2 – 十一月 – 2015 – 關心妍國際歌迷會

2015年11月2日蘋果日報【馮仁昭四圍超】雨僑關心妍鬥唱冇晒氣

雨僑（右）前日去咗澳門為關心妍演唱會做嘉賓，佢同關家姐合唱《拈花惹草》，呢首歌比較高音有啲難度，合唱時難免會鬥氣，所以完騷之後，雨僑覺得成個人散晒，佢笑話：「佢嘅歌我好多都識唱，好多失戀歌，以前失戀嘅時候就會變成我嘅飲歌，其實今次做嘉賓都好緊張，因為隻歌有啲鬥唱跳嘅感覺，所以唱完最後粒字，就好似氣球洩氣咁。」

撰文：馮仁昭

2015年11月2日東方日報關心妍跌谷底想自殺

關心妍（Jade）前晚在澳門舉行演唱會，她自爆在事業低潮時曾萌自殺念頭，幸得家人、朋友支持，加上參加義工工作後得啟發才打消念頭，在場歌迷即叫偶像加油。另外，演唱會中有男歌迷向女友求婚，Jade即請這對準新人上台，送上歌曲《在你名下》作祝福。

擔任嘉賓的雨僑和師姐Jade合唱《拈花惹草》，由於此歌大考唱功，雨僑笑言演唱完畢後「成個人散晒」。

雨僑（右）擔任關心妍個唱嘉賓。

2015年11月2日【FACE即時】個半月地獄式減肥關家姐澳門開騷：我條23吋腰返嚟喇

–

關心妍(Jade)繼上年11月喺香港開個唱後，大前日將舞台移師澳門，舉行澳門站演唱會。今次個唱嘅rundown係佢自己排，唱咗唔少經典慘情歌好似〈放生〉、〈你有心〉、〈假使我漂亮〉等，當然唔少得唱自抽歌〈關家姐〉啦，當唱呢首歌時現場high爆。而關心妍仲再次挑戰王菲〈miss you night and day〉，呢首歌對佢意義重大，當年就係靠唱呢首歌羸咗喺歌唱比賽。

為咗今次個唱，Jade之前地獄式減肥個半月，點解？咪因為要着上一件超性感緊身透視長裙囉！呢條透視裙同另外兩套衫都係之前香港站係冇嘅，講番呢條咁sexy嘅裙，只係用銀片遮住重要部份，其他位置則若隱若現。Jade着上身後勁滿意︰「我條23吋腰返嚟喇，用咗1個半月時間地獄式減8磅。現在終於着得落，呢件衫最大鑊，要一啲肥肉都冇。」Jade係靠每日跑步，隔日做gym，仲要餐餐食枝豆、麵包同麥皮先可以有咁fit body。至於個演唱會仲請到雨僑做嘉賓，兩個合唱〈拈花惹草〉添。