍(Jade)在上年的新歌訪問中提及,今年希望透過紅館演唱會報答歌迷一直以來支持,結果隨著社交距離措施放寬,Jade如願在6月4-5日舉行《約 20周年演唱會 2022》,並初嘗四面台帶來的震撼。

訪問在Jade的妍亮生命教室進行,梳化上歌迷為她製作的咕囗臣相當搶眼,全部都按過往專輯、單曲和演唱會海報設計而製作,對Jade而言也是回憶滿滿。「佢哋好鍾意畫我嘅卡通樣,(都係呢個樣?)係呀,有一位歌迷係插畫師,佢成日都會畫嘢,例如我出咗MV,佢哋都會做明信片、月曆,不時都會有禮物送畀我。確實係會製作關於我自己作品嘅嘢送番畀我,係少咗一啲親自織冷衫、摺星星嘅嘢,因為呢個年代太方便,會少咗嗰一類型嘅禮物。」

Jade為如期在今年開騷與歌迷共度出道20周年的重要時刻,上年開始已經不停入紙,本來在年初已經得知取得紅館6月檔期,但當時第五波疫情反覆,為避免因演唱會延期、取消的消息令歌迷失望,Jade決定在籌備同時保守秘密:「大家可能唔覺,因為我唔可以漏任何蛛絲馬跡,因為我唔想畀假希望大家。個情況好似有咗BB但係唔講得,講咗就會小器嗰種感覺,但係講得嘅時候已經要準備賣飛,宣傳都未做,因為唔敢宣傳,開唔成大家會失望。」雖然與理想有點出入,但Jade決定把握難得機會,與歌迷共享喜悅。

撰文:劉傳謙攝影:陳順禎化妝:Cyrus Lee髮型:Adrian Au @ Salon Chemistry造型:HY @V Chapter服飾:Joslin & Marella

梳化上的咕????代表歌迷對Jade的一番心意,也記錄著Jade過去20年的音樂路。(陳順禎攝)

梳化上的咕????代表歌迷對Jade的一番心意,也記錄著Jade過去20年的音樂路。(陳順禎攝)

有心理準備蝕本收場

政府近日宣布在5月19日後放寬表演場地入座率,容許開放85%座位,但在Jade受訪當日仍未有任何相關安排。其實場地只開放一半座位,Jade坦言當時有考慮過入座率低帶來的成本壓力,甚至要開始說服投資者願意出一分力相助:「本身諗住有得開係開八成位,但係你都估到佢只係肯開五成,但係五成真係好棘手,因為好難幫補返支出,就算開兩場都做唔到。但係得返五成又開唔開呢?呢個好睇投資嘅朋友,大家都要計數、憑信心,都只係抱住個『勇』字。係延期都仲好啲,但係如果我哋唔要呢個期,就真係冇得開,唔係等就可以解決到,之後有一段長時間都會開唔到。說服到投資者後,賣飛嘅情況都好緊張,依家咁睇的話,希望蝕少啲啦!開五成真係唔好諗賺,可能開三面台都好啲,今次開四面台嘅製作成本都更加大。」

Jade上一次開紅館個唱已經是10年前的《Jade Sings 演唱會2012》,她希望在紅館體驗四面台的感覺。(視覺中國)

Jade上一次開紅館個唱已經是10年前的《Jade Sings 演唱會2012》,她希望在紅館體驗四面台的感覺。(視覺中國)

為免歌迷失望秘密練兵

既然開四面台成本太大,改開三面台,成本壓力不就自然減低嗎?但Jade堅持按理想藍圖而走,務求令自己不留任何遺憾:「之前兩次紅館都係三面台,所以我真係好想試下四面台嘅感覺,作為一個歌手,無憾啦。試埋香港獨有,嗰種企喺最中間唱歌嘅感覺,我覺得咁已經好足夠。」1月得知紅館檔期的Jade,過去一直秘密跑步9公里練氣,練歌、練樂器少不免,同時也開始構思演唱會的流程、歌單,甚至在製作《Emergence》專輯後已經為演唱會寫下主題曲《約》,作為贈給歌迷的禮物:「佢哋好鍾意我寫嘅歌,《關心…心妍》、《接受現實》、《拖男帶女》,以至上年專輯嘅《愛的告別式》。今次為佢哋寫咗呢首演唱會主題曲,確實係諗住佢哋而寫。我想約定歌迷,唔知佢哋幾時開始鍾意我,或者係咪已經走甩咗?今次都係約定大家,下次都唔知幾時再開到,上一次紅館騷係10年前,如果今次睇唔到,可能要等到我50歲先睇得到。(笑)咁係咪睇我40歲嘅時候開騷會好啲呢?」

正當大家擔心演唱會籌備時間是否太倉促,其實Jade在1月得知檔期後已經開始準備。(陳順禎攝)

正當大家擔心演唱會籌備時間是否太倉促,其實Jade在1月得知檔期後已經開始準備。(陳順禎攝)

不排除Jovia初登紅館舞台

每逢歌手開演唱會,焦點絕對離不開個唱會出現哪些神秘嘉賓,對Jade而言,歌迷則期待能否看到女兒Jovia與媽媽同台演出。雖然在社交平台不時見到Jovia的樣貌,但Jade認為女兒在大家面前依然有種神秘感:「佢未真正見過傳媒,歌迷都未真正見過。佢出世嘅時候踏入疫情初期,講緊兩、三歲可以出街嘅時候已經係困住咗。好多人都未見佢真身,可能見到時候都係一歲左右嘅BB,點知一見到真身已經6歲啦!(笑)佢仲有嗰種好得意嘅感覺,依家係睇佢願唔願意,佢嘅心態接受到嘅就去啦,但係如果佢覺得上台好緊張,其實唔緊要嘅。到呢一刻佢係好想上台,但係同一時間都驚。」

轉眼見Jovia已經6歲,或許今次紅館舞台是Jovia首度公開露面,不過她坦言要觀察女兒的心理狀態才決定她是否在舞台現身。(IG/ @kwansumyinjade)

轉眼見Jovia已經6歲,或許今次紅館舞台是Jovia首度公開露面,不過她坦言要觀察女兒的心理狀態才決定她是否在舞台現身。(IG/ @kwansumyinjade)

放手讓Jovia追夢

作為母親的Jade不反對Jovia日後向歌手方向發展,但前提是要以學業為重,透過積累而來的知識認清自己是否適合視興趣為職業:「唱歌係一種興趣,但當要將佢視為職業,其實係兩回事,未必係好似你所想。做音樂永遠都可以,但成為職業,首先要知道一啲都唔容易,唔係淨係平時睇到著靚衫上台咁。畫面睇落好燦爛,但背後有好多嘢佢都唔知道,要付出幾多努力都未必知。」

Jade話,原來Jovia最有興趣嘅唔係唱歌?(陳順禎攝)

Jade話,原來Jovia最有興趣嘅唔係唱歌?(陳順禎攝)

在訪問中,Jade指原來Jovia目前最大興趣是練習體操,非常熱愛打空翻等高難度動作。不論女兒最後決定向體操運動員還是歌手方向發展,Jade也在背後支持,只怕女兒三分鐘熱度,在將興趣變成職業的過程中半途而廢:「如果有一樣嘢佢可以不停練好多個鐘都唔厭,不眠不休都唔覺得辛苦,就代表佢對呢件事有熱誠。但係呢股熱誠係咪可以變成職業呢?我覺得佢要再大啲先知道。其實我哋細個都係一樣,有幾百種興趣,而我到最後,歌手真係堅持得最多嘅興趣。呢個年代變化太大,今日都唔知聽日事,我會鼓勵佢,到最後佢決心做運動員,甚至係做歌手,我會繼續畀佢行呢條路。」

只要Jovia能兼顧學業,又能認清自己是否有意把興趣視為職業,Jade都會放手讓她追夢。(Instagram:@joviayang)

只要Jovia能兼顧學業,又能認清自己是否有意把興趣視為職業,Jade都會放手讓她追夢。(Instagram:@joviayang)

Jovia得知「關家姐」由來即喊

雖然過去20年都留下不少經典悲情歌,但樂迷茶餘飯後的話題總是離不開「關家姐」潮文、2009年《勁歌》拿錯獎等經典畫面。事隔多年,Jade坦言已經不怕其他人再度談起,過去在不同訪問中也大方談論事件,唯獨向Jovia提起這些事件後的反應,令她大吃一驚。而她也沒想過,《關家姐》成為Jovia的最愛:「大家都估到,佢會問我每一句歌詞係點解,然後我要將成篇潮文解釋一次畀佢聽。佢有啲明有啲唔明,但係講講下佢突然喊,佢覺得有人會咁樣話媽咪,唔明點解要咁話。我叫佢唔好喊住先,跟住就用呢件事做教材。呢個時間好多人都會講唔同嘅嘢,有啲你鍾意聽,有啲嘢根本冇發生都會繼續講,但係唔需要理,依家嘅風氣都有好多呢一種類嘅說話。佢就嚟升小學,會經歷好多嘢,好多唔想聽到嘅說話,要開始接受有啲人講你唔好嘅嘢,有啲人甚至會特登講你嘅唔好,唔會再有人不停讚你。」

雖然Jovia聽到解釋後的反應令Jade意想不到,但她認為及早透過歌曲令女兒認識世界,絕對是有益的事。(陳順禎攝)

雖然Jovia聽到解釋後的反應令Jade意想不到,但她認為及早透過歌曲令女兒認識世界,絕對是有益的事。(陳順禎攝)

解釋過《關家姐》後,某日Jovia在YouTube上無意看到媽媽在頒獎禮拿錯獎的一幕,結果又再解釋事件由來,而Jovia也再次突然哭起來:「其實佢真係好錫我,所有關於我唔好嘅嘢都接受唔到,覺得好似有人蝦我咁,好傷心。結果我又要安慰佢一餐,人生就係咁,有時候會做一啲好傻嘅嘢,或者係做錯嘢。我同佢講話第日都有機會經歷好瘀嘅場面,但係都唔使驚,冇事嘅。當然會喊啦,但係喊完就乜事都冇。」不過藉歌曲提早認知社會上各種現實,對Jovia來說相當有幫助,讓她及早做好心理準備面對世界上各種衝擊。

Jade已經不介意其他人再談起「關家姐」潮文、2009年《勁歌》拿錯獎等經典畫面,唯獨要向女兒解釋這一點較為吃力。(視覺中國)

Jade已經不介意其他人再談起「關家姐」潮文、2009年《勁歌》拿錯獎等經典畫面,唯獨要向女兒解釋這一點較為吃力。(視覺中國)

或為忠粉開迷你騷唱 Sidetrack

不論Jade出席哪些公開演出或節目錄影,相信她也收集過不少歌迷的點唱,今次演唱會也不例外,她坦言選曲所花的時間最大。「我諗《你有心》、《放生》、《負擔不起》呢啲一定走唔甩,講完之後佢哋會話『《手下敗將》都要唱』,跟住就會愈嚟愈多,『《假使我漂亮》都要』,『《以身試愛》要聽現場版』,『《龐貝21世紀》又幾好』,『《逆來順受》千祈唔好唔記得』……再講落去就真係搞唔掂。」在歌迷愈點愈多下,甚至有忠粉希望聽到一些Sidetrack,Jade也只能盡量在黃金時間滿足歌迷:「我明白有忠粉係會連自己啲sidetrack都聽晒,但係確實要兼顧,有啲觀眾未必係識好多自己嘅歌,仲要唱sidetrack就未必可以。嚟嘅人來自四方八面,我希望今次嘅歌單係完美,但係如果冇唱到你嘅sidetrack,我應承你會做一個Live畀大家,甚至如果有機會可以開一個mini concert,淨係唱sidetrack都可以。」

Jade也向一眾忠粉許下承諾!(陳順禎攝)

Jade也向一眾忠粉許下承諾!(陳順禎攝)

https://www.hk01.com/眾樂迷/767141/專訪-關心妍有心理準備蝕住開20周年紅館騷-只係抱住個-勇-字?utm_medium=referral&utm_source=01webshare&utm_campaign=01pplmusic

2022年5月6日 香港經濟日報 娛樂 【母親節】入行20年由少女變賢妻良母 關心妍身教女兒凡事感恩

2022年5月6日 香港經濟日報 娛樂 母親節 入行20年由少女變賢妻良母 關心妍身教女兒凡事感恩1
關心妍入行20年

2002年出道的關心妍(Jade),入行已經20年,由少女至人妻到成為良母的Jade坦言她由結婚起已希望當媽媽,因此當女兒出世後,她更停下工作3年專心湊女,希望女兒自小便能培養正確的價值觀。

關心妍於2009年結婚,女兒Jovia於16年出生,現時已5歲大,快要入讀小學,她有感最緊張的時候已過去,故可以再多投放時間在歌唱事業和慈善工作上。而今年剛好是關心妍人行20周年,她跟唱片公司早前入紙紅館,最後如願獲批在6月舉行演唱會。

2022年5月6日 香港經濟日報 娛樂 母親節 入行20年由少女變賢妻良母 關心妍身教女兒凡事感恩2

關心妍表示不少歌迷也像她一樣,現已成為媽媽。(湯致遠攝)

然而早前爆發第五波疫情,不少歌手演出都要順延,一度令她也十分擔心。「上一個月仍未知能否開到,但一切準備工作都要照走,由1月中已開始跑步練氣,至早前終落實如期開到,其實只餘一個多月時間。我今次抱感恩心情開騷,壓力不大,跟歌迷和老朋友見面,回味集體回憶。」

事業迷茫期時結婚

關心妍坦言年紀漸長,更明白很多事會變遺憾,演唱會以「約」為主題,便是關於人生很多約定。「尤其這兩年,大家都知道相約很難,失約很易,像我就一直不能去美國探哥哥,能跟至親好友見面,變得很奢侈,所以大家更要珍惜跟身邊人的約定。」

關心妍初出道兩年已踏足紅館,唱過多首大熱金曲,她現在回首,外間雖看似順風順水,但她知道來得不易。「媽媽其實不想我入行,故我很想證明自己沒選擇錯誤,而且唱片公司競爭很大,有很多人新人,為何要捧你,我也是等了幾年才有機會出碟,因此更要拚了命去做,稍為唱得不好便會被淘汰。其實我對這個階段的記憶很模糊,只記得一年出四張碟,加上不少拍攝宣傳工作,睡覺也沒時間。」

衝刺了幾年,關心妍不諱言很快已感到像江郎才盡,一度進入了迷茫期,在事業的瓶頸期時,她卻遇到現時的丈夫,因而開始了人生另一階段。「在娛樂圈工作幾年,開始覺得要有所改變,剛好遇到了對的人,於是便決定結婚。」

當義工找到自身價值

在此個時期,除了婚姻帶來轉變,關心妍也展開了她的義工之路,積極發展慈善基金,並曾獲選為十大傑青。她解釋轉變原因:「因為事業進入迷失期,工作上不知怎去行,因緣際會開始做義工,由探訪醫院開始,漸漸去監獄、兒童院,再漸漸關注社區、第三世界,原來人生不是單純只有頒獎禮和銷量,用自己的能力也可以幫到別人,亦找到了自身的價值和意義。」

7年前關心妍成立了慈善基金及音樂教室,主力幫助基層家庭青少年及兒童,雖然疫情關係令不少籌款工作都要暫停,她只好用自己的歌酬作補貼,堅持繼續慈善基金,盼望其認可性愈來愈大。」

培養女兒三個觀念

在她的人生歷程中,母親這個身份亦是意義重大。「我結婚那一刻,便想要有小朋友,可惜要等了7年才懷孕,可說為做媽媽已準備了好久。俗語說三歲定八十,小朋友的品和和價值觀,應該要自小便建立,所以當女兒出生後,我便停下所有工作,專心陪她長大,至她現在5歲,我才放心可以多做唱歌的工作。」

對關心妍來說,她希望女兒自小能培養三個價值觀,包括:感恩、有禮和好學。「小朋友要懂尊師重道,有長幼之分;另外要識感恩,明白一切不是必然,要付出才可以得到,將來面對挫折才懂去面對。可能我做義工接觸過不少年青人,知道很多事情需要由細去教,如學識感恩、有禮和好學,相信讀書成績也不會太差。」

女兒即將升小一,關心妍的選擇學校標準,亦以心靈為重。「首先要是教會學校,核心價值要重視愛和中國的傳統價值,也要有祈禱室,讓她遇到困難時能有個地方去傾訴。」

跟囡囡共度了 5年母親節,關心妍最難忘女兒在3歲那年,在房間畫滿了圖畫和貼滿花花,作為送給自己的母親節禮物,令她十分窩心。「今年她都好緊張,不斷說已要我驚喜,我叫她不要再講了,否則就不是驚喜,小朋友真的好可愛。」有女萬事足,此刻的關心妍,早找到人生意義所在。

化粧:Cyrus Lee

髮型:Adrian Au@Salon Chemistry

場地:Pier 1929

記者:區家歷

2022年5月6日 香港經濟日報 娛樂 母親節 入行20年由少女變賢妻良母 關心妍身教女兒凡事感恩3

2022年5月6日 香港經濟日報 娛樂 母親節 入行20年由少女變賢妻良母 關心妍身教女兒凡事感恩4

第三度再上紅館, 關心妍希望更像ㄧ個老朋友的聚會。

第三度再上紅館, 關心妍希望更像ㄧ個老朋友的聚會。

演唱會以約為主題。

演唱會以約為主題。

初出道的有關心妍, 唱過不少金曲

初出道的有關心妍, 唱過不少金曲

自積極投身慈善工作後, 更感生活變得有意義。( 取自 facebook)

自積極投身慈善工作後, 更感生活變得有意義。( 取自 facebook)

近年因為疫情, 關心妍指ㄧ家三口多是在家中慶祝節日。 ( 取自 IG )

近年因為疫情, 關心妍指ㄧ家三口多是在家中慶祝節日。 ( 取自 IG )

早前女兒停課, 關心妍除陪伴讀書, 母女也ㄧ齊在網上教唱歌。 ( 取自 IG )

早前女兒停課, 關心妍除陪伴讀書, 母女也ㄧ齊在網上教唱歌。 ( 取自 IG )

一家三口。 ( 取自 IG )

一家三口。 ( 取自 IG )

近年因為疫情, 關心妍指一家三口多是在家中慶祝節日。 ( 取自 IG )

近年因為疫情, 關心妍指一家三口多是在家中慶祝節日。 ( 取自 IG )

( 取自 IG )

( 取自 IG )

https://topick.hket.com/article/3245654?r=cpsdlc

2022年5月5日 約 (20週年演唱會主題曲)

280373236_10159557992243941_6995267765664487523_n

曾遇到多少「失約」而苦思憂慮「失眠」
曾留低多少「感慨」而講過別離「感言」
曾因有多少「牽掛」而心裡互相「牽連」

《約》是關心妍20週年演唱會2022 主題曲,Jade把內心感覺和監制”周錫漢”及填詞人”陳耀森”分享 。之後便描寫出道以來的心路歷程及與歌迷的約定情感,亦為這紛亂、變幻無常的世代增添一份感觸共鳴。「約定某天 某月某年 某落腳點 再遇見」簡單的一句下次見,只能變成某月及某年,甚至乎相隔天地,一切都不能預料,但在逆境中只要我們守著約定,努力活著,空盼未必未能成真,我們終會在未來再相見。

2012年1月20日 至 2022年6月4 相隔3788天的紅館約定。
將「約」化成一種無悔無懼的堅定信念!

曲:關心妍
詞:陳耀森 @yiusumlyrics
編:周錫漢/黃兆銘 @nickwong96
監:周錫漢 @mankeungchow

茫茫人生兜轉走到了目前
遺忘途經多少失約或失眠
偶爾在心中憶起某諾言 已事隔多年

人人求生追趕總各自發展
回頭留低多少感慨或感言
信約願一天可實踐兌現 言猶在耳邊

約定某天 某月某年
某落腳點 再遇見
彼此境況就算改變 連習慣也改變
祈望你笑臉再多點
記住某天 某月某年
某落腳點 約定見
彼此之間感覺未變 頻率也未變
誰怪你眼淺 放下身經百戰

無常人生穿梭轉眼數十年
沿途延伸多少牽掛或牽連
記掛在當天可實體碰面 無事亦相見

約定某天 某月某年
某落腳點 再遇見
彼此境況就算改變 連習慣也改變
祈望你笑臉再多點
記住某天 某月某年
某落腳點 約定見
彼此之間感覺未變 頻率也未變
誰怪你眼淺 放下身經百戰

若患難當前 若事事阻延 約仍然不變
明天~ 仍要無悔開展~~

約定某天 某月某年
某落腳點 再遇見
身邊一切就算改變 連道理也改變
和你~不變
寄望有天 美夢重演
雨後晴天~再沒風~險
聽到你聲線 平伏了我膽顫
明天~ 當想見面總可約見

「明天見~」
祈望兌現~

http://metroradio.com.hk/997/Program/NewSong/music.aspx?m=4191&song=%E7%B4%84%20(20%E9%80%B1%E5%B9%B4%E6%BC%94%E5%94%B1%E6%9C%83%E4%B8%BB%E9%A1%8C%E6%9B%B2)&fbclid=IwAR2a4N46u6oxMx_eI03-SbFWcEgQxmnZlpZ8SiWQSNnfZHxz8gGQKvp4NyA

2022年5月4日 頭條娛樂 (星島) 獨家丨關心妍力邀關菊英做嘉賓 欣宜MIRROR夾攻唔擔心紅館票房

2022年5月4日 頭條娛樂星島 獨家 關心妍力邀關菊英做嘉賓 欣宜MIRROR夾攻唔擔心紅館票房a

關心妍力邀關菊英做她入行20周年個唱嘉賓。

入行20年的關心妍(Jade)回顧「人生大事」,除咗結婚生女,一定要數到2009年喺TVB《2008年度十大勁歌金曲頒獎典禮》中攞錯關菊英獎項事件,將於6月4日及5日在紅館舉行《“約”20周年演唱會》的Jade望能徇眾要求請得菊姐出山做表演嘉賓:「唔使重提攞錯事件都夠爆,我覺得係人生中嘅烙印!」

採訪:方騫平 攝影:沈健程 化妝:Cyrus Lee 髮型:Adrian Au @ Salon Chemistry 服裝:Marella 形象:HY @V Chapter 場地:Pier 1929

關心妍和歌迷都成長咗,希望喺個唱上開心聚舊。

關心妍和歌迷都成長咗,希望喺個唱上開心聚舊。

疫情緩和,關心妍希望同歌迷見吓面。

疫情緩和,關心妍希望同歌迷見吓面。

關心妍出道4年即登上紅館開處女個唱,而第2次嘅紅館show喺10年前,今次係第3次,亦係首次嘗試做四面台,所以心情都特別興奮:「做一個演唱會要好努力同埋好堅持,做完今次之後都唔知幾時可以再成就到一個個唱,尤其四面台演唱會係香港獨有嘅嘢,作為一個唱咗20年歌嘅香港歌手,置身其中經已了咗心願,人生真係冇遺憾。」

雖然個唱籌備時間倉促,但關心妍諗起開到四面台都好興奮。

雖然個唱籌備時間倉促,但關心妍諗起開到四面台都好興奮。

關心妍出道第2年經已舉行迷你音樂會,感動到喊。

關心妍出道第2年經已舉行迷你音樂會,感動到喊。

18年前首次紅館個唱以性感tube top示人。

18年前首次紅館個唱以性感tube top示人。

對上一次個唱係7年多前喺九展開show。

對上一次個唱係7年多前喺九展開show。

入行最遺憾事件

講到入行後最遺憾嘅事,唔使講都估到係「攞錯獎事件」,Jade仍帶點耿耿於懷說:「呢個唔止係笑料,更加係烙印!但按觀眾民意,今次演唱會最想睇到菊姐,其次先到我囡囡心心,惟有順應民意。其實過時過節,我都會傳短訊畀菊姐,不過,暫時未搵到佢,聽聞佢唔喺香港,o依 家努力聯絡中。至於6歲心心未知會唔會上台唱歌,佢最想係表演我做唔到,而佢做到似模似樣嘅翻筋斗,但我要佢向爸爸申請,未知舞台能否配合所以唔敢答應佢住。而老公楊長智(Jonas)會負責迎賓及票務,因為得一個月籌備,時間緊迫要分工合作。」

關心妍攞錯獎事件被笑足13年。

關心妍攞錯獎事件被笑足13年。

關心妍囡囡最想喺紅館舞台表演強項翻筋斗。

關心妍囡囡最想喺紅館舞台表演強項翻筋斗。

關心妍最開心係建立咗個幸福家庭。

關心妍最開心係建立咗個幸福家庭。

唔蝕本已經好好

Jade感慨20年時間飛逝,疫情下所有嘢都唔同晒:「今次開兩場唔蝕本已經好好,既然投資者對我有信心,唔介意場館入座率限一半,所以決定唔好理咁多,做啦!20周年係個里程碑,趁住疫情緩和可以出到街,希望大家開開心心gathering。」提到被張敬軒、鄭欣宜、馮允謙、人氣男團MIRROR等夾住開Show,問到可會擔心票房問題?Jade坦言事前真係唔知係咁:「因為件事嚟得太急,唔要就冇期,20周年就冇得開…咁前後有晒人都幾熱鬧呀,希望啲人出返嚟睇show會有返啲信心。」而她為配合演唱會做新歌《約》送畀歌迷,歌曲會探討人生,疫情下可以約會已變成奢侈品,大家要好好珍惜。

MIRROR緊貼關心妍開show,佢話唔擔心得咁多。

MIRROR緊貼關心妍開show,佢話唔擔心得咁多。

關心妍將以湖水藍造型現身個唱。

關心妍將以湖水藍造型現身個唱。

關心妍下一個目標,會喺創辦嘅「妍亮生命慈善基金」加強發展兒童教育。

關心妍下一個目標,會喺創辦嘅「妍亮生命慈善基金」加強發展兒童教育。

https://std.stheadline.com/realtime/article/1834275/%E5%8D%B3%E6%99%82-%E5%A8%9B%E6%A8%82-%E7%8D%A8%E5%AE%B6%E4%B8%A8%E9%97%9C%E5%BF%83%E5%A6%8D%E5%8A%9B%E9%82%80%E9%97%9C%E8%8F%8A%E8%8B%B1%E5%81%9A%E5%98%89%E8%B3%93-%E6%AC%A3%E5%AE%9CMIRROR%E5%A4%BE%E6%94%BB%E5%94%94%E6%93%94%E5%BF%83%E7%B4%85%E9%A4%A8%E7%A5%A8%E6%88%BF?fbclid=IwAR0Ro-HfVn5xV3H7WfWWUMH2vhL_WYYhnXpUCt5CD7mcNjjSNzigL2FJ5pI