Jade關心妍嚟緊6月就會開紅館騷，除咗慶祝入行20周年，亦希望多謝歌迷一直以嚟嘅支持！相隔10年再踏紅館心情當然興奮，Jade仲擔心自己一上台就會爆喊添，而為咗今次演唱會，Jade一早就開始秘密練兵，仲自爆會show舞藝，係咪好期待呢？講到演唱會嘉賓，Jade表示想請菊姐關菊英，仲叫大家一齊集氣添！靚抽啊！Jade亦唔介意重提當年頒獎禮事情嘅烏龍事，佢仲話連5歲大嘅阿囡都睇咗條片，搞到佢要同囡囡解釋返件事，認真搞笑！而提到而家最欣賞嘅新人，Jade就即刻心心眼講出Tyson Yoshi個名，指Tyson有一種特質好吸引人，就連老公都好認同㗎！
