今日係人妻關心妍（Jade）35歲生日，佢早幾日已經同老公楊長智出發去日本慶生，連日來Jade都喺微博貼圖晒幸福。
早幾日Jade同老公去咗福岡嘆鐵板燒，兩公婆都好開心，之後Jade又去咗兒時最愛嘅「Harmonyland」，仲留言話：「My melody 我終於來了！」童心未泯。
除咗嘆鐵板燒外，Jade又去咗食超濃豬骨超肥叉燒拉麵，兼食大大粒又甜又多水份嘅日本荔枝，認真有口福﹗到生日前夕，Jade就話收到上帝嘅約定「彩虹」 做禮物，佢仲表示：「感謝主！」
到今日正日，Jade就收咗個靚靚生日蛋糕：「生日蛋糕花同我襯咗，謝謝大家的留言和祝福收到晒！」
