Category Archives: 心妍訪問影片
2022年5月15日 雷霆881- 發式生活 余宜發 電台訪問
2022年5月10日 叱咤 903- 口水多過浪花 鄭裕玲 電台訪問
2022年5月7日 【娛樂專訪】關心妍將舉辦入行20年演唱會!坦言當年領錯獎事件最難忘!
2022年5月4日 頭條娛樂 (星島) 獨家丨關心妍力邀關菊英做嘉賓 欣宜MIRROR夾攻唔擔心紅館票房
關心妍力邀關菊英做她入行20周年個唱嘉賓。
入行20年的關心妍(Jade)回顧「人生大事」,除咗結婚生女,一定要數到2009年喺TVB《2008年度十大勁歌金曲頒獎典禮》中攞錯關菊英獎項事件,將於6月4日及5日在紅館舉行《“約”20周年演唱會》的Jade望能徇眾要求請得菊姐出山做表演嘉賓:「唔使重提攞錯事件都夠爆,我覺得係人生中嘅烙印!」
採訪:方騫平 攝影:沈健程 化妝:Cyrus Lee 髮型:Adrian Au @ Salon Chemistry 服裝:Marella 形象:HY @V Chapter 場地:Pier 1929
關心妍出道4年即登上紅館開處女個唱,而第2次嘅紅館show喺10年前,今次係第3次,亦係首次嘗試做四面台,所以心情都特別興奮:「做一個演唱會要好努力同埋好堅持,做完今次之後都唔知幾時可以再成就到一個個唱,尤其四面台演唱會係香港獨有嘅嘢,作為一個唱咗20年歌嘅香港歌手,置身其中經已了咗心願,人生真係冇遺憾。」
入行最遺憾事件
講到入行後最遺憾嘅事,唔使講都估到係「攞錯獎事件」,Jade仍帶點耿耿於懷說:「呢個唔止係笑料,更加係烙印!但按觀眾民意,今次演唱會最想睇到菊姐,其次先到我囡囡心心,惟有順應民意。其實過時過節,我都會傳短訊畀菊姐,不過,暫時未搵到佢,聽聞佢唔喺香港,o依 家努力聯絡中。至於6歲心心未知會唔會上台唱歌,佢最想係表演我做唔到,而佢做到似模似樣嘅翻筋斗,但我要佢向爸爸申請,未知舞台能否配合所以唔敢答應佢住。而老公楊長智(Jonas)會負責迎賓及票務,因為得一個月籌備,時間緊迫要分工合作。」
唔蝕本已經好好
Jade感慨20年時間飛逝,疫情下所有嘢都唔同晒:「今次開兩場唔蝕本已經好好,既然投資者對我有信心,唔介意場館入座率限一半,所以決定唔好理咁多,做啦!20周年係個里程碑,趁住疫情緩和可以出到街,希望大家開開心心gathering。」提到被張敬軒、鄭欣宜、馮允謙、人氣男團MIRROR等夾住開Show,問到可會擔心票房問題?Jade坦言事前真係唔知係咁:「因為件事嚟得太急,唔要就冇期,20周年就冇得開…咁前後有晒人都幾熱鬧呀,希望啲人出返嚟睇show會有返啲信心。」而她為配合演唱會做新歌《約》送畀歌迷,歌曲會探討人生,疫情下可以約會已變成奢侈品,大家要好好珍惜。
2022年4月23日 明周娛樂 MP Weekly 囡囡自薦做紅館嘉賓 關心妍終圓四面台心願
今年是關心妍Jade入行二十周年,去年籌備新專輯的時候,Jade已同時入紙申請紅館,但疫情反覆,她只好在未知開唔開到的情況下,預先拍攝演唱會海報,最終得知紅館將於本月二十一重開,再收到另一個喜訊,就是她獲紅館批出檔期,終圓四面台的心願。
趁第五波疫情緩和,闊別紅館十年的關心妍,宣布於六月四日及五日舉行《約》二十周年演唱會,得知場館重開落實舉行,Jade專程去到紅館門外拍片向fans報喜。
雖然是預早拍攝,但製作團隊非常認真,Jade更獲贊助商借用千萬鑽飾拍攝海報,她說:「因為時間緊迫,雖然未知開唔開得成,但都要拍定poster爭取時間,當然擔心受到疫情影響,今年是入行二十周年,很希望可以在今年開party慶祝。」拍攝當日亦做足安全措施,老公楊長智亦帶了幾部空氣消毒淨化機到現場,不過最擔心的人,是Jade五歲多的囡囡心心,「她是家裏最小心的人,每次出街都會提我們戴口罩、吃東西要洗手,今朝仲話要有消毒淨化機先好除口罩。」
Jade近日在家中密密練歌,心心都知道媽咪即將開騷,一九年她亦曾經看過Jade的巡迴演唱會,人仔細細的心心仲話想參與媽咪的演唱會,自動提出要做嘉賓,Jade一提起囡囡就甜到漏,「她真的好sweet,話想同我同台唱歌,我知道她是想分擔媽咪的工作,平時和她開live唱歌,都只是對住個鏡頭,不知道她對住現場觀眾會不會怯場?不過她背歌詞與音準也有天分,做吓心理輔導應該ok,睇吓佢臨場ready未?」
Jade說二十周年真的意義很大,一位歌手可以在舞台唱了二十年很不容易,她曾經兩度開紅館騷都是三面台,今次終於一嘗四面台的感覺,「很想做四面台,人生點都要試一次四面台,這是香港演唱會的特色。」雖然剛完成海報拍攝,Jade已忙於籌備歌單,希望舉行一個「冇廁所位」的演唱會,Jade說:「因為歌迷都餓咗咁耐,希望唱晒他們喜歡的歌,所以好頭痛,有些歌可能根本沒有派台,但他們都已經inbox我點歌,希望首首都擺入去rundown入面。」Jade預告歌衫會由好友陳華國操刀,並已操fit腹肌,揚言會有驚喜送給大家。