關心妍（Jade）每次開騷前都會操到自己最fit，經過一返努力終於操到最fit時96磅。日前到內地舉行演唱會記招，Jade特別揀一條高叉長裙給歌迷驚喜，但前一日老公陪她fitting時，一見Jade穿上就投訴︰「會唔會太性感呀？」Jade只好漏夜把高叉縫低2吋，老公才過關，她更自嘲穿起高叉裙復自己只得32吋長腿。（Jade）每次開騷前都會操到自己最fit，經過一返努力終於操到最fit時96磅。日前到內地舉行演唱會記招，Jade特別揀一條高叉長裙給歌迷驚喜，但前一日老公陪她fitting時，一見Jade穿上就投訴︰「會唔會太性感呀？」Jade只好漏夜把高叉縫低2吋，老公才過關，她更自嘲穿起高叉裙復自己只得32吋長腿。
入行18年，Jade有不少經典慘情歌，《負擔不起》、《你有心》、《我太強》、《慘得過我》、《放生》、《仍然》和《失戀哲理》等都深受樂迷歡迎，自宣布舉行巡唱後，Jade的經典金曲不斷在網上洗版，但廣州站後，不少歌迷對歌單有意見，不少歌迷投訴「關家姐」冇唱《關家姐》，和變身「C-12」的一系列歌曲，第二站可有特別改動？Jade說︰「《關家姐》和「C-12」的歌曲都有好多票數，但票數最高仲有幾首，呢兩個星期仲會繼續在網上投選，睇吓最終邊幾首入圍啦。」
巡唱第二站，Jade透露她邀請了一位神秘嘉賓合唱，「呢位係音樂才子，為我作過歌，新歌《時刻》佢都有份參與。」而巡唱第二站會否帶女兒同行？Jade說︰「佢睇完第一站好興奮，今日出發去記招佢都想跟埋嚟，問佢係咪想聽媽咪唱歌？心心話睇演唱會有好多零食，因為上次爸爸帶咗好多佢鍾意嘅食物，心心一邊睇騷一邊食嘢，好似食buffet咁。」
Jade特別在音樂學院「Shining Life Music」挑選七位學生，為音樂會做opening獻唱《Over the Rainbow》。